Vaikhawtlangah Krismas hmangin

Kamkeuna:

Kumin inthlanpui hma deuh khan Vaikhawtlangah Tribal Certificate te, PAN Card te, PMKISAN te buaipuiin kar li vel ka va awm a. Dt. 19.12.2023 (Thawhlehni) Zanah bialtu MLA zuitu kan Motor-a chuangin ka kal leh a. A kar khatna chiah, vawiin Dt. 26.12.2023 hian ka pa'n kan Motor-in min rawn la.

Kal lam:

Pu Laltea, Champhai North bialtu MLA zuitu Motor-in inkhawm dar rik atanga rei lutuk loah kan khua atangin kan chhuak a. Khuangphahah inkawmhona an neih zawk hnuin Vaikhawtlang kan pan.

Vaikhawtlang kan thlen chuan Campaign Office-ah kan thiante kan dah a, ka thlenna turah ka pa'n min dah a, ani chuan midangte va zawm lehin a zan la lain an kir. Tichuan, Vaikhawtlangah kar khat ka awm ta a ni.

Ka kal chhan:

Vaikhawtlangah hian rokhawlhna a awm anih loh chuan Krismas hman ka tum, a theih chuan kum thar pawh.

Ka thlennate:

Ka pu (ka nu unaupa) Siana fanu Nu Luni inah ka innghat a. A hmaa ka thlenna chu Nu Luni U niin an In awmna chu veng laili lam a ni. Tuna ka thlenna chu veng tawntirh a ni.

Tui hi kar khatah vawihnih: Nilaini leh Inrinni-ah a haw thin a. Ka thlennate chuan Connection an la neih loh avangin an thenawmte Connection an tawm. Ka va awmlai hian Electrict Current a awm loh vawikhat chiah ka hria.

Krismas ruai ka theh:

Ka thlennate hi Isua Krista Kohhran (A sen) an ni a. Krismas chu an Kohhran Sunday Sikul Hall-ah a thleng. Vawksa leh Arsa an siam.

Ka thlenna In atang chuan ruaithehna tur hmun pan chu ka tan chuan kal a hahthlak angreng khawp mai. A hla si! Kan chho det a, tawite a phei a; a chho ngar ngar a. Min hruaitu pawh ka hah ang thoin a hah ve ka ring.  

Ruai kan theh zawh chuan ka pu Muanate Inah kan chawl zawk a. Nu Ngaiite inah kan lut a. Heta tang hian ka khel a kham em avangin Bike-in ka thlen in thleng ka inthlah tir.

Ka hritlang:

Nimin piah atang khan hritlang ka kai hlauh mai a. Typhoid man tlawm ka leitir a, chu chu ka ei a. Min chhawk deuhin ka hria. Ka pik deuh avangin leh ka kalchhan deuh ber pakhat: Krismas ka hman zawh tawh avangin ka pa hnenah min hruai mai turin ka ti a, min rawn hruai a ni.

Thil dang:

1. Ka thlen In atang chuan Khuangphaha Information Mike-a an au kan hre thei.

2. Krismas boruak a muanawm. Lal lopiang lawma zaikhawm dup dup thawm hriat tur a awm reng.