Aadhaar Number leh Phone No inthlunzawm leh inthlunzawm lo en dan

Mahnia Aadhaar leh Phone No inthlunzawm leh inthlunzawm lo en dan hi mi nawlpui hriat atan ka'n ziak ang e:

Tih dan 1-na: Aadhaar Website aṭangin

a. I Phone/ Computer atangin Browser hmangin https://uidai.gov.in/en/my-aadhaar/get-aadhaar.html hi hawng rawh.

aw. Download Aadhaar tihah hmet la.

b. Login tih lolangah khan hmet la. 

ch. Lo lang chung zawka ziahna turah i Aadhaar Number i chhu lut ang. A hnuaiah khan a dinglam sira Capcha kha i chhut lut ang. 

d. Login with OTP tih kha i hmet ang.

I phone-a Aadhaar OTP alo thlen chuan a inthlunzawm a ni tih i hre dawn nia. A rawn thlen loh chuan a inthlunzawm lo tihna. Mahse, chhan engemaw vangin OTP a rawn thleng lo thei. I phone kha Top Up thun a ngai maithei. Chutiang anih chuan he thil hi i ti dawn anih chuan Top Up thun hmasa ang che. I Inbox a khat a ni maithei bawk. I Inbox-a message-ho delete ṭhen rawh. Aadhaar Server hi ṭhat loh chang ngah tak a ni a, Technical avanga OTP thleng lo a ni thei bawk. Chuvangin, tihdan 2-na hi OTP i dawn theih loh chuan ti hrim hrim rawh.

Tihdan 2-na: Sarathi Website aṭangin

Hemi hi a chung ami aimahin a chiang lo ngun zawk.  Mahse, Aadhaar Number leh Phone Number inthlunzawm leh inthlunzawm lo en nan chuan a ṭha hle. A chhan chu a thlunzawm Phone Number kha a tawp lam Digit 4 a hriat theih.

a. A hmasa berin Phone/Computer Browser aṭangin https://sarathi.parivahan.gov.in/sarathiservice/stateSelection.do hawng rawh.

aw. Select State Name tihah khan hmet la, Mizoram tih thlang rawh.

b. Apply for Learner Licence tihah hmet la. A tha anih chuan rawn langah khan Continue tih i hmet dawn a nia.

ch. Server a ṭhat chuan Application for Learner Licence (LL) tih alo lang ang a. Khatah khan Submit tih kha hmet rawh.

d. Thil lolangah khan Submit via Aadhaar Authentication tih kha i thlang ang a, Submit tihah i hmet ang. Thil lo langah OK hmeh tur.

e. Thil lolanga Aadhaar Number leh Virtual ID tih awmah khan Aadhaar Number tih kha thlang la.

f. Aadhaar Number ziahna turah i Aadhaar Number kha chhu lut rawh.

g. Generate OTP tihah hmet la.

ng. OTP thlenna Phone Number, a tawp lam Digit 4 a lang ang.

h. I Aadhaar Number leh Phone Number a inthlunzawm chuan OTP chu a rawn thleng ang.

i. A inthlunzawm lo anih chuan Aadhaar Number leh Phone Number thlunzawm theihna hmun hnai berah thlunzawm tir turin nangmah ngei i kal dawn nia.

Tihdan 3-na: NPCI Website aṭangin:

1. https://www.npci.org.in/ hetah hian lutin

2. Consumer-ah i click ang

3. Bharat Aadhaar Seeding Enabler (BASE)-ah i click leh ang.

4. I Aaadhaar No. i chhu lut ang a, Capcha Code i chhu ang.

5. Check Status tihah i hmet ang a.

6. Aadhaar Card nena i link Phone No-ah OTP a thleng ang. Kha kha chhu lut rawh.

7. Aadhaar Card a in-seed leh seed loh chu alo lang ang.

Aadhaar Number leh Phone Number thlunzawm hi an hun a duh rei dan mi zawng zawngah a inang vek lo. A ṭhen a ni la laa a inthlunzawm rualin a ṭhen chu kar khat chuang nghah ngaite a ni.