Kan khua aṭanga Tualcheng hlat zawng hi 15 Kms vel a ni. Truckabled Road a tlang. He kawng hian Selam thleng a pawh a ni. Tualcheng aṭangin Pamchung kawng leh Lungphunlian kawng Jeapabled Road a tlang. Aizawl kalnan leh Aizawl aṭanga rawn kal nan Pamchung Road hi a ṭangkai hle.
TUALCHENG
Georaphical Coordinate-a 23°43′28″N 93°18′15″E-a awm, Champhai District chhunga khaw pakhat, Champhai North Constituency A/C hnuaia awm niin, Sea Level-ah 1,502 M (4,928 Ft)-a sangah a awm. 2011 Cencus-ah In 119 awmin, mi 770 an cheng. Veng hi 4 awmin VC Members 3 an nei.
Kohhran hi Presbyterian Church of India te, Baptist Church of Mizoram te, Salvation Army te a awm. Sawrkar enkawl Primary School, Middle School leh High School bakah English Medium School pakhat a awm. Health Sub Centre awmin Health Worker pakhat a awm. Retailer pakhat awmin a ni hian Hnahlan Supply Godown aṭangin Ration Buhfai a la ṭhin. Cable Television (Champhai aṭanga Cable hmanga pawhluh) an nei. Power Supply hi 32 KV Sub Station, Hnahlan aṭanga pawh luh hnianghnar takin an nei bawk a, Transformer pahnih an hmang. Tuikhur 6: Buklui Tuikhur te, Vengthlang Tuikhur te, Khurhla, te, Lungsum Tuikhur te, Saiduli Tuikhur te, Hratdailova Tuikhur te a awm.
LUNGNOKHAWHTHLA
A michengte eizawnna ber chu Thingtlang Loneih a ni. Ṭhenkhat chuan Dimphai leh Thangpuiah Phai/ Leilet an nei. Bawng vulh an awm nual. Sangha Dil siam an awm pheuh pheuh bawk.
A khawhmun hi a rem lai chu a rem viau a, rem lo lai a awm zeuh zeuh. (Awih lutuka kal ngai a awm zeuh zeuh tihna anih chu!) Eichawp Dawr te, Thingpui Dawr te, Damdawi Dawr te a awm.
Lal Mual an tih mai chu Community Hall hmaaah a awm a. Volley Ball Court ṭha tak atan an hmang. A bul lawkah Branch YMA Office awmin tunah hian RCC hmangin an sa mek. Football Playground hi Pahnih an nei a. A khaw daifem zawka awm hi an hmangrim lutuk lo.
ZEMATHINGTHUPUI (ASPARASUS)
Aganwadi Center pakhat a awm. Tui hi an hnianghnar angreng a. Tuk tin khawlaia Tui Point hrang hrangah zingkarah a haw ṭhin.
Presbyterian Church of India, Hnahlan Pastor Bial, Sunday Sikul naupang Inkhawmpui ṭumin kein Inkhawmpui turin kan kal ṭhin. Khang hunlai kha ka ngai ṭhin ngawt mai!
GOVT. MIDDLE SCHOOL
Primary leh Middle School hi Annual Sport chu khawdanga School-te nen Hnahlanah an rawn nei ṭhin thung a. A nuam thei khawp mai. Middle School Leaving Certificate (Cl- VII) pawh Hnahlan hi Exam Centre anih avangin an rawn in-exam ṭhin.
CHHAWKHLEI TLANG:
Tlang thengthaw nuam leh Phul nuam tak awmna, khaw lua awm a ni. Branch YMA-in an humhalh ṭha a, a len vel a nuam khawp mai. Hetah hian Jio Mobile Company chuan Mobile Tower an dah a, mahse; tunah hian ala Function mumal lo.
Lehkha ka zir lai chuan kan khua aṭanga hnaite e ti siin ka kal ngun lutuk lo. Ka kal chang a awm. Ka la hriatreng chu, Hnahlana lungphunnaa rawn kalte ka zui a, kar khat vel ka zu zin kha a ni. Khami kum khan Cl- IX ka zir tlatin ka hria! Khatih lai khan Bukral veng hi ala awm lo a, ramhnuai vek a ni!
BUKRAL VENG
Tualchengah hian ka pu nau hmeichhe pakhat (Pi Romawii [Fam]) chu pasal neiin a awm a. An inah ka thleng. An kawtah hian hmelhriat ṭhian ka nei a. An kawmchhak chiahah pawh! Ka ṭhiannute inah chuan ka leng fo!
CHHAWKHLEI TLANG
Kan khuaa ka awm hnu hian hman kumah Hnahlan Pastor Bial Inkhawmpui an thlen ṭumin Kohhran Zaipawl zingah ka kal ve. Chumi ṭum chuan ka pa Cousin, ka pa Rinawma (Fam) inah ka thleng. Min duat hle. Hemi ṭuma ka Tualcheng zin hian ZEMATHINGTHUPUI (Thingthupui chi khat, Mizoram hmun danga awm lo, a rimna lutuk lo, tui leh hrisel bawk si) ka duh ṭanna a ni. A hnuah Vana Pa Group YMA Conference-ah ka kal leh. Khami ṭum khan Indoor Items leh Outdoor Items kan ti nual. A nuam hle. A tawp zanah mi inah Arsa kan kang! Hemi Hemi ṭum YMA Conference-hian ṭhian ka chhar thar a, chu chu a hma pawha post danga ka ziah tawh Tluangtea a ni. Ani nen hian a chhungte (ka ṭhiannu pate) inah kan thleng tlang.
Tualchengah chuan Bukral tih hi a hming ka thinlungah a reh tawh loang. Thla hnih chhung zet chu Bukral vengah hian ka awm.
Ka lo upa ta a ni ang e, ka mi hriat ṭhenkhatte chuan nupui/ pasal an nei tawh a. Ṭhenkhat khaw dangah an awm tawh.
THLANMUAL
Tunah hian an khawchhung an Blacktop mek a. An khua aṭangin Lungphunlian khaw kawngpui thar tur an lai mek bawk. Nakin lawka khualzinte tana khaw pawimawh tak la ni turah hian a michengte hi an fel tlang a. Mikhual lawm dan pawh an thiam. Ka ngainatna hi a reh mai pawh ka ring lo!
Tualchengah hian Lungsaphu, Lungnokhawhthla leh Tumkhuai Kham a awm. Adventure lama tui mite tan tlawh nahawm tak tur a ni.
191020200815
0 Comments