SPARTACUS : BLOOD and SAND

FILM KALHMANG:

Spartacus Film hi hmanlaia Roman gladiator hun lai vel thilthleng anga an chan Film turu leh hmuhnawm, thisen chhuahna leh mipat hmeichhiatna hmanna- nasa tak Spartacus: Blood and Sand, Starz original action-adventure drama series a ni a. A changtupa an kohna hming chu he Film hming atan hian hman a ni.

Sawisepna karah pawh, he 'Spartacus- a’ hi mi rilru sak leh tumruh, a nupui tana rinawm tawp thak hi a insual thiamna chuan Insualna rothap leh rorum rak takah te chuan a chakber nihna a chantir a. A chang phei chuan hneh theihloh anga an ngaih mi engemawzat te pawh Ngunhnam leh Phaw chauh hmangin a hneh thin. A changtupa hian a Film chana a Role chu sawifiahin, Spartacus- a chu “Thinlung nei Ramsa, a thinlunga thinrimna meialh chhemmih tum mi' niin a sawi.

2010 chhung hian Session 1- na an chang zo tawh a. Session 2- na hi an chang tan leh mek niin ka hria.

A CHANGTUTE:

Spartacus (Andy Whitfield) – Thracian sipai, Thrace leh Rome te hmelma kumhlun Roman Auxiliary beitura inpe a ni a. Roman Sipai commander Legatus Claudius Glaber phiarrukna- ah a inhnamhnawih avangin thisen chhuahna hmunpui Glatorial Arena an tiha damchhunga tualchai tura tih a ni. Mi te mak tih khawpin Gladiator dang pali hnehin a damkhawchhuak a. Hehmi hnu hian Sal anga enkawl niin, Batiatus an a Ludus a Gladiator anga chher turin a lei ve leh a. A rilru ti paukhauh va, hun harsa tak karah pawh kaltlang zel thei tura tumruhna pe tu chu a nupui hmangaih em em Sura nena hlim taka an intawn leh a beiseina thinlung a ni.

Executive producer Rob Taperta'n khawvel pumpuia Hollywood zungkaihna hmuna Lemchan thiam ber a zawnna- ah, Spartacus-a lemchangtu Andy Whitfield- a hi thlanchhuah a ni a. U.S. mipui te hma- ah mithar ni mahse, Australia drama chi hrang hrang “McLeod’s Daughters,” te, “Packed to the Rafters,” te, “The Strip” leh “Out of the Blue.” te telin Andy Whitfield-a hian a lo chang tawh a. Gabriel- a anga a channa chuan Best newcomer nomination, Filmink Awards- ah a hmu nghe nghe. Gabriel, Shane Abbess- a Direct chu Australian Film Institute Award for best visual effects pek a ni nghe nghe a. Tin, he Gabriel Film hi Australia ram a kum 2007 chhunga Film hrlahtla ber a ni bawk. Tunah hian Australia Film chi dang pakhat, hmulthi ti ding sung sung thei Film - The Clinic, James Rabbitts- a directed chu a chang chho mek bawk. 

Whitfield- a hi U.K. ah piangin, Wales ah a seilian thung a. Sheffield University, England- ah lehkha zir thung. Construction industry, London- ah kum nga chhung a thawk a. Australia ramah kum 10 kalta khan kalin Drama school, Sydney- ah a kal chhunzawm a. He ta tang hian Diagnostic engineer hnathawk chungin a changtupa nun a rawn zirchho va. Freelance photographer angin a thawk bawk thin. Whitfield- a leh a nupui Vashti te hian an fa pahnihna chu November 2007 khan an nei.

Sura (Erin Cummings) – Thracian Spartacus- a nupui a ni. An in atanga a chhuahdawnin an chungah thil thalo tak a thleng dawn niin a sawi a. Sura hi Spartacus- a tan chuan a engkim a engkim a ni takmeuh va. Roman ho chuan an nawma maka chen turin sal anga hrengin a pasal lak ata an dah hrang a. Syria mi sal hralhchhawngtu hnenah an hralh nghe nghe.

“Star Trek: Enterprise,” te, “The Bold and The Beautiful,” leh “Threshold,”

Television Show- ah te a chang ve.

Batiatus (John Hannah) – Capua khua leh tui, Ludus hmun nei tupa a ni. Sum leh paiah a dinhmun a tlachhe nasa em em a. Spartacus- a'n Gladiator pali a that lai a hmuh khan a thinlungah chherhriam theih nia a hriat avangin risk lain, beiseina nen a lei a. A nupui Lucretia nen hian kawng engkimah an inmil a. An inneihna chu a hlimthlak tawp a ni ber mai. Batiatus- a hian a thu chu a hnialsak ngailo tih theih a ni.

Glasgow, Scotland ah a piang a. Matthew anga a channa "Four Weddings and a Funeral" chu a hming a chher hmasakna ber ni. Hannah leh a nupui lemchang thin tho Joanna Roth te hi phir Gabriel leh Astrid te nu leh pa an ni.

Lucretia (Lucy Lawless) – Batiatus-a anpui nimai awm a ni. Kawng engkima thil thlir leh chik thin a ni a. Crixus- a chu a nawmchenna hmanrua atan a la a. Spartacus- a chu ramsa man to tak, Ludus hmun tana dinhmun thalo lo thlen turah a ngai nghet tlat bawk.

Lawless-i hi New Zealand mi a ni a. Khawvela a hming a chherna chu “Xena: Warrior Princess” Series kha a ni. (AXN Channel en thin chuan kan hre theuh awm e). Television lamah chuan D’Anna/Number Three tih ah te leh, SCI FI Channel series “Battlestar Galactica” ah te a hming achher tawh bawk.

Tin, “Flight of the Conchords” leh Series dang “Curb Your Enthusiasm,” tihte, “The L Word,” CSI: Miami,” tihte leh, “The X-Files.” tihte ah pawh a lo tel tawh bawk.

Fim pangngaiah chuan Aspen anga changin Adam Sandler-a Bedtime Stories ah a lo tel tawh a. Mother Superior angin Film thar "Bitch Slap", “Xena” producer Eric Gruendemann Produced leh “Spartacus: Blood and Sand’s” Rick Jacobson Directed ah a chang bawk.

Member of the New Zealand Order of Merit nihna chu 2004 khan hlan a ni. Producer Rob Tapert nen Fa pathum neiin tunah hian Auckland, New Zealand an cheng mek.

GLADIATOR TE:

Doctore (Peter Mensah) – Gladiator ropui tak lo nitawh, hneh theihloh a an ngaihShadow of Death hneha damchhuak awmchhun a ni. Doctore hian tuanh chuan midang inbei turte chu a zirtir thin a. Batiatus- a'n a sal te zinga a ngaih pawimawh leh a mi rinbber a ni. Hruihrual a kengreng thin a. Hei hian Ludus hmuna tharum thawhna nasat zia a lantir thei awm e. Mi khirhkhan leh chapo Doctore hian Spartacus- a nundan, mahnia tlahrang nun chu a ngai theilo hle. Gladiator tha tak chherchhuah chu a tum ber a nih bakah thuawihna nen nungse a duh hle.

A hmel atang reng reng hian a chiang sa- Ghana, Africa ah a lo piang a. A nu leh pate hi Ashanti hnam an ni. A naupan laiin Hertfordshire, England ah a pa- Engineer, leh a nu- Ziak mi te nen an pem.

300 Film- ah khan a chang ve a. “Terminator: The Sarah Connor Chronicles,” “Witchblade,” “The Pretender” leh ”Star Trek: Enterprise.” ah te a lang ve thin bawk.

Martial arts Wushu zirtirtu a ni a. Los Angeles ah a khawsa mek.

Varro (Jai Courtney) – Mi zalen, mahni thua Batiatus-a Ludus hmuna a inchawina ba rulh nana inhralh, a nupui leh fate chawm nan chu a inhrlahna hmangtu chu a ni. Thupek zawm mia, insual thiam tak, Gladiator dangte pawhin an kawmnel nghal em em theih a ni. Spartacus- a hlawhtlinna lam ai mahin Gladiator dang pali a ruala a hneh theihna chu a ngaisang hle a. Spartacus- a'n Ludus chhunga a thian neihchhun liau liau a ni.

Western Australian Academy of Performing Art atanga Graduate a ni.

Crixus (Manu Bennett) – Crixus hi Batiatus- a Ludus hmuna gladiator rothap leh ropui ber tia chhal theih a ni. Champion of Capua. Thil tithei tak a niin, Spartacus- a ngeih lohna riau a nei a. A hnu lawka a Champion Lallukhum Spartacus- an a chhuhsak hnuah phei chuan a ngaina lo sawt hle. Lucretia nen mipat hmeichhiatna hmangdun thinin, a ma mimal sal Naevia nen pawh khawsa dun reng thin a ni. A thuruk pahnih- Lucretia nena an inkar leh Champion nihna a hlohte chu a rilru- a awmlian tak a ni.

WWE wrestler John Cena nen The Marine ah te, Stone Cold Steve Austin nen The Condemned ah te an lo changdun tawh a. played Steve Veldez angin “Without a Trace’s” Anthony La Paglia ah a chang tawh bawk.

Auckland, New Zealand, ah piangin Newcastle, Australia ah a seilian.

Barca (Antonio Te Maioha) – Lian pui mai, sual hmel tak a ni. Batiatus- a vengtu niin, vawi tamtak midang lo khawih sil tawhtu a ni a. Barca hi Ludus hmuna Crixus- a hnuai chiaha awm a ni. Thin butut nei ni mahse, Sava te khawiin, Sal pakhat Pietros- a awnkawl a. Batiatus- a kianga rinawm tak niin lang mahse, zalenna kawng dap ru rengtu a ni.

Hastings, New Zealand- a seilian hi Auckland- ah a lo piang a. Raglan, New Zealand- a khawthlang lam tuipui kam khua- ah a chhungte nen an cheng mek.

Ashur (Nick E. Tarabay) – Tun hmaa Gladiator, Kebai a ni. Ludus hmun tana lei leh hralh lama buaipuitu ber a ni. Gladiator ten an awmna hmun pawna thil awm an lei duh chuan Ashur- a hnenah a kal a. Ashur- a chuan ama tana a neih theihloh thil te chu a tan a lo neihsak zel thei thin. Batiatus- a bengdar pakhat niin, a mi rinberte zinga mi a ni.

Beirut, Lebanon- ah a piang a. Terry Schreiber Actors Studio zawm turin New York- ah a pem. “Sex and the City” ah te lo chang ve tawhin, Los Angeles- ah CSI lama chang ve turin a insawn. A rawlthar lai hian Lebanon leh Kuwait Football Team- ah te a lo khel ve tawh thin.

Gnaeus (Raycho Vasilev) – Gladiator lian tha tak, thluak aia thahrui ngah zawk a ni. Crixus-a bei turin Spartacus-a a lo awm avang chuan kum nga lai a nghak a ni. 

Kerza (Karl Drinkwater) – Spartacus leh Varro te hnen atanga thuruk hre tura rawih a ni. A tir lamah phei chuan Spartacus- a bei hrep nghe nghe.

SAL TE:

Naevia (Lesley-Ann Brandt) – Lucretia-i taksa enkawltu Sal a ni. A pi lak ata a awm hla ngai meuhlo. Engtik lai pawha thupek zawm tura inpeih renga awm a ni. Crixus nena an khawsak thin dan chungchang chu a Pi a phatsanna hlauhawmtak a nih rualin sal a nih chhunga nawmna lo tem ve chu a hnial phal hlawl si lova!

Pietros (Eka Darville) – Rawlthar, ze zawi leh zakzum tak a ni. Barca-a ngaihzawng a ni. A zalenna kawng zawngtu a ni bawk.

CAPUA KHUA LEH TUITE:

Solonius (Craig Walsh-Wrightson) – Ludus hmun ang bawka insual zirna hmun neitupa, Solonius hi Batiatus-a sira hling pakhat a ni. Solonius-a gladiator te Arena tuallaia Spartacus-a'n a tlah hnuah phei kha chuan in kar chu a chhe zual hle a. A hnuah pehi chuan thisen chhuahna nasa takin a zui nghe nghe. Batiatusa'n penkhat a pen chuan pen hnih pen tum rana khawsa a ni a. Kawng engkima Batiatus- a a er na hrui pawtmar rengtu a ni.

Ilithyia (Viva Bianca) – Senator Albinius- a fanu chimawm leh sual tak a ni. Legatus Claudius Glaber- a nupui a nibawk. Thalai, hmeltha leh itawm tak a ni. Capua- ah chuan mal a inti ngawih ngawih thin a. Amah leh Batiatus te tana tha tura ngaiin Lucretia-i chuan Ilithyia- i hi a thlazar hnuaiah a la lut a. Ludus hmuna nawmchenna namenlo chu tem turin a lo lut ve thin a ni.

Melbourne-a piang, film composer Cezary Skubiszewski- a fanu a ni.

Legatus Claudius Glaber (Craig Parker) – Roman Sipai commander, leh Thracian Auxiliary hotupa a ni. A thiltihtheihna te chu a tumna chuan a dal fo thin. Rorelna lama a inrawlh tam theih phah chu a nupui Ilithyia-i a hmangaih vang ni mahse, A hmelthatna leh a duhawmna a chen vangte pawh a ni bawk. Glaber-a hian Spartacus-a ho te chu Military campaign- a hlawhchham vangah puhin, a ngaisanglo hle a. Arena thihtir chu a duhthusam a ni.

Fiji- a piang, mahse New Zealand khua leh tui a ni. Underworld: Rise of the Lycans- ah khan a chang ve bawk.

Senator Albinius (Kevin J. Wilson) – Senate- a thuneitu sang zual zinga pakhat, a chhungkaw hming chawilar nana Gladiator Game vawrhlar tu a ni. A fanu Ilithyia khawsak dan chu duh chiah lo mahse, a pasal Claudius Glaber- a chetdan chu a lawmzawng a ni vaklo.

Ovidus (Matt Chamberlain) – Buh leh thlai lama sumdawng, Batiatus-a pawisa batna pa a ni.

Magistrate Calavius (John Bach) – Gladiator games chu Pathian tih lungawina leh khawro lutuk rehna tura ngai tu a ni.

THRACIA KHUA LEH TUITE:

Drenis (Kyle Rowling) – Mihring ni si, ramsa ang mai nibawk, Zu heh em em a ni. Spartacus nena Roman Auxiliary-a an awm laiin an inhria a. Gladiator Arena hmuna thi tura tih a ni ve. Spartacus-a'n Ring a luh hma lawka thi a ni.

Byzo (John Rawls) – Thracian sipai, a landan leh rim avanga “Kelpa” tia kohfiam, Drenis-a ang bawka Arena- a hmun a thi ve a ni.

EXCLUSIVE:

INTERVIEW WITH ANDY WHITFIELD:

(A Session hnihna an tan hmalawkin, Cancer a nei a ni tih Media lama puanzar a nih a, enkawl a nih hma lawk khan kan palai- Sailo Graphics chuan Internet hmangin kan Lemchan thiam hi kan zu be pawp a. Kan interview dan tlangpui chu Mizo Tawngin lo dah ila)

Sailo Graphicsi: Sailo Graphics

Andy WhitfieldL: Adf

Sailo Graphics: I Film chan- a i nundan leh awmdan phung kha i sawi mai thei em?

Adf: Tehreng mai! I hriat ang khan a Film kha a bon a. A chana chan chawp ni mahse, a tiha han tihluih ngial ngai angte kha a awm ve a. A chang chuan thawmhnaw mumal pawh inbel lova Ipod nena len khawthawn chang a awm a. Chutih lai taka Film siam tuten, 'Tunah ti ang', an tih chang a tam. Ni tamtak chhung chu Ngunhnam vai kan zir a, kan chang pah zel bawk a. A nuam khawp mai. Ka thawhpuite leh Film siamtute kha an fel bawk a, a hlimthlak khawp mai!!

Sailo Graphics: Engkimah hian a changtute hian tihtur an nei vek a. A chang chuan misual deuh an awm a. Eng anginnge i inngaih ve le?

Adf: Captain angah ka inngai. Thlariat leh a chanve kan chan chhungin Nithum chawlh ka nei a. Kan chan chung khan a buaipuitute kha kan inngeih angreng a,a nuam khawp mai..

Sailo Graphics: Spartacus Film hian mi ngaihsan leh ngaihhlut a hlawh hle mai a. Hei hi 'Kum Zabi khatna vel hunlaia thilthleng anga tarlan a nihvang a ni maithei a. Eng anginnge i ngaih?

Adf: A..A tirah chuan min thawng ve khawp a! Mahse, a hun a zir khan awmdan te pawh ka thiam chawp ve zel a.

Sailo Graphics: I chan chhung khan saruaka i awmin eng angin nge i awm?

Adf: A vawt khawp mai! Studio kha Vur a khal theihna aia 2 Degree aia sang tawk a ni a. Thlan anga ka awm theih nan tuiin minphuh thin a. Chutiang nikhua- a mipui thlir thup tura chan kha chu a nuam tehchiam lo nain, engmah tihtheih a awm si lova..chan mawp mawp kha a hahdamthlak ber mai, he he..

Sailo Graphics: Chanchinhluiah chuan Spartacus-a chu piantha leh hmeichhe hisap a ni a. Chutiang ang dinhmunah chuan i thlen zovin i hria eM?

Adf: A hmingthatna kha chawinun sak ka duh hle mai.

A nihna takah chuan a tawp dawn tepa chak chauh thin nih kha chu a hahthlak khawp mai. mahse, a hminga ben leh vuak te kha chu ka tih ve theih tawk a nia lawm. Engkim mai kha a nih dan tur anga ka tih angai si a.

Sailo Graphics: I channa ah khan a khawi lai ber kha nge i lungphu tirang?

Adf: A..I hriat angin mipat hmeichhiatna hmanna nasa tak a lang a. Mahse, khami phenah khan mi thahnem tak an thawh avangin a hreawm lutuk lo. I rum dan tur te, i ngik dan turte kha i hriatsa vek a ngaih avangin chutianga i tih chuan i buai phah lovang. Mipat hmeichhiatna kan hmanlai te khan ka lungphu chu a rang thei khawp mai. A chan rau rau ah pawh a harsa khawp mai.

Sailo Graphics: Kan lawm e. Engpawhnise, i Film chan zelna turah kan duhsakna sangber Sailo Graphics chuan kan hlan che a. I kal zelna turah Pathianin awmpui che rawh se.

Adf: Kei pawh ka lawm e.

(Note: Phalna la hmasa lo chuan khawiah mah chhuahchhawn phal a ni lo. Hrechiang duh chuan min rawn zawt mai dawn nia, ka hahpui ve si a!! Contact- 8974118107)