Hnahlan khua- ah ilo kal tawh em? I lokal tawh chuan a boruak a nawmzia leh a leilung awmdan rem zia i rawn hmu thei ang. Tunah phei chuan Truckable Road in a tlawhpawh tawh avangin tunhma deuhva khawkrawk tak taka kal a, han namlirh ngai ang kha a awm tawhlo. Tunhma- a Hnahlan kal tumte harsatna tawh thin ber pakhat kalkawngah chuan tunah hi chuan kan fihlim ta hrih. I duh chuan i lo zin thei e.
Pict: Hnahlan Damveng
Hnahlan hi Mizoram hmarchhak, Champhai atanga 45 Kms vela hla- a awm a ni a. Aizawl atanga i kal dawn chuan zing dar 6 vela chhuakin, tluang taka itlan zel chuan tlai thim thet thetah i lut hman mahna. Aizawl atanga Direct- a tlan zing ber chu MST Bus hi a ni a. I rawn zinduh chuan MST Bus Booking Counter- ah Rs. 200 aia tlemin Ticket i la thei ang. Mahse, ruihhlo zuar tur emaw, mi kutthlak tur emaw, khawtlang inlungrualna tichhe tur zawng erawh chuan lo kal lo la, i nihlawh zawk ang!
Pict: Hnahlan Village Zero Point
Hnahlan leh a chhehvelah chuan i hriat angin Grape hi kan ching nasa hle a. Champhai te hi chuan an chin tanna a la rei vaklo zawk. Hetia Mizoram- a Grape chin uar a nihna chhan hi Hnalan- a Grape ching tute hnathawh rah a nichiang khawp mai!
A hnuaia thlalak te hi han en vang vang la, a khawthleng awmdante pawh i hmu thiam mai ang chu. Tunhma kha chuan Sawrkar hian Hnahlan hi min ngaihsak ve thei viau va. Department hrang hrangte pawn Office an rawn neiin, Quarter te pawh an nei thliahthluah. Mahse, tunah chuan Office alawi pawh a awm tawh lova. PWD Rest House IB Tlanga mi te, Forest Quarters Damvenga mi te, Vety Quarters Darnam Veng a mi te, Electric Department Quarters Tlangnuam a mi te leh, Supply Department Godown leh a thawktute leh Storekeeper Quarters, Damdawiin leh a thawktute awmna Ramthar Veng a mi te hi tuna la awm leh la Function chu a ni.
Pict: Winery
Tunhma kha chuan AO kha an awm thin a. Independence Day leh Republic Day- ah te pawh Hnam Puanzar a pawtpharh a, Sikul naupangte pawh an Parade ve thin. Mahse, tunah chuan AO an awm tawh lova, kan hunlai ang khan ka sawitak Day te pawh hman a ni ngai ta lo.
Sawrkar hian BDO thuthmunah Hnahlan hi dah ve se chu a tha khawp a sin mawle. E, taka, High School hi zirna In awmah chuan a sangber a, mahse, Exam Centre a ni lo. Board Exam tur chu 45 Kms chuanga hla Champhai- ah an Exam a ngai thin. Vawi tamtak sawrkarah kan thlen tawh chungin BDO thuthmun leh High School Exam Centre hi tun thlengin Hnahlan khuain kan la nei lo. A awmtawh sa pawh a rawp lam a pan zel zawk!
Ka naupan ve deuhlai kha chuan khinga ka sawitak Office te khi an Compound a mawiin, a nuam thei hle. An function dan kha a la felfai a, sawrkar thu pawh an awih. Khang hunlai kha chuan khawdang atanga hnathawka Hnahlan- a rawn awmte kha an la chapo lo tlangpui a, sawrkar pawhin a hnathawktute kha a enkawl tha niin ka hria.
(Ka ngaihtuahna lungliam tihtur nei lovin ka han thai kual vel a ni e. Keyboard hi ka la blind chiah lova. Ka chhu rang thung. Mahse, ka chhu ri ring viau!)
3:41 Chawhnu 11-Jul-10
0 Comments