Freebooters Club : Hnahlan chuan kan President kan chan

Kamkeuna:

Nimin (24.08.2023)-a ka Dawr nghak chuan engmah tihtur ka neih loh laiin ka WhatsApp ka en a. Kan ṭhianho Group-ah chuan kan President chu Ebenezer Hospital, Aizawl ICU-a a awm thu leh zan a daih loh maitheih thu an rawn post a. Chumi chanchin ngaichang pah chuan Dawr chu ka nghak chhunzawm zel a. 04.30 p.m a rik chuan kan ṭhianpa Roluahtua Vaiphei chuan Doctor-in a boral tih a Confirm thu a rawn post a. Kan ṭhianpa chuan thlafam min chansan ta a ni! A thihchhan deuh bera an sawi chu Kalna a ni.

Tu nge anih?

Kan ṭhianpa hi a hmingpum chu C Ramtharsiama a ni a, a boral hian kum 38 a ni. A pa chu Vanlalphena niin 25.11.2013 khan a boral tawh a. A nu chu Lalṭhakimi niin Venglai, Aizawlah Senate unau zinga naupang ber Vanlalchhuanga nen an cheng. A farnu (Zothanpuii leh Lalramsangi)-te chuan pasal fanau an nei tawh. Kan ṭhianho hian inkohna bik kan nei a. Ani hi kan kohna chu 'Ulaia' a ni. Midang chuan 'Sena' tiin an ko. Nupui Ngaihluni a nei a, fa an nei lo a ni. Saron Vengah In neiin an nupain an khawsa. Kohhranah chuan Salvation Army an ni.

Ani hi Thing Mistiri a ni. A kuthnu a mamin a nalh a, hnathawh tur a hmu em em a ni. Annu hian Panhnah a zuar ṭhin a, Kuhva a siam ṭhin bawk.

Freebooters Club : Hnahlan kan din tirh aṭanga kan President nichho ngar ngar chuan tunah chuan pialleiah min zalsan ta chu a ni a! Nithum vel kalta khan Phone-in ZMC-a a awm laiin ka bia a. Khami ka biakna kha ka biak hnuhnunna ber tur anih hria ila chuan kha aia rei fe kha ka be tur!

Pa fiamthu duh ve tak a ni. Pumruaa kan intiat deuh avang hian ṭhianho kan teichhuah changin min hruaitu a ni fo ṭhin. Ṭhianhoa kan awmkhawm changin a changin Card kan deng a, a changin kan zai a; a changin kan titi a. Fiamthute thawhin kan nuiho bawrh bawrh ṭhin.

A boral zan:

A boral thu kan hriat ve leh Emergency Committee chu kan ṭhianpa Vanlalnunzira Inah kan ko a. Tah chuan kan President ruang hmuah dan tur chungchang kan rel a. Ṭhianho kan kim hle. Ruang chu Motor hire a, phurh nise kan ti a. Tichuan Motor tur chu Zaneihkhuma'n a dap nghal a. Motor (YODA) a remchan hnuah Sena Inah kan lut a.

Sena ruang chu Ambulance Motor-in Aizawl aṭangin Champhai Road-ah a rawn phur chho a. A rual hian zuitu engemawzat Motor dangin an rawn kal bawk. Keini, a ṭhiante chu lenkhawm dangte bulah kan lengkhawm a; kan zai tlaivar a ni.

A tuk zing:

Ruang rawn zuitute aṭanga Champhai kan thleng tawh tih WhatsApp Message dawn bawhzuiin kan Motor hman tur awmna lamah ṭhianho chuan kan tlehphei dial a. Mimal Pickup pakhatin min zui bawk. Emergency Committee-in a rel angin amahoa kan sak kan ṭhianho Waiting Shed-ah kan lo nghak ta a.

Kan lo nghahna an rawn thlen chuan Ambulance Motor atangin kan Motor hire-ah ruang chu kan hlang a. Tichuan, ama In lam kan panpui ta a ni.

Kan ṭhianho Waiting Shed-a a ruang kan hmuak lai

Sena ruangin a In a thlen hnu chuan ruang rawn zuitute aṭangin report kan ngaithla a. Hemi zawh hian mahni in lama chawei turin kan haw hlawm.

Vuina hunserh:

11 a.m a ni. Vuitu mipui an ṭhahnem hle. Ṭhianhoin puanin a ruang kan tuam a, a tawpna berah thla kan lakpui. A in aṭanga a thlan thleng kuang kan zawn bawk.

Thildang:

Kan ṭhianpa Biakhmingliana chuan a Aizawl kal tur ṭhulhin ruang a rawn zui a, Roluahtua Vaiphei chuan Aizawl aṭangin a ruang a rawn zui bawk. Khawdang aṭanga ruang rawn zuitute hi 30+ an ni. Khaw ṭhenawmte an rawn kal bawk.

Lalenkawla leh Saichhuana chuan Puanin an tuam a. Lalrinfeli of Ngopa-in ₹ 200 leh Lallawmzuala'n ₹ 100 an thawh.

Tlipna:

Kan ṭhianpa Sena (Ulaia) hi a ṭhiante hian theihnghilh ni kan nei lovang. Sena (Ulai), thlamuang takin chawl ang che.

Thubelh:

Freebooters Club: Hnahlan hi 1998-a din tan niin tunah hian Member 27 kan awm mek a ni. Member-te:

1. C Lalrinfeli d/o 

2. Lalruatfeli d/o Thansanga, Ramthar Veng

3. Lalnunemi d/o Taithuama, Mualveng

4. Lalchhandami d/o Thansanga, Ramthar Veng

5. Jessy Lalnunchhuangi d/o

6. Zaneihkhuma s/o 

7. Vanlalliana Cherput s/o C Hmangaihzaua, Tlangnuam Veng

8. Thangsavunga s/o 

9. Thangbiaklala s/o 

10. Saichhuana s/o

11. Roluahtua Vaiphei    s/o Sangkiamlova (L)

12. Laldinpuia s/o

13. Lalenkawla s/o C Lalchhandama (L)

14. Lallawmzuala s/o  

15. Lalhmunzaua Pachuau s/o PC Muankima, Saron Veng

16. Lalpektluanga s/o

17. C Lalrinsanga s/o Golden Lalthangliana, Ramthar Veng

18. Lalhunmawia Chawngthu s/o Kroschhuanga, Ramthar Veng

19. Jonathan Lianhmingthanga Sailo s/o Lallianchhuanga Sailo, Mualveng

20. KC. Ramtharnghaka s/o Taithuama, Mualveng

21. HS Lalremruata s/o

22. F. Laltlankima s/o F. Lalthlangliana (L), Tlangnuam Veng

23. C. Romalsawma s/o

24. C. Lalmuanpuia s/o Darchungnunga, Tlangnuam Veng

25. Vanlalnunzira s/o HB Vanlalvuana, Saron Veng

26. C. Vanlalhriata s/o Ch. Romuana (L)

27. C Biakhmingliana s/o C Tlangremmawia, Champhai

28. Dailianmunga s/o Chinlamthanga (L), Vengthlang

Tunah hian Lalnunsanga leh C Ramtharsiama-te'n min boralsan tawh a ni.

Chhiar belh duh tan: 1 leh 2

Update: Kan president boralta hi nimin 03.09.2023 khan a chenna inah kan ral a. Dekchi bel, Citation leh pawisa fai a nupui hnenah kan hlan.