Khuangkhawpui

Khuangphah hi Hnahlan aṭanga Vaikhawtlang kal tur chuan kalpelh ngai a ni a. Truckable Road-in a tlan tlang. Vapar leh Hnahlan inkar leh Khuangphah leh Hnahlan inkar hi a inchen em aw ka ti ṭhin! Tun hma Jeeable Road anih lai, Lirthei pawh duh duha chuanna tur hmuh theih loh lai, ke ngata Vaikhawtlang thleng kan kal ṭhin kha tun hnua ka ngaihtuah let hian 'kan va lo thei zawk ve?' ka ti ṭhin!

AWMNA:

Sea- Level-ah 1,499 M (4,918 Ft) a sang a ni. Geographical Coordinates-ah 23°46′36″N 93°22′49″E -ah a awm. 2011 cencus-ah In 129 awmin mi 728 an cheng. Champhai District-a Champhai North Constituency A/C-a awm a ni.

A bul lawkah hian Myanmar (Burma) khua VANZAU a awm. International Boundary a ni.

KHUANGPHAH

Khuangphahah hian Presbyterian Church of India te, UPC (NEI) te, Isua Krista Kohhran (A Sen) te an awm. MUP, MHIP, YMA te Branch angin a ding. VC hi Member 3 an awm. Health Sub Centre a awm a, Health Worker pakhatin a awmchilh. Primary leh Middle School a awm. Aganwadi a awm bawk. Hnahlana 32 KV Power Sub Station aṭangin Electrict hnianghnar takin an la lut. Tui in tur lamah an harsa ve hle.

Ka ṭhianpa Chhingdaia (C Lalmuanpuia nen)

Jio Mobile Tower a awm na a, a la function lo. Chuvangin, Burma SIM CARD tel lo chuan Mobile Phone a hman hleihtheih loh!

Netaji Subash Chandra Bose lim

Khuangphah aṭang hian Vaikhawtlang chu hnai hlein lang mahse a thlen hun chhung a duh rei. Kawng a kual nasa lutuk a!

A mi chengte eizawnna ber chu thingtlang lo neih a ni.

Ka sawihmaih hauh loh tur chu Indopui Pahnihnaah khan Khuangphah khaw chhungah Japan Sipaiin Japan Ram Flag an tar a. Mahse, an awm loh hnuah an la thla leh a ni. Tin, India zalenna sualtu hmingthang tak Netaji Subash Chandra Bose-a LIM a awm bawk.