KS em ni?

A hmadaih tawha a thianpa Hmangaiha'n a lo thawt lawk tawh avangin Zualtea pawh chu a kal tumna pana a kallai chuan a phur hle a. 

Inhmuhna tura an sawina hmun a va thlen dawn hnaih, kawi thumna velah a thiannu chuan lo dawngsawngin a nghahhleh em em hmu tur chuan a hruaita.

Zualtea chu tu pawhin a hmelhmu se, tunah tak hi chuan a hlim a ni tih an hre ngei ngei ang. An hrechiah lo a nih pawhin rilru hahna neiah tuman an puh lovang. Nia, SMS kaltlanga a Bialnu chhar, a hmangaih em em nen an inhmu dawn tlat alawm!

Zualtea rawn hmuaktu chu a hmel a chhe zawk zawk lem lova. Amah zawk chuan inhmelhriattirna rawn nei hmasain, 'Ka hming chu Judy a nia. Jd tiin min ko mai thin. Nang, i hming kha Zualtea tiraw? Ka thinnu hian a sawi nasa thin tawp che a. I SMS hi min chhiartir ziah thin a. Hmuh hlan che kan nghakhlel lutuk a. Nizan pawh a awm hle hle thei lova, kan in-text nasa lutuk!', a ti a. A nui har har a.

Zualtea chu lo nuih ve sak pahin, 'A va lawmawm ve! Kei tehlulte min rawn hre ve duh a. Min text ve thin hian nasa takin hlimna min pe thin a. A Sms hi ka chhiarnawn fo thin asin. Inhmuhte pawh a rawttu mah ni ila, ka hmelin a zir lemloh avang hian ka huphurh rilru khawp mai. Mahse, eng em kan ti lovang a, kan inkar a thatzual phah ngei ka beisei a ni', a lo ti ve var a. 

Kalkawnga an kallai chuan Zualtea chu a ngaihtuahna a kalthui khawp mai. A thiannu; amah lo hmuaktu chu a zei hmel hle mai si! A thiannu chuan a lo flirt-pui mai mai lo maw? Nge, lengdang zawng chungin a duhthlan a tum? A hmel chu a lo chhe viau si ang a!'. A rilru chhungrilah chuan ngaihtuahna chi hrang hrang a vir mup mup mai a!

Zualtea chuan Jd-i chu a chanchin zawh awm chite a zawtpah a, rei vak lo hnuah Jd-i te In, kawtzawl zau nuamtak nei, kawtzawla tuichik (Fountain) awmna hmun; Gate chhungah chuan an lut ta a.

Zualtea chu a hawihai nasa mai! A rin loh daih thil a ni. Jd-i chanchin a zawhah khan a Nu leh Pate hnathawh a lo zawttel lova! Lo zawttel nise, Sawrkar hna lian thawk an nih ngei a ring a. Chuti anih chuan va thlen pawh va thlen loh a duh zawk hial ta ve ang! Ama dinhmun nen a khaikhin a: Thingtlang Tlangval, Aizawla lehkha zira mi Inluaha khawsa mai mai a ni si. A ei leh in man pawh a thawkchhuak zo si lo, chhungte thawhchhuahsa la ring a ni si! Huiham!

Anih nih a ni zo tawh a. Jd-i chuan chutia Fountain en a adin lai chuan a Room atanga rawn auh pahin inchung lama chho turin a rawn hui a. Jd-i te In hi chhawng ngaa sang niin, Jd-i Room-a kal tur hian Kawngkapui ber paltlang kher a ngai lova. Kawtzawl atanga Step awmah chhovin chhawng thumna-a Kawngkharah chuan a lut ta a.

Room chhung chu a rimtui hle mai. Computer Table-ah Computer in On sa in a lo awm a. Celine Dion a lo zai riai riai a. Jd-i chuan nuisang chungin a thiannu Zohmangaihi, miten Mazote tia an koh chu a lo hmelhriattir a.

Zualtea chu a phu zawk mai a! A hmaa Nula ding chuan a ngaihtuahna a tibuai zo vek mai! (Ka sawi thiam lo!) Sms hmanga hmangaihna biahthu rawn hlantu ngei mai kha a nisi! Amah ngei pawhin a hmangaih thu a hrilh ve mawlh mawlh thin kha maw?! Nge, khangte kha a mumang zawk? Amah a inen a, chungchu a rilru-ah a lolut a ni.

Mazotei chuan tleirawl pawnfen chhing fen ang hian pawnfeng sendang a feng a. A mal vel chu a var nalh hle. A kawr pawh a mawitawk khawp mai. Engmah incheina tlereuh erawh a bunin; a inbel lo thung.

Nia, chu Nula chu Mizo Nula a hmuhtawhah chuan duhawm a la tiber a. Hmeltha ala tiber bawk atin ni!

Jd-i chuan, 'Zualte, hei Khumah hian lo thu ru. Lo inkawm ru. Inhnuai lamah thawmhnaw  suk tur ka nei a. Ka zu insu ang e. Induh tawkin in lo tal dawn nia! Mamawh inneih chuan kha laia Intercom kha Mazote, rawn hmet mai ula!', khi deuh van chungin a ti a. Dawhkan; a chunga Whisky um khat leh Cup 2 bakah, a sehhmeh tur hmawmsawm awm chu a rawn nawr hnai a.

Zualtea chuan chetchan ngaihna a hre lova. Mazotein chibai tuma a kut a rawn phar pawh chu lo ngaihsak lovin a hmel ngawt chu a lo thlir hman pek a! Mahse, a inthingharh thuai a. Chutia Mazotei'n chibai tuma a kut a rawn pe chu nghet taka lo vawnsakin, a lamah a pawthnai nghal a.

Jd-i pawh chuan pawn lamah a Room kawngka chu a kalh hmak a. Inhnuai lamah a chhukthlaksan ta daih a!

Zualtea chu a hlim takzet a ni. A duhthusama hmeltha leh duhawm ber nen hmun fianrialah duh duh tithei thawhthangin an awmdun thei a! Mazotei ngaihdan engnge ni ve thung ang le?

Zualtea chuan Mazotei chu Khumah chuan a thutpui a. A vawikhatnan a heh thianghlim tak leh fawh chakawm takah chuan a han fawp ta a. Mazotei pawh a lo zei nangiang mai, an inkeih ta bawrh bawrh mai a. Mahse, Zualtea chu a inngaihtuah chiang a, a hmui chu a lasawn ta a.

Khumah chuan Mazotei chu a thu a. A tawngtlem hle a. Zualtea chuan a kuta vawnsak pahin, amah a ngaihzia thute, a ngaihtuahnaa a awm thin dante, an inhmuh huna an awmdan tur a hisap thindan te chu a hrilh neuh neuh va. Mazotei chu a hlim hmel hle. A changin a lo nui leh ver ver thin a. Nakinah chuan a rawn tawngchhuak ve tan ta a.

A ni pawhin Zualtea sawitak ang chi ho kha rawn sawichhuakin, a bialpa hnuhnungber nena an inthendan te, a rilru natzia thute, Mipa pakhatmah a rinzawh tawh loh thu leh amah chu a innghahna a nih thute a hrilh ve a.

Mahse..

An inhmuhna boruak chuan ruihtheihthil a kengtel tlat mai! Engnge a chhan nita ang? Zualtea chuan nidangah a thiante bulah a inchang a awm ve tho. Mahse, a Nula awmpui chuan a in ve thin tihna em ni? A nithei lo.

'Mazo, zu i in thin em ni?'

'In ngai lutuk lo ve. Ka in ve zeuh zeuh thin a'

'Hmeichhe zu in chu tha ka ti lo'

'A nih chuan, ka in tawh miah lovang. Heng pawh hi ka'n dahtha ang e'

'A, a ngai chuang lo. Kan intawn vawikhatna a ni bawk a. i duh ve tho chuan pawi ka ti chuang hleinem. Han thli la?'

'Awle', tih leh a tho var a. Hnehsawh hmelzet hian Jd-i Scooty Chabi hmang chuan Whisky chhin chu a han hawng a. No pahnihah chuan a rawn thli a.

'A pawlha in hi kei chu ka duh lo. A tuina tem ngei hi ka duh a', Mazotei chuan a ti nghal vat a.

Zualtea chuan chu a hmaa Lasi Nula ang maia duhawm chu vawikhat tal han chai a chak hle mai. Mahse, a la insum thei zel a.

No rawn pek pah chuan Mazotei chu Zualtea malchungah a rawn thu a. A hnu deuhvah phei chuan a rawn karkalak ta hial a.

Zualtea pawh a thaw a rang tawh khawp mai. Mazotei lah a zei. An pahnih chuan Zu chu an indun a. A changin an infah a, a chang leh an in-cheers thul.

Nakinah chuan Mazotei chu Zualtea malchunga tang chuan a thova. Computer-a hla play chu tlemin a han tiring hret a. A meng dava riai a. A lam ta a.

Zualtea chuan a lo en reng a. 

Tv leh Film velah hmeichhe lamlai, saruak leh saruak lo pawh a hmu teuh tawh. Mahse, tuna mi ang renga lamnalh leh lam hmuhnawm a la hmu ngai lo. A  no chu a tlak pawp a. Mazotei lam chu a va zawm ve a.

Tichuan an pahnih chuan an inhmangaihziate chu inhrilh pahin an lam dun ta a.

Minute 10 chhungvel an lamdun hnu chuan Mazotei Mobile Phone chu a rawn ri ta ral ral mai a. Mazotei chuan a ngaihsak lem lo. Zualtea chu a inthingharh vat a. Mazotei Bag; Phone rawn ring chhuahna chu a va en a. Phone a han bihnak chuan, 'Kan Pa' tih hian a rawn Call hi a lo ni a. Zualtea thinlung chu vih angin a na nghal zawr mai a.

Ahmaa Nula hmeltha leh piannalh, zurui chunga lam mek chu a han en vang vang a. A beiseina awm ve te kha tunah chuan a bo deuh vek tawh. A duh tawkin chu Khumah chuan a la khawih thei tih a hria. Mahse, mi Nupui chutia lo khawih chu a thiam loh a ni dawn tih a hria.

Mazotei lam lai chu a han dingchawl a. A han inher a. Chiang leh rum tak maia lo en rengte Zualtea a hmuh chuan a phu deuh zawk a. 'Engnge, Mate?'

'I phone call kha i ngaihsak lova. Ka va en a..'

'Engtin?'

'A rawn Call tu che kha In Pa a nia. Pasal nei chungin tihian i lerhsan em ni?'

Sawi mai tur Mazotei chuan a hre lo. Rei vak lo hnuah a mit atangin mittui a lo luangchhuak ngial ngiai a.

Zualtea chuan hreh tak chungin, a hmaa hmeichhe lepchiah mittuitla lai mittui chu a Romal neihchhun, a Kuhva man aia a lei chuan a han hruksak ta a. Khum tlangah a thutpui a.

Mazotei chu a awmah a bei a, a ngik faih faih a. 'Zualte, min ngaidam rawh. Kha kha kan pa ni lovin, min dawr thintu pakhat a ni a', a han ti ta a. Zualtea chu a phu zawk mai a.

'Eh..KS maw i nih? Nge, Call Girl?'

'KS chu ka ni lo. Mahse, i duh dan danin min ngaidawn nia. Hetia ka awmdan hi nakinah chuan ila rawn hrechhuak tho tho dawn a. Chuvang chuan tuna i hriatnghal hi ka duh a ni. Ka hmangaih che a. Jd-i hian min ngaina a, ka thianthaber a ni. Amah hian ka mualphona tur min hum hram hram a ni e. Min ngaihdam theih chuan ka nundan te sim ka inhuam a. Nang ngei hi ka duh che a ni', a ti tawp mai a.

Mazotei khabe chu a han dawmsak a. A ni chuan mittui tling piau chungin a rawn en a. Mahse, Zualtea thinlung chu a na ngawih ngawih si. A kut dinglam chuan a theihtawpa na in a biangah chuan a bengchawrh mai a. 

Mazotei chu khumah chuan a bawkthlawp a. A tap ta a. Zualtea chu intipa tawkin chhuatah chuan a veikual sek a. Nakinah chuan a inngaihtuah chiang deuhva. Mazotei tap chu va thlem pahin a va kuah a.

Zualtea chuan Jd-i inbualna Room-ah a hruailut a. A hmai a phihsak a. Mazotei pawh a lo harh ta sawt a. A hmai a phih zawh chuan Zualtea chuan duhtawh takin a hehah ngei chuan a fawhsak a.

Zualtea chuan Mazotei chu a pawmlawk a. Khumah a mut a. A thawmhnaw chu engmah sawi lovin a hnuaiber thlengin a phelhsak mial mial a. Chutihlai chuan Mazotei chuan engmah a sawi lo. A mittui chu a luang ngiai ngiai a. A thawmhnaw a phelhzawhsak hnu chuan a bulah a rawn ding a.

'Mazote, ka ta tura ka beisei thin he i Lei taksa hi mihring dangin nawmchen nan an lo hmang tawh si a. Kei erawh chuan nka hmang ve lovang. Min hmangaih ve takzet chuan Palai rawn tir ila, kan innei ang a, chumi hnuah chauh chuan Pathian hriatpuinain kan la chen dun dawn nia!', a ti a.

Mazotei rilru chu a buai ve ta map mai. A mutpui duh si loh chuan?

'Awle, chuti a nih chuan Palai rawn tir la?'

'Ka lo inngaihtuah dawn nia. Thlathum vel hun min pe la?'

'E khai a!'

'Engnge, i e khai a?'

'A rei dawn em a!'

'Ka enthla phawt dawn che!'

Mazualtei chuan Zualte zakah a rawn dek. A ni lah zakdek hawmi tak alo ni si! An inchhaih ta chiam a. Nakinah chuan a thawmhnawte chu a hak tir a.

Computer-a Games awmte chu an pahnihin inthlahlel tawn takin an kheldun ta a. Jd-i rawn chhohva Thingpui leh Chhang a rawn kenluh chuan inngeih takin, Thanglunghnemi Zai Play ngaihthlak pahin an lo chheihlam dun vel a!

(Chhunzawm tur...Peih chuan! Haha)