1946-a San Francisco(USA)-a piang Gordon E.Moore-a chuan 1965 khan 'thla 18 danah Integrated Circuit thiltihtheihna leh chak zawng hi a let thawk thawkin a pun dawn thu a lo sawi lawk tawh a.Chanchinthar thehdarhtute chuan he a thil sawilawk hi 'Moore's Law'an vuah sak a. Heta tang hian Information Technology khawvelah hian a hming hi a dai thei ta ngai lo va ni.
 |
Moore-a sawilawk ang chuan he thil thleng hian 1975 a hawlhthleng phak dawn niina sawi a. Intel Technology zarah Moore's Law dik zia leh tun thleng pawha a la dik zia chu a chiangchho mek zel a nih hi.
1950-ah UC Berkaley atanga B.S.(Chemistry) a zawh hnu-a Physics leh Chemistry Subject a tanga 1954-a Doctorate Degree(Ph.D) a lak hnu ah Moore-a chuan Shockley Semiconductor Laboratory-ah a hun tam zawk a hmang ta chawt a.He hmun hi 1957-ah fairchild Semiconductor Comapny din turin a chhuahsan a. Moore-a hmalakna a zarah Fairchild Semiconductor Company chuan khawvela Transistor hmasaber chu an thawnchhuak ta hial a.Mahse, management lama inthlakthlengna avangin Moore-a chuan Fairchild Company chu a chuahsan ta a. 1968-ah Intel Executive Vice President hna a chelh a. A hnuah 1975-ah President leh CEO a ni ta hial a ni.
Moore-a zarah Intel Company chuan khawvela Single Chip Microprocessor hmasaber a siam chhuak ta a. Chumai ni lovin khawvela Chip siamchhuaktu lianber leh hmingthangber an lo ni ta hial a ni. 1987-ah phei chuan Moore-a chu Chairman Emeritus'tia hriat a lo ni ta a ni.
Çhawimawina tam tak a dawn zingah 1990-ah President Bush(sr.) hnen atanga a dawn National medal of Technology a dawn hi kan sawi hmaih hauhloh tur a ni. Moore-a hian Sangha man lampang a tuipui avangin Sangha manna lam hawi leh kaihhnawih Web site a tlawh ve thin a ni.
0 Comments