4th April, 2022 (Thawhtanni) khan Vaikhawtlanga Good Friday leh Easter Sunday hmang turin ka kal a, vawiin 20th April, 2022 (Nilaini) hian kan khuaah Bawihpuia Sumo hmangin ka haw leh.
 |
| Vaikhawtlang |
Kal lam:
Vaikhawtlang Sumo: Bawihpuia Sumo hmangin Hnahlan atangin 8 p.m hnuah kan chhuak. Hemi ni hian tukthuan eikhamah ka inbual a. Ka inbual zawh chuan Vaikhawtlang kal turin ka insiam a. Dawr nghah pahin Champhai atanga Bawihpuia Sumo rawn kal chu ka nghak. Ka insiam peih hian 10.30 a.m vel a ni.
Khua a chhe angreng. Vaikhawtlangah chuan Rial leh Thli a thawk. Kan khuaah chuan Ruah tam vak lovin a sur.
Ka Sumo nghah alo thlen chuan 7 p.m a pel tawh. Driver telin 7 an ni a. Ka tel ve takah keimah leh Driver telin mi 8 (Hmeichhia 3 leh Mipa 5) kan chuang.
Ka chuanpuite chu a thim deuh tawh avangin ka hre mai thei lo. Ka thlenna tur kawmthlang nu alo tel reng hi alo ni Ani, Motor rui a tawng peih lo alo nia! Vaikhawtlang chu 10 p.m vel bawrah kan thleng. Ka thlenna thin leh tun tuma ka thlenna turte chuan minlo nghak a.
Hello, Vaikhawtlang:
Kumin 4th January-a ka hawsan tak Vaikhawtlang chu tunlai hian Tui-ah an harsa em em a. Tui Connection nei mahse, tui sem theih lohna chu a tamzawk an ni. Chuvangin, hmun hla tak ami Tui chawi an chawi thin.
Khua a lum em em bawk.
Ka Cousin, Vaikhawtlang Headmistress Ina zanriah ei tura tukthuan eikhama vawikhat ka chhuak tih loh chu hmun hla tham ka kal lo. Hemi pahin ka Cousin Insak mek ka en bawk.
Good Friday leh Easter Sunday:
Good Friday hian kum dangah chuan Ruah a sur ziah thin a. Kumin chu Ruah a sur lo tlat! Chawhma Inkhawm-ah Bialtu Pastor-in Sakramen a theh a. Inkhawm banah Thingpui Ruai kilho a ni bawk.
Easter Sunday chawhma inkhawm banah Thingpui Ruai kilho a ni.
Heng ni pawimawhahte hian Chawhnu naupang Inkhawm Zaipawl leh Vaikhawtlang Kohhran Zaipawlte an zai thin a ni.
Thil thar:
Ka lenchhuah tam loh avangin a hnuai amite chauh hi thil thar ka hmuh theih a ni:
1. YMA Library Building:
He Building tur hi Isua Krista Kohhhran (A var) Biakin panna Step chho sir leh Tuikhur inkarah sak mek niin a riruang tur a ding uaih tawh.
2. In:
Inhmun atan Damdawi In vengah nikum khan Inhmun theh a ni. Hetah hian luah tawh In leh la luah chiah loh In a ding far hlawm a. Tuna an mamawh chu Tui Connection leh Electrict Connection a ni.
3. Step:
Field chhaka U Thangteite In kawmchhak chiahah a hmaa kal theihna tawk tawk Step mumal lo tak awm thin kha Step changtlung tak alo ni tawh a. Ka kal lo chu ka inchhir hle. Step chhuah khan kawng phei a awm a, chumi chhuah leh chuan ka thlenna chu hnaite a ni.
Felfeli Sailo:
Kumin 10th January-a Selam atanga ka hawn Zawhte, a hming Lalnunfeli Sailo (Felfeli Sailo) chu ka zinnaah hian a hruai. Kal lamah Percel chhungah ka dah a, haw lam erawh a hawi thawven ve duh takin tiin a nghawnga hrui thlung chungin ka pawm. Ka thlenna naupangten an lawm hle.
Mobile Signal:
Ka zin hnuhnun ber tuma Mobile Signal tha angreng tak kha a hman theih sawih sawih! Inbiaknan Jio aiin Airtel a tha zawk. Internet khawihnan Airtel aiin Jio a tha zawk. A chhan chu Jio Signal tum khatin a online theih!
Haw turin ka inbuatsaih:
Nimin khan Sumo a kal dawn leh dawn loh ka ngaihven a. A chian loh avangin kalthei turin ka insiam a. Tukin 5 a.m velah Ruah tam lutuk chu khawpui ri nen a rawn thawk ta mai a! Ka rilru te tein 'kan kal ka va ring lo em!' ka ti a. Ka mutbu tih loh thil dang chu ka siam peihsa anih avangin ka mu tha leh a.
A hnu deuh lawkah, kan piahah Sumo an tinung a, ka awmna lamah a rawn tlan a, horn an rawn pe a. Kan insiam sawk sawk a, chhuak turin Vengthlang lam kan pan a ni der mai! Hetih lai hian Ruah ala sur reng a ni.
Bye Bye, Vaikhawtlang:
Ka thlenna kawmthlang pa kan lam zawhah Vengthlangah mi 1 kan la a, Hnahlan Road-ah kan tlan a. Tawngtaina hmun kan thlen chuan a khat mawi tawk kan ni tawh (1+3+3+Driver). Ruah a sur cherh cherh avangin zingkar Exer laa tlan hmuh tur an awm lo a, khawlaia chhuak pawh hmuh tur an vang.
Ka thlenna kawmthlang pain tawngtaina a hman zawhah kan kal leh a.
Khuangphah:
Khuangphah kan thlen chuan Hmeichhe 3+Naute 1 an rawn chuan belh a. Kan khat tha viau a ni. Darkar chanve aia rei kan ding ang.
Kham atangin Lungpui:
Khuangphah atanga Kham hnuhnung zawk kan thlen lai chuan kan hmazawnah Lungpui lian tak hi alo awm a. Kham atanga tla tih a hriat hle. Kan chuanna Motor chu tlak se chuan a chhe nasa viau ang tih a rinawm.
Hello, Hnahlan:
Darkar 3 chuang hun kan hman hnuah, ruah sur reng karah ka tum ram chu dam leh tluang takin Lalnunfeli Sailo (Felfeli Sailo) nen chuan kan thleng ta a ni.
0 Comments