Aadhaar Card leh Bank Account thlunzawm anih leh nih loh check dan

Mipui nawlpui hriat atan ka'n ziak ang e:

Tihdan 1-na: PMKISAN Portal atangin

Aadhaar Card leh Phone Number inthlunzawm a ngai. PMKISAN Portal-a in-register tawh i nih a ngai.

a. Thlalaka ka rawn tarlan ang hian i Browser atangin https://pmkisan.gov.in/ i hawng ang. Ding lam sira Know Your Status tihah i hmet ang.

aw. Thlalak lo lang ang khuan Registration Number chhut luhna tur  a lolang ang. Registration Number i hre sa lo a. Chuvang chuan a sing dinglama Know your Registration No tihah hmet ang che.

b. Thlalak ang khian Search By Aadhaar Number tih thlang a. Aadhaar Number chhutna turah i Aadhaar Number chhu rawh. Chuan, a sir dinglama Capcha kha a chhutna turah chhu bawk rawh.

ch. I registration Number leh Registration Name alo lang a. Registration No kha Copy la, a chunga BACK tihah hmet rawh.

a.-na ang khian kal leh la, aw.-na nen. Enter Registration No tihah khan Registration Number chu Ctrl+V/ Mouse Right Click+Paste la. Capcha kha chhu ang che.

I status chu engkim deuh thaw a lolang ta a. Thlalaka lang ang khuan Aadhaar leh Bank Account a inthlunzawm leh zawm loh chu Aadhaar Banck Account Seeding Staus atangin i hre thei ta a ni. Yes a intih chuan a in-link (Seeded) a, No a intih chuan link lo a, link a ngai tihna.

Tihdan 2-na: Aadhaar Website atangin

A hmasa zawk ang thoin Aadhaar leh Mobile inthlunzawm a ngai.

a. I browser atangin https://myaadhaar.uidai.gov.in/ i hawng ang.

aw. Login tihah i hmet ang.

b. Thil lolangah a chung zawkah i Aadhaar, a hnuaiah a sir dinglama Capcha kha i chhu lut ang.

ch. Login with OTP i hmet ang.

d. A hnuaia thlalak tarlana Bank Seeding Status atang khuan a en theih.

Tihdan 3-na: NPCI Website atangin:

1. https://www.npci.org.in/ hi hawng la,

2. Consumer-ah i click ang,

3. Bharat Aadhaar Seeding Enabler (BASE)-ah i click leh ang,

4. I Aadhaar No. i chhu lut ang a, Capcha i chhu leh ang,

5. Check Status tih i hmet ang,

6. Aadhaar nena thlunzawm Mobile No-ah OTP alo thleng ang a, OTP chu i enter ang.

7. Aadhaar in-seed leh seed loh alo lang tawh mai dawn a ni.