Thana leh Mawii te inkara thilthleng kha ka ngaihtuah nasat poh leh Mihring hi hetiang ang em em hian a nimaw mahni mihring puite lakah a lo nunrawn theih tih ka ngaihtuah chhuakfo thin.
Kum 10 vel a veita! Nia, Thana leh Mawii te inkara thilthleng kha a sawhkhawk temtu ka nih miau avangin ka theihnghilh thei lo. Khami chungchangah khan Thana kha thiam lohna pakhatmah ka nei lova; Mawii pawh ka thiam lo hran lutuk chuang lo; mahse, Thana chunga Mawii chetdan kha chu Mipa tan chuan a thanat-thlak ve deuh chuan ka hreve thin.
Thana khan Mawii kha a hmangaih em em a ni ti ila ka sawisual lovang. Mawii erawh chuan a Thana'n a hmangaihtih a hriat atang khan huat namen in a haw ta lova, chuvang chuan ania Mawii chu nunrawng em em nia ka hriat tak ni!
Diktak chuan Thana kha ama rualpuiah chuan a chhe zawk zawk pawh a nibik hauh lova; mahse, Mawii chu an chhungkaw khawsakin a zirvang te pawh a ni mahna; a hmelin a zir deuh pawh a ni thei e; Thana chu a ngai theita tlat lo mai a. Thana tan chuan, Mawii'n duh lo pawh nise; haw kher lo se chuan nun hi nuam a ti ve deuh thin tur a ni a. Mahse, hmangaihtu leh a hmangaih inkara thilthleng a nih tlat avanga midang lova inrawlhbuai chi lah a ni hek lo. Chubakah, a hmeichhia zawkin engahmah a ngaihbawk si loh avangin Thana tan chuan tihngaihna dang a vang hle.
Khatih hunlai khan Mawii te nen hian Classmate an ni thin a. College hmunkhatah an kal hova, an inhmu fo lo thei si lo. Mawii lah chuan an Classmate tho chu ngaihzawng a nei bawk si. Thana tan khan khawvel hi a nawmna tur avang ngawt a sin! Room khatah an thu hova. Mawii lah chuan Thana a ngeizia lantir nan a han runluihin, Thana rilru natna tur ngawr ngawr a zawng emaw tih mai turin a bialpa nen an inkawm thin bawk si a. Tufainnge hmangaihna chutianga nunrawnna hmanga lantir chu hneh thei tehlul ang le?
Lecturer an rawn kal lohva an Class chhunga an thutthap laite hian Mawii leh a Bialpa chu Lecturer thutna hmunah an thu a, an inkeih fova. Chutianga lo hmutu a Classmate dangte chuan engahmah ngai lovin; fiamthuah leh nuihza siamnan hmang mahse, Thana tan chuan mittui titlatu a ni thin.
Vawikhat pawh an College an Picnic dawn a. Mawii leh Thana te chuan kal an tum ve ve. Thana chuan Mawii a kaldawn tih a hria a, a hmel chauh a hmuh pawha lungawi taka a awm theih avangin hlimawm dawn riauvin a hria a. A bialpa nen pawh awm nise, tlemin hlimna chhete tal a neih a beisei a ni. Chuvang chuan Picnic-na ah thatho lutuk lovin a kal ve a. Mahse, an Picnic-na hmuna Mawii leh a bialpa awmdan chuan a thinlung a tikeh chiang hle mai. Mawii: Nula thianghlim leh feltak, chhungkaw pangngai tak a tanga lo thanglian nia a ngaih khan ruihtheihthil a khawih a, zah pawh dawn lovin a bialpa nen anbuan vel bawk a. Chutiang chuan midangte pawh awm ve bawk mahse, anni awmdan erawh chuan a thinlung a khawih tlat si a ni.
Mahse, a thinlung tihkehsaktu; tihnatsaktu mah nise; Mawii a hmangaihna chu a dai chuang lova; nitin a hmuh thin avangin a ngainatna lah a zual zel bawk. Chutihlai tak chuan Mawii leh a Bialpa chu an inru ta thut mai pek a! Thana tan chuan khawvel hi bo mahse, a lawmawm lam thil a nih ngei ka ring. Mahse, Mawii chu a la naupan deuh avangin a chhungten an pawtkir leh a. Kum a tlin hnua inneihtir turin thu an titlu a. Tichuan, rei vak lo hnuah College te pawh an rawn zawm leh a. Thana pawh a rilru hreawm lutuk chu tlemin a kiang ve deuh det a!
Chutia pangngai taka Class an kalchhoh mawp mawp lai chuan Mawii pawh Thana tan chuan kawm a nuam ve ta deuh hlek a. An inhmuh chang pawhin Mawii pawh chuan a be ve ta zauh zauhva. Thana pawh a hlimru viau thin. Mahse, Mawii bialpa chu Bike Accident avangin a boral ta thut mai a. Mawii chuan a tuarna em em a, chawte a eithei lo hial a. Thlahnih vel lai College a kal theih loh phah a. Mahse, a chhungten an nawrluih avangin tlai khawhnuah a rawn zawm leh a. Thiantha bulfuk tak a neih loh avangin Thana nen chuan an inkawm deuh chawt a. Thana chuan chutia Mawii nena tumahdang ngai lova a hun a hmangchho tan thei chu a lawm rilru hle.
Mawii pawhin a bialpa boralta chu a ngai viau thin a. Mahse, kohkir theihtawh loh a nihzia a hriat avangin a intipaukhauh lui hram hram a. Thana chu a ngei deuhna a la reh lo avangin a kawmtui tak tak thei si lo. Chu chu Thana chuan a hre ve kiau bawk a. Thana tan chuan hlimna chu pen khatin hnaih mahse, a aia zauva pen ngai a la hmachhawn teuh si!
Mawii leh a bialpa boralta khawsak dan khan an College pumpui a fanchhuah avangin College atang chuan mualpho takin Mawii chu hnawhchhuah a ni a. Mahse, Thana chuan a hmangaih em avangin, an College hotute a ngensakna a zarah rei lote hnuah an luhthat tir leh a. Mawii nen pawh an inkar chu tlemin a thachho hret a.
Kumte a lo vei zel a. Mawii aia hmeltha leh duhawm; tituai nalh zawkte an lo awm chho ta zel a. Thana pawh Tlangval a zawnga hmeltha leh duhawm pawl a nih avangin Mawii pawhin Nula dang lakah Thana chu a ta neih titih dawn ta hial a. Mahse, Thana chuan Mawii laka a chan hreawm kha te kha a theihnghilh bik lo. Chuvangin Mawii pawh hriatreng a duhta lova, a tawpah phei chuan Nupui hmeltha leh fel, khawtlang tana inhmang tak; mitin fak nen chuan inkawpchhovin; Mawii lenlai chen anga nuam kha midang mithmuha mawi lo ni si lovin an chen chho dun ta a. Kohhran Dan Thianghlimin an Innei ta nghe nghe a. Mawii erawh a dinhmunah lungawi lovin ruihtheihthil tiin a tawpah phei chuan a inawkhlum ta ringawt mai a ni.
Mawii khan amah hmangaih em em tu Thana kha hmangaih ve ta se, a bialpa thita nen khan lenlai duhthala nasa in chen ta lose, Thana nen hian runhmun an lendun kei chuan ka la ringta fan!
22.04.2012
0 Comments