Kum 2004 kha Internet-a thuziak publish a nih champha phak vawi 30-na a lo ni ta reng mai. Chu thuziak, kum sawmthum laia upa chu Vinton G. Cerf-a leh a thawhpui Robert E. Kahn-a te ziah, 'A Protocol for Packlet Network Intercommunication' a ni a. Mi tlemte chauhvin he thuziak hian tawpchin neilovin mimal leh pawl thenkhatten Computer engemawzat inthlunkhawm chu Computer pakhat hmangin an va daipawh in thil engengemaw zir nan te, thil engengemaw daihriatnan te nasa takin hma a lo la lawk ang tih an ring.
 |
Thilthleng duhawm lutuk leh a hunlaia inhmehtak mai pakhat a awm a, chu chu 'Internet Pa' ti hiala hriat leh kohin a hming(name)- ah tunlaia Internet hmang thinte tana thumal mikhuallo tak mai pakhat, 'Surf' an hriatna bulpui 'Cerf' a lo nei hlauh mai.1976- 1982 a United States of America-a Department of Defence's Advanced Research Project Agency (DARPA)-a thawk mek Vinton G. Cerf-a chuan Internet lama mihringten hma kan sawn theihna turin leh awlsam taka inralrinna lampanga hma kan lak theihnan leh mahni ngei pawh kan inven theihna turin a thiamna a thawh nasa hle a.(LPS Vision-a Sport lampang host tu, comment tu David L. Fanai tihdan ang deuhvin 'a theihna a sawmkhawm' a nih chu ). Hei hian TCP/IP Protocol, Kahn-a nena tang duna an design pawh a huamtel a ni.
TCP/IP (Internet-in thil leh khawl hrang hrangte thlunzawm a, thu haw lam leh kallam a thunun theihna tura hun bithliahlawksa leh kaihhruaina dan siamsa) hi tunlai khawvelah hian Vinton G.Cerf-a leh Robert E.Kahn-a te hi lo pianglo ta se chuan kan hmelhriat hauhlo vang. ARPANET chuan an Official Suite atan TCP/IP hi 1982 khan an hmang ta nghe nghe a ni.
1997 December thla khan United States of America President hlui, Bill Clincton-a chuan 'United States National Medal of Technology' chu a hlan a ni.
Tunlaiin Mizote zirna mai nilo, thiamna lamah kan harhthar mek zel a, a lawmawm khawp mai. Chutihrual erawh chuan kan hnam leh ramtana chenfakawm turin thiam ila a tha ngawt ang.
0 Comments