Vaikhawtlang hi a awmna hmun a hniam ang reng hle. Sea Level aṭanga tehin 875 M (2871 Ft) chauh a ni. Champhai District-a awm niin Champhai aṭangin 86 Kms vela hlaah a awm. Champhai North Constituency A/C-a awm a ni. 2011 census-ah khan In 168 awmin mi 938 an cheng.
Kan khua aṭanga Vaikhawtlanga kal tur hian Khuangphah thlen hmasak phawt a ngai a. Truckable Road-in a paltlang. Assam Rifles hi Company khat awmin anni hian an Camp-ah Helicopter ṭum hmun an nei.
A khaw tet aiin Kohhran chi hrang a tam hle. Heng zingah hian Presbyterian Church of India te, Isua Krista Kohhran (A Sen) te, Isua Krista Kohhran (A Var) te, Salvation Army te leh a dang pawh a awm nual.
Veng hi parukah an inṭhen a. VC hi Member 4 an nei. YMA, MHIP, MUP-te Branch angin an ding. Siamsin Pawlpi (Zirlai pawl) an awm bawk. Primary, Middle leh High School a awm. English Medium School pahnih a awm. Aganwadi pakhat a awm bawk. Heath Sub Centre a awm a, Health Worker pakhatin a awmchilh.
Veng hrang hrangah Tui point-ah zing tin tui a haw ṭhin a. Chu chu a mi chengte tlan ber a ni. A michengte eizawnna ber hi Loneih a ni. A khaw bulah hian Tuisa lui a awm a. Heta lui nungchate hi an man a, an zuar chhawng ve ṭhin.
Mobile Signal a ṭha lo hle. Myanmar (Burma) SIM CARD : TELANOR an hmang nasa hle!
Vaikhawtlangah hian ka naupan lai (Isua Krista Kohhran: A Var-a kan awmlai)in ka kal ngun ve hle. Naupang inkhawmpuite hian ka kal ṭhin.
Hmanlai kha chuan khaw luh dawnah kawngsirah Sangha Dil a awm ṭhin.
Vaikhawtlang PlaygroundTun hnua ka kal leh ṭan takna chu Hnahlan Pastor Bial KṬP Conference leh Half Yearly Meet a ni.
Nikum hmasa khan Hnahlan Pastor Bial KṬP Half Yearly Meet an thleng a. Hemi ṭum hian thlen kimni hmain ka kal. VCP Inah ka thleng. A hnuah ngaihzin angin kar khat ka va zin leh. Kumin kumtir lam khan Hnahlan Pastor Bial KṬP Conference-ah ka kal leh. Hemi ṭum hian ka nu nuṭate inah ka thleng. Conference zawh hnu kar khat ka cham tlang.
Ka rualpuite chuan nupui fanau an nei dihdiah tawh hlawm! Tunlai ṭhangtharte hi ka hre hlawm lo. Ka zinchhuak khat nen!
Ka sawi hmaih loh tur pakhat chu: Nikum Krismas leh Kumthar vuakvetah khan kan ṭhianhoin Vaikhawtlangah hian Chawlhni zanah Nula kan va rim! Khami ṭum kha chu ka theihnghilh anih ngawt loh chuan ka la sawi reng dawn a ni.
Selam khua leh Vaikhawtlang khua hi ka nu lamte ṭhathnemna a ni a. Ka inti khua viau! Anni pawhin khawilai khualchhia mai mai angah min ngai bik loin ka hria. Ka pa u Lalsangluaia Sailo fapa Vanhnuailiana Sailo zalna hmun alo ni bawk! A nupui hi ka nu lam aṭanga inhnai tak kan ni.
Vaikhawtlang aṭang hian Kawlbemah, Ngopa thleng ka kal tawh. Kawlbem leh Ngopa khaw inkar kawngchhiat zia chu! Vaikhawtlang leh Kawlbem inkar kawng inthleh nasat ziate!
Sik leh Sa thuah Vaikhawtlang hi a Extreme ka ti! A satin a sa vak a, a vawhin a vawt leh em em a! A michengte, a bikin tleirawl leh nulaho an hmelṭha viau lawi si! Theihai te, Thingfanghma te an ngah! Kawlthei te pawh!
I hman hunah Vaikhawtlang khuaah hian zin ve ngei rawh. Paite ṭawng hmang an ṭhahnem na a, Mizo ṭawng an thiam vek a nia! Mizo Society nen an inchenpawh reng a ni.
0 Comments