Kum dang ang lo takin 2019-a Vana Pa Group YMA Conference chu hmang turin Kumthar ni aṭangin rilru ka siam a. He Group Conference vawi: 35-na hi ka dam a nih phawt chuan hman ka tum ruh hle! He hun hi ka naupan lai aṭanga ka khaw ngainat ber zinga mi Tualchengin a thleng dawn a ni.
Inbuatsaihna:
A hun a thlen hma kar hnihna aṭangin kan Section YMA chuan Intihsiakna hla kan zir ṭan a. Hla zirnaah hian vawihnih ka kal. (A hla hi ka hriat sa a nih avangin leh chetvela harsatna nei ka nih avanga kal zat zat lo ka ni.)
Kan kal:
Kan Section aṭang chuan hmeichhe pathum leh mipa paruk Pickup-in kan kal a. Midang lokal vete chu tlai lamah an lokal hlawm. 12 p.m hnuah kan Section Leader in aṭangin kan chhuak.
Min check:
Tualcheng khua kan thlen hma chuan Val Upaten min lo tidingin kan bungruate chu ruihhlo kan keng nge keng lo tih an lo check a. Kan keng lo hlawm a niang man an nei lo hlauh!
Tualcheng kan thleng:
Ka first te khua, thla hnih vel zet ka khawsakna Tualcheng chu kan thleng ta. Community Hall kawtah mikhualte chu min lo hmuak a. Thingpui thlum tui tak kan in hnuah ka thlenin turah rawlthar pahnihin min hruai.
Ka thlenin:
Tualcheng Presbyterian Kohhran Secretary Upa Zirate ina thlen tuna a hmaa inring sa ka nih avangin chutah chuan min dah a. Ka rin hauh lohvin kan khua, an chhung nibawk Tluangtea chu a lo thleng ve reng mai a: (Ani hi ka Conference hman chhung zawnga min buaipuitu ber pakhat a ni nghe nghe.)
A ṭan zan:
6:45 p.m vel nitain ka hria, Programme kan hman zawhah ka haw a, ka mutna tur min siamsak tura ka ngen ka thleninte mo chuan ka mutna tur min siamsakah mumang bo ṭhakin ka mu.
A ni khatna:
Hemi niah hian Indoor lam Programme kan hman zawhah Outdoor Programme kan hmang. Volleyball-a intihsiak a ni.
Zan:
Zan tir lamah Biakinah ka inkhawm. Zan lamah hian Vantlang inkhawm neih a ni.
A ni hnihna: Zing kar aṭangin Programme hrang hrang hman a ni.
Intihsiakna ṭhenkhata ka sawi duhte:
1. Kan Section inbuatsaihba Lengkhawm zaiah tiṭhaa ka inhriat nen, Top 3-ah kan lang lo.
2. Hmeichhe Volleyball-ah kan Section kan tel lo. 3. Elocution-ah kan Section kan tel lo. Chungte avang leh Mipa Volleyball-a kan tlak avangin a pumpuiah kan Section chu 7-na kan ni.
Zan thumna:
A tawp zan a ni bawk a, ka theih ang tawkin ka lam nasa hle. A nuam khawp mai.
Extra:
1. A pumpuiah Hmeichhe Volleyball-a Pahnihna leh Mipa Volleyball-a Pakhatna latu Tualcheng Branch chu Pakhatna an ni.
2. 2021 Group Conference chu Khuangphahin an thleng dawn.
3. Receiption Counter-a inziaklut zawng zawng hi 135 vel kan ni.
4. North Diltlangin Comics an entir (Tuarpuii) chu kalkhawmten kan hlut hle.
5. Inneitute leh Khawtual mite kawng hrang hrangah an fakawm.
6. Ruihtheih thil ti ka hmu lo.
7. Photo Booth awm kha ka fak khawp mai.
8. Sound-a buaina awm lutuk lo kha a lawmawm. Light kan hnianghnar.
Tlipna:
YMA Conference-a ka kalpuiten kan kalchhan YMA thuvawn anga min ngaihsak avangin ka lawm hle a ni.
Thubelh:
Kan haw dawn zanah 2 a m pelh thleng mengin Ar kan kang. 22.2.2019, 7 a.m pelh hnuah kan khaw panin kan haw. YMA VUL ZEL RAWH SE.
0 Comments