Mobile Phone Biak In- a kenluh hi

Thawkkhat lai khan ka ngaimawh reng thin a. Tunah hian ka inkhawm khat aimahin, ka inkhawm ve chhuna Biak In- a kan awmdan leh khawsak dan ngaimawhawm ka tihte hi han sawi ka duh a. Tu huatthu mah ka sawi lo ang chu maw?

 

Tunhnai deuh atang kha chuan khawi hmunah pawh Mobile Phone neia hmang engemawzat kan awm tih chu a lang reng a. Kan Biak In chhunga kan awmdan han en hian Mobile Phone hi kan khawih nasa mah mah em aw a tih theih. A theih hram chuan Pathian Biak Ina kan kal lai hunchhung hian Mobile Phone leh Ipod tih vel hi chu khawih khawih loh hi a tha khawpin ka hria.

Ka han sawiduh chhan tak pakhat chu, Mobile Phone kan lo khawih khan kan rilru a la peng thei a. Thusawitu emaw Chairman emaw a tlak duah chang chuan a boring ve viau a nih pawhin, dawrkar 4 aia tlem kan inkhawm chhung hi chu Mobile Phone khawih leh Ipod khawih emaw, lo titi emaw ngai lovin, mahniin a in manage theihin ka hria.

Ka inkhawm ve chang hian thenkhat chu an titi a, an nui a, an tawng vak vak a, an Mobile Phone an khawih a, Games an khel thul. Chutiang chuan hun engemaw chhung kha chu he ka lawina Kohhran Biak In chhunga inkhawm ve thin tamzawkte kan awmdan a ni tlat!

A nihna takah chuan, Biak In chhunga kan luh tawh hi chuan kan Mobile Phone te hi Off thei ila a tha khawp mai. A nih loh pawhin, Silent- ah tal dah ila, chumi chhunga buaina namenlo leh pumpelh theihloh kan neih kher a rinawm lo.

Hmun thenkhatah chuan Mobile Phone Signal dangthei te an dah tawh a, a tha khawp mai. Mahse, Mobile leh Biak In chhung thenkhatah chuan Mobile Phone kha an kenloh phahin, an khawihloh phah em tih erawh tu va hriat ni hek suh, Mobile Phone khawih loh hrim hrim kha ka sawimawi a nih ber chu!

Ka sawitak ang khan thenkhat chuan titi anan leh midangte sawisep nan kan hmang thung. Hei pawh hi ngaihtuah ngun a ngai khawp mai! Engvanginnge Biak In- a i inkhawm kha ngaihtuah chian atha khawp mai! Pathian be turin Biak In kan pan a, a aiah midang chanchin kan sep a, kan nui vel mai mai zawk dawn em ni?

Kristian 100% awmna ram nia inchhal State- ah hian Kriatian tha tak chu tlemte an ni tih chu a lang reng. Chung mi tlemte zingah chuan i tel ve em?