Last Day at Aizawl

Zirtawpni:

Dt.07.02.2025 Nilaithawhṭanni chu Aizawla ka kalchhan ber Training kan zawh tawh avangin tihtur ka nei em em lo a. Mahse, Aizawl hi ka kal khat avangin fan ka chak riau a; Chanmary- Kulikawn fang turin ka rilru ka siam a.

Lal-Mami nen a Damdawi Dawrah

Tukṭhuan ei zawh chuan nimina ka Taxi hman chuan Civil Hospital, Aizawl peng thlen hma deuha 2004-a GM Higher Secondary School-a ka XII Sc kalpui, Ramdinsangi (Lal-Mami) Damdawi dawrah min thlah a. Lal-Mami Dawrah chuan ka ṭhu renrawn a. A hnuah Lal-Mami nen Lehkhabu dawrah Lehkhabu kan enkual a, ka duhzawng ka hmuh loh avangin engmah lei lovin City Bus stand kan pan a. City Bus-ah min ṭhuttir a. Kum engemawzat hnuah City Bus ka chuan lehna ni turin City Bus chhungah chuan ka chuang ta vang a.

City Bus, hmeichhe Conductor-naa ka chuan hmasakna ber a ni. Isarael Point aṭanga Kulikawn City Bus Fare tur ₹20 chu Conductor ka pe a. Governor Gate bulah a nung hleithei ta tlat lo mai a! Passenger la chuang chu tlemte kan ni. Rei lutuk lovah chuan a ṭha ta a, kan tlan leh ta a.

Kulikawn kan thlen chuan Cunductor ka inhruai thlak tir a. Min khawngaih a ni ang, Fare ka pek kha min pe let!

Kulikawnah hian 2004-a Govt. Mizo Higher Secondary School-a ka XII Sc zirpui Ramengi (Matei) a awm tlatin ka hria a. Ka hmuh lohna ṭhangkhat lian a ni tawh a, hmuh ka tum deuh a ni. Matei chu ka Phone ta a. Ka phone fuh khawp mai, chhuah alo tum mek hi a lo nia! An awmna pawh hre lovin ka kal tawp mai a ni! Nakinah Ngaizel lam (niin ka hria) aṭang chuan Scooty a rawn khalh a. Helmet a khum a. Kan inkarah chuan Motor a vei reng a. Min hmuha min auh chuan 'mahniin ka kal thei lo' ka ti a, a Scooty a dah a, min rawn hruai ta a.

Mate-i nen

Kan inbe zawk a. Kalna tur nei anih avangin chelh khawmuan ka tum hran lo. Bawngkawn lam City Bus Stand-ah min thlah phei a. Remchang laiah chuan thla kan la a. City Bus chhungah min ṭhuttir hnu deuhah Bawngkawn lam pan chuan kan tlan chhuak ta a ni.

Chanmary kan thlenin ka chhuk a. School naupang pakhat chu Taxi Stand-ah ka inhruai tir a. Taxi chuan ka thlenna veng thleng ka inthlah tir. Kawng chhuk em em maiahte kan tlan a! Kawn kan thlen chuan zing lama min rawn phone-tu, chawei tura min sawmtu Lalhmangaihzuala, 2002-a Mary Jones School-a XI Sc ka zirpui chuan a Pate dawr bulah amah lo nghak tura min tih angin ka lo nghak a, rei vak lo hnuah a rawn thleng a. A inah kan phei a, kan in-report hnu rei loteah kan XI Sc zirpui Sangtei, Zemabawka awm; Scooty-a Accident va kan lawk ṭhain kan hria a, a Car-in kan chhuak a.

Kan tum hmun kan thlen chuan Sangtei chu alo awm a. Darkar chanve chuang kan ṭhut hnu chuan thla kan laho a, kan haw leh ta a ni. Sangtei chuan nuam lo chung chungin kan Motor dahna thleng min thlah.

A nawm loh dan hi Scooty-in a Accident a.  A enkawltu Doctor leh thawktuten i ruh a tliak lo an ti a, a hnuah a tliak tih an hre leh si a! Dam tawh tur kha a nat vak phah pa a ni! A lungawithlak loh hle!

Sangtei Damlo kan kan

Thim thet thetah a In kan thleng a. Kan hahdam hnu chuan Chawei an siam a. Arsa chhum, Bawngsa kan; Antam tih vel a ni. Ka eipuar khawp mai. An nu hi ka nau Nutei pasal nau a ni. Chaw kan eikham chuan rei vak loah Scooty-in min thlah a, kawngpui aṭanga ka thlenin thleng min pua! Rit min ti hian ka ring a ni!

Zanah chuan haw turin ka insiam a, ka mu a. Ka muhil thei lawk lo.

Haw lam:

Driver-in 5 a.m-ah chuan chhuah ngei ngei kan tum dawn nia tia a sawi avangin ka chhoh pui tur ka nau Nutei chu 04.45 a.m velah ka kaitho a. 5 a.m-ah chuan kan inpeih ta! Driver chu ka phone a, a Motor a chhiat avangin alo thleng thei lo (an siam) a lo nia! 

Tichuan, kan nghak ta ngat ngat mai! 08.30 a.m velah chuan an rawn thleng ta a! Kan in-load fel hnu chuan kan tlan chhuak. Zemabawk kawnah Passenger 1 a rawn chuang. Tichuan, Driver tel loin naute 1, Mipa 3 leh Hmeichhe 2 kan chuang ta a ni.

Keifanga Restaurant pakhat, Vli hotel & Restaurant tihah tukṭhuan kan ei a. Hetah hian ka inthiar a. An inthiarna chu a chhuat a awih lutuk! Ka ṭhutung thei si lo; ka ṭhutsawp lahin a tawngchham si! Ke kha pawnah thluan chhuah a ngai titih a. Pawn lama an kalh bawk si avangin rei vak lo chu ka che buai a. Vawi 3 ngawt ka tawlhthlu a ni!

Ka inthiar zawh chuan chaw ka ei a. Vawksa ka hmeh. Chawei man kan pek chuan chu Hotel neitu chuan eiman min Free! Ka lawm hle mai! Pathianin a let tamtakin malsawm rawh se!

Chumi hnu chuan kan khaw panin kan tlan ta char char a. 04.40 p.m-ah chuan tluang takin kan in thlengin ka room-ah ka ṭhu tawh a ni.