Character chan: Fernando Sucre
Pianni: December 24th, 1970
Kum: 39
Puerto Rican khua leh tui diktak Amuary Nolasco's tum pakhat chu Damdawilam zirna School- a luh a, Doctor nih a ni. Mahse, chu a thiltum chu Film Director pakhat atawn atang chuan alo danglam zo ta!. New York- lama insuan lutin American British Dramatic Arts School- ah uluk leh tih takzetin Film leh Drama chan a zirchho ta a ni.
Amuary- a chu guest-starring angin Show hrang hrangah a intatlut chho ta a, 2 CSIs (the original CSI and CSI: NY), ER, George Lopez and Eve. 2 Fast 2 Furious, Benchwarmers, Mr. 3000, Orange Julius- ah te khan a lo inhnamhnawih ve tawh bawk.
Transformers Film hmingthang leh hmuhnawm taka pawh khan a chang ve nghe nghe a ni.
A Character Chan chu engang mizia nge ni?
Fernando Sucre
Fernando Sucre, Puerto Rica khua leh tui atanga lo chawrchhuak, Mahse, Chicago, Illinois- a seilian hi a zirna lam hriatzui a awm vak lova. Chti chung chuan Michael- a thiamna nen a inthlau vaklo a tih thei ang. A damchhung zawng hian Sucre- a hi mi thil lakruk zeuh ah te, Car rukah te a inhmang chho va. Mahse, manchhuah a ni ngailo.
Sucre- a hianan manchhuah hma kum hnih kalta khan a bialnu Maricruz Delgado (Camille Guaty) hi a lotawng a. Diktak chuan Sucre- a an man chhan ber hi chu Maricruz tan inhualna Zungbun ruk atum vang a ni. Hector (Kurt Caceres)- a, Sucre's cousin chuan Maricruz- i alo ngaihzawn avangin Sucre- a chu a thangkama awhtirin, a ni erawh chuan police ho chu a bumchhuak thei mai. A hnu deuhvah chuan Maricruz-i chu New York- ah hnathar avangin a insawn ta nghe nghe.
Maricruz hi a bialpa Sucre- a tan hian a rinawm khawp mai! Bellick- a'n thlatin tang tlawh phalna a tihtawp hma zawng chu a va kan ziah thin a. A hnu deuhvah phei chuan Sucre- a fa a pai avangin Hector- a aneih a tul maitheih tur thu a sawi.
Sucre- a hi Michael- a lo tan hma chuan a Cell ah awmpui fel tak a ni thin a. Mahse, Michael- a alo tan ve a, tlanchhuah a tum thute ahan sawi chuan tan reiloh chu duhzawk fe mahse, a hnial ta tlat a. Mahse, a hnudeuhva Hector- a alokal a, Maricruz- i alama a hawi tak thu ahan hrilh meuh chuan Michael- a hnenah tlanchhuah ve phalsak turin a ngen ta lawm lawm zawk a. 'A tul anih pawht chuan Sazu ang maiin lei pawh ka verh huam e', a ti tawp mai!!
A fing tehchiam lo na a. Ngaihdan tlem azang chu a nei ve thin. Maricruz- i leh a fa la pianglo te a ngaihtuah chang chuan a thinrim a insehruh nasa thei hle. A tirah phei chuan Michael- a remruat dan te chu a hlawhtlin a ring tehchiam lo. C-Note in a hnena Michaela'n hmanrua anga a hmang mai mai nia a hriatthu ahan hrilh phei chuan a ngaihna a hrelo hle.
Chutichung chuan Michael- a leh Sucre- a te inkarah inlaichinnna a lo inphunnghet tial tial a. Tlanchhuah an tum vawikhatna a hlawhchham a, midang zawngin Michael- a an phatsan laiin leh, Michael- a chunga an lungawiloh viau lai pawhin Sucre- a chu a aiawhin a inhlan phal a ni. Sucre- a SHU atanga chhuahtir a nih hnu leh, Michael- a pawh rilru buaite awmna hmun atanga dahsawn a nih hnu chuan inpawmin an inphatsan loh tur thui an inhrilh mawlh mawlh a ni.
Sucre is currently on the run with the other inmates
Chris Vance
Character chan: Whistler
Pianni: December 1st, 1971
Kum: 38
British khua leh tui niin, tuial liak pha ni mahse, Sean Everleigh- a drama All Saints a chan avangin Australia mi anga hriatlar a ni. December 1971 khan UK (England/ United Kingdom/ Britain) ah a lo piang a. Stingers ang te, Blue Heelers ang te leh The Bill angte in Tv- ah a inlan ve thin nghe nghe.
Danay Garcia
Character chan: Sofia
Pianni: December 31st, 1969
Kum: 41
Havana Cuba- a pianga lo seilian Danay Garcia hi a naupan tet atanga lam lam leh thil dang dangahte a a hming alo chher tawh thin avangin lemchan khawvelah a mikhual lo hle a. Ballet Dancer anga kum13 vel zet a awm hnu chuan a awmdan chu a nig ve ta deuh nge ni, a eizawnna chu thlak a tum ta a. Mahse, a tumdan chu a duh chiah lo khawp mai! Danay chuan a hmalam hun atana fuihtu thian a mamawh takzet a. Chtih rual chuan lemchan lam atan tirh chuan a tui nghal takzet bawk. United States- a lo kal hnudeuh, kum 4 velah pawh chuan English tawng ala thiam nal lo hle a. Television lam a tuiloh rual rualin FRIENDS fans ruhkawl diktak a nih erawh a hrechiang hle thung.
Dominic Purcell
Character chan: Lincoln Burrows
Pianni: February 17th, 1970
Kum: 39
Dominic hi England- ah a lo piang a. Mahse, Australia ah a seilian. Hetah hian Lemchan zirna hmun pahnihah a kal: Australian Theatre for Young People leh the Western Australian Academy of Performing Arts. WAAofPA chu X-Men changtu Hugh Jackman leh Francis O'Connor te nen a chhim bawk.
Kum 1997 khan Raw FM ah a chang ve a. Tom Cruise a Opposed zawngin Mission: Impossible 2 ah khan US- a koh a nih hmain a chang bawk.
Purcell hi Fox thlittute leh tan tute lakah a mikhual lo hle. Lemchan tawi pahnih- John Doe leh North Shore te a chan zawh hnuah a pathumna Prison Break hian a rawn tilar zual hle.
A kuthnu a lo hnutchhiah tawhna thenkhatte chu- Antony and Cleopatra, Angels in America, The Pillars of Society leh Romeo and Juliet te a ni. Tin, Televition lamah pawh First Daughter leh Moby Dick ah te a lo chang ve tawh a. Blade: Trinity, 3-Way, Equilibrium leh The Visitors ah te pawh a lo inhnamhnawih tawh bawk.
Tu Character nge a chan?
Lincoln Burrows
A nau Michael Scofield ang lo takin, Lincoln Burrows hi High School pawh kalchhuak lo a ni a. Pawl 10 passed lovin a unaupa nen thil tihsual lamah a ramtang ta zawk a. Vice President's unaupa thah tuma puh anih bakah, rukruk thu ah te, bungraw tihchhiat luih ah te, Ruihhlo kawl ru ang te puh ani bawk. Lincoln- a hian fapa pakhat LJ- a chu Lisa Rix nen a nei.
Michael- a kum 18 alo nih chuan, Lincoln Dollar 90,000 chu Michael-a zirna atan a puk a. Michael- a'n a pawm duh dawnlo va a hriat avangin a nu Life Insure na man zatve a nih thu a hrilh tawp mai. Lincoln chuan Michael- a chu a mah ang ni lova, thil tithei leh mahni invawng fel taka chhuah a tum ran a ni.
Mahse, Lincoln- a chuan a pawisa bat Dollar 90,000 chu a pe thei lova. Vauna a dawng zui leh nghal. 'Vice President unaupa that la, i bat te chu thaibo a ni ang. Mahse, i thah loh erawh chuan i fapa thah a ni thung ang', tiin! Thlantur dang a neih chuan loh avangin Bo- a hnen atangin silai a la a, tichuan Motor park na hmunah a kal ta. Silai a lak dawn khan pahnih a khawih chhin a. Chumi a khawihna kuthnu atang chuan a mah chuan mi thangkam a dai per ta a ni.
Motor Park na hmun a thlen chuan Terrence Steadman chu a lo thi der tawh a! Camera atanga an hmuh dan chuan a silai chu Motor lam tin chunga a kal lai leh a hnu deuhva silai puar ri niawm tak hriat a ni. Hei hian thiamloh a chantir phah ta a ni.
Lincoln- a chuan a thiam thu sawi eng ang mahse, thuneitute chuan thiamoh an chantir miau va, Electrict Chair- a thu turin an ti ta hial a! 11th May- a thi tura tih a ni. A thih ni tur chu vawihnih zet a pa in lehkha pawimawh Judge te hnena a pek avangin tih khawtlai a ni.
A fapa an man hnu chuan a khat tawka a kan an phal sak a. Chu chu engvangnge tih pawh hriatchhuah a ni thuai a. Tang phurtu Motor a accident nghe nghe.
Lincoln- a pa hian Ecofield chungchang chu a thehdarh hlauah mai a. Chumi avang chuan Company chuan man an tum nghe nghe.
Lincoln Burrows hi a tanpuite nen Jail- ah an hmalam hun an la thlir mek zel a ni.
Jodi Lyn O'Keefe
Character chan: Susan B.
Pianni: October 10th, 1978
Kum: 31
Kum 8 leka upa Jodi Lyn O'Keefe chuan a unaunu hniakhnung zuia Modelling lam rawn tuipui chhovin, a mahah pawh inrintawkna a nei nasa hle a. Mitmu hring buang nalh zet mai nei, Jodi- i hi Czech, Irish, Polish, Swedish and Austrian inthlahpawlh a ni. 10th October 1978 khan New Jersey- ah alo piang a. Jodi- i hian Saint John Vianney High School chu Another World- a chang tura a insiam a vangin a chhuahsan ta a. Kum 17 a nih chuan Cassidy Bridges anga Nash Bridges Film- ah a lolan chuan a hmingthang tawh hle. 'Halloween H20: 20 years later' leh'She's All That' Film hmang chuan a rawn invawrhlar chho hneh khawp mai! Nirvana fan ruh tak a ni a. 3 Doors Down fans chuan Jodi- i hi he music video 'Let Me Go' ah hian Jesse Metcalfe kianga Stipper anga lolang a nihzia chiang takin an hre thei ang.
Marshall Allman
Character cahn: LJ Burrows
Pianni: April 5th, 1984
Kum: 25
Texas khua leh tui, Marshall Scott Allman hi 5th April 1984 khan Austin- ah a lo piang a. Kum 15 a nihin lemchan khawvelah a lo lut. Lemziak thiam leh Infiam lam thei tak a ni a. New York- a lemziah lam zir tura an sawmna chu a hnial a. Austin High School atangin kum 2002 khan a Graduate. LJ Burrows anga Prison Break- a a inlan hma hian heng- Boston Public, Without a Trance, Malcolm in the Middle leh The Practice ah te Guest Starring angin a inlan ve tawh.
Lemchanah chauh lo pawh a Talent te tlangzarh nan Marshall chuan "Devil's Night" chu a ziakve a, a chang nghal bawk. He Film hi March 31st 2006 khan chhuahtan a ni nghe nghe.
Marshall Allman leh Jamie Anne Brown te chu 17th June 2006 khan Austin, Texas ah an innei.
Eng Character maw a chan?
LJ Burrows
Kum 15 mi a nih chuan School, Homework leh a nu leh pa te bak chu a nunah engmah a awm lemlo. LJ- a nu, Lisa Rix, leh a pa Lincoln Burrows (Dominic Purcell) te chu a nuapan tet laiin an inthen a. LJ Chawlhni tinin a pa chu Tanin- ah a va kan/ tlawh thin nghe nghe.
Tihhlum tura a pa an tih hma chuan LJ- a chu naupang nungchang tha tak a ni a.Chicago- ah a pahrawn nen a nu hovin an khawsa thin a. A zirna lamah pawh A grade a hmu hial thin. Thil sual a ti ngailo bawk a. Mahse, a pa an man a, a pami an man bawk takah chuan a nun a lo khawlo zo ta. Marijuana a kut a tangin an man a, nungchang siamthatna hmunah an dahlut a. A pa Tanin- a atan laia an inhmuh hnuhnun ber chuan a pa chu 'Ka lakah i thi tawh a sin', a ti nghe nghe. Mahse, an inhmuh zin takah chuan an inkungkaihna pawh a lo nghet tial tial a. LJ- a hnenah pawh a pa chuan pa hmangaihna a lantir thei ta. Lincoln- a chuan a fapa hnenah an tihhlum laia awm ve tura mittui tla zawih zawiha a sawmna chu a pawmsak nghe nghe.
Chutih lai chuan Agent Kellerman leh Hale te chuan Veronica Donovan (Robin Tunney) leh Nick Savrinn (Frank Grillo) te chu dahthat an tum a. Tin, LJ- a chu vau a, Lincoln ngawihtir an tum a. Nakinah chuan LJ- a man theihna Warrant chu an nei thei ta. Mahse, LJ- a chu a kelawnga rei fe a tlanchhiat hnuah Lincoln- an a rawn be ta hlauh a ni.
Veronica leh LJ te chuan Kellerman leh Hale te chu Thehlei veh anga inveh tirin, LJ- a chu Lake Mercer - a kal angin an lantir a. Mahse, anihna takah chuan New Glarus ah Veronica leh Nick te va pawh turin a kal zawk si! Agent Quinn- a chuan a hmufuh ta hlauh mai!! An pathuma thah chu a tum ta a. Vanneihthlak takin LJ- a chuan tuichhunchhuahah a namthla hlauh va, an him ta a ni.
Nick- a inluah na ah an kir leh a. Lincoln- a tihhlum a nih dawn ni chuan Veronica chu a pa hnenah amah hruai turin a ti a, mahse a duhlo. Fox River an thlen chuan LJ- a chu Veronica chuan Lincoln- a a biak fe hnu chuan a biak tir ve ta a. LJ- a chuan a pa chhuah hunah chuan In tha tak sak a duh ve thu te, a pa a ngaih thute a sawi a. Chu chuan Lincoln- a chu a deng hle a, a mittui a tla zawih zawih a ni.
Lincoln- a tihhlum a nih tak lawk lohvah chuan Nick, Veronica leh LJ te chu New Glarus ah kirlehin, Agent Quinn- an engemaw tak hnutchhiah a neih leh neihloh an zawng a. LJ chu tuichhunchhuaha lutin, Quinn- a mobile phone paih a chhar a. Chutah chuan hming dang "Owen Kravecki" leh "Kellerman" tuichhunchhuah banga inker chu a hmu ta a. LJ - a chuan mobile phone chu Veronica leh Nick te hnenah a pe a, mahse an hming erawh chu amah chauhvin a hre ta thung.
Nick leh Veronica ten Quinn- a mobile phone a thil pawimawhte lakchhuah an tum chuan, LJ- a chuan laptop hmangin Owen Kravecki- a awmna chu a zawngchhuak a. LJ- a chu Kellerman- a In- ah a lut a, a kap nghe nghe. Vanduaithlak takin Owen- a thenawmten Police an koh takah chuan an man ta a ni.
LJ- a chu a nu leh a pahrawn thattu anga puh a nih avang leh Owen Kravecki- a thah tuma puh a nih avangin Tanin- ah khung a ni.
Muse Watson
Character chan: Charles Westmoreland
Pianni: July 20th, 1948
Kum: 61
Muse Watson hi 20th July 1948 khan Alexandria, Louisiana- ah a lo piang a. Louisiana Tech ah kum 2 lai Berea College, Kentucky- a a insawn hmain a kal a. He tah hian 'Taming of the Shrew' drama a chang ve nghe nghe. Hemi ni atang hian lemchan leh thil chi hrang hrang tih na- ah a lo inhnamhnawih chho ta a ni.
Kum 1989 chuan Muse Film lamah a inhnam hnawih ve tan a.1994 hnu lamah chuan Hollywood- ah Vice President of Casting for Warner Brothers, Marion Dougherty- a duhsakna dawngin a lawilut ve ta.
Muse hi lemchan lama mi hmingtha tak tak heng Richard Gere, Julia Roberts, Sylvester Stallone leh Hilary Swank te hi a lo chanpui tawh bawk. Muse Watson chu Kentucky Colonel angin kum 2001 khan chawimawi a ni lo hial tawh a ni.
Eng Character nge a chan?
Charles Westmoreland
Charles Westmoreland hi Fox River- a tang zingah chuan a upa ber a. Tang dang zawng aiin tanpui pawh a ngah tawh. Boy Scout of the Penitentiary; Westmoreland chuan Fox River - a a luh hma kum 28 khan a chhawmdawl thin a. Westmoreland hi D.B. Cooper anga hriatruk a ni. Kum 1971 khan, Cooper chuan mi 727 zet chu Dollar maktaduaih 1.5 tlanchhuah nana phutin a hreng a. Parachute hmangin Pacific Northwest ramngaw- ah thlawhna atangin a zuangthla a. hmuh nawn a ni leh ta lo.
Chuti chung chuan thiamloh chantirna tur an la hmu chuang lova. Kum tluanin Westmoreland- a chu pawisa duh vang tein a hnar khawlo chung chung an sawisa thin a ni. Chuti chung chuan D.B Cooper- a nia an puhna lak a ta a inthup tang tang a, engmah a sawinawi ngailo. A hnu phei chuan a tanpuite pawhin an ring tan nghe nghe.
Michael- an tlanchhuah a tum chu a ringhlel lo na in a hlawhtlin chu a ring lemlo hle. Upa ber a nihna angin zawhte pakhat Marylin tia a koh chu a kawl an phalsak a. Henry Pope leh C.O. zawng zawngte pawhin mi nunngil leh ngawichawi niin an hria. Heng zingah hian mi tawrawt Bellick- a pawh zu tel ve a!!
Mahse, Westmorelanda'n Bellick- a hnenah Bob- a thattu a hrilh duhloh avangin an inkar chu a lo khirh zual ta a. A fanu thih thut theih thu a hriat chuan Warden chuan a hrethiam viau na chungin Henry Pope chuan chutiang vanga Tanin a chhuahsan theihloh tur thu a hrilh a. Bellick- a chuana zawhte duat pawh chu a thahsak niin a hre ta nghe nghe. Bellick- a hian an tlanchhuah dawn leh dawnloh a zawt uar viau bawk.
Dik tak chuan D.B. Cooper- a a nih chian zia chu Michael hnenah a puang a. Khatia a pawisa phut an pek kha a number an chhinchhiah vek a, chung zinga pakhat chu a hmuh nghe nghe. A hnu deuh chuan Bellick- a chuan an leiverh a hmuhchhuak a, a ni hian a phuar bet ta tlat nghe nghe. An inbeih lai hian Darthalalng themin a at palh a, mahse an thiltih tum chu a tlang theih nan a sawichhuak lova, amahin midang zawngin infirmary an chhuahsan lai chuan a lo tuar tawp mai a ni.
Michael- a hnenah amah kalsan tur leh, a theih hram chuan a fanu Anna- i tlawhchhuak turin a ti a.Pawisa a dahthatna pawh a hrilh nghe nghe. A lo berah Dollar maktaduaih 5 vel a nih thu te a hrilh nghe nghe. A hnu hian Warden chuan Charles Westmoreland hi thi in infirmary ah hian a va hmu ta a ni.
Paul Adelstein
Character chan: Paul Kellerman
Pianni: April 29th, 1969
Kum: 40
Paul Adelstein- a hi 29th April 1969 hian Chicago, Illinois- ah a lo piang a. Ft 6'2" a sang a nih chuan, lemchanthiam/music thiam hi Agent Kellerman anga Prison Break- a a channa hian a rawn tilar zual hle a. Mahse, tunah hian "Private Practice" leh "Grey's Anatomy" ah, gynecologist Cooper angin a chang mek.
Paul- a hi Bowdoin College atangin English degree la in a Graduate a. John Cusack- a company New Crime Productions tia an vuahah thawkin Steppenwolf Theatre Company ah a thawk chhunzawm leh a. Adelstein- a hi a ma Band Doris a a zaituber leh Guitar tumtu a ni.
Paul- a hi Liza Weil nen November 2006 khan an innei a. "Gilmore Girls" Film- a Paris Gellar anga changtunu kha a ni.
Eng Character maw a chan?
Paul Kellerman
Kellerman- a hi thiltum liantak nei, mahni thiltiha hlawhtlin tum tlat mi a ni. Lincoln Burrows- a kha tihhlum a nih leh nihloh hriat kha a duh tak pakhat a ni. A kawngdaltu a piang a dahtha ze a. A hnathawhpui (partner) pakhat pawh a dahtha hmak mai!
Mi 6 Season 1 chhungin a that hman a. Chmai bakah mi 3 thah a tum bawk. Mi 6 a thah takte chu- Lisa Rix leh Adrian (LJ-a nu leh a pahrawn), Sebastian (Veronica pasal hual), Leticia Barris (Crab Simmons-a bialnu), a thawhpui Agent Danny Hale leh Quinn, "The Company" ten Kellerman leh Hale te aiawhtu atana an rawih te. Agent Kellerman- a hian Veronica Donovan, Nick Savrinn leh LJ Burrows te thah a tum bawk.
Paul Kellerman chu kum 15 lai kaltawh khan West Point atangin a graduated. Gulf War lai khan ral a do ve a. Captain- ah hlankai a ni. Sipai lamah beiseina sangtak nei mahse, Secret Service ten hotu nihna pek tiamin an zinga tel turin an sawm a. A dilna- ah hian Kellerman hian Secret Service agent a tan a, 'ram venghim a, tanpui turin' a inpek duh thu a sawi.
Paul Kellerman leh Daniel Hale te chu kum 5 chhung zet an lo inkawp tawh a. misual tawpkhawk anga hriatlar a ni. A kawngah miin an dal chuan a kaphlum hmiah thin a ni. Mahse, Hale erawh a nun a nem thung hle. A tawp lamah chuan, Hale chuan inhnuhdawh a, kalbo a tum ta a. Veronica Donovan chu be pawpin, Lincoln Burrows chungchanga information pek a tum a. Mahse, Kellerman- a chu rawn tel vein, Hale chu a kahhlum phah ta a ni. Daniel Hale hian nupui rai lai leh fapa rawlthar a thihsan.
Kellerman- a hming dang hi Owen Kravecki, bawng tin hralhtu company- a an sales manager a ni. LJ Burrows- an a that tep a. Mahse, Police ten chutiang thil a thlen hma chuan an rawn nangching hman hlauh a ni.
President Caroline Reynolds hretak anga ngaih a ni a. Dik tak chuan kum 1992 vel atanga inhre tan an ni a. An hun kaltawh lampang chu tuman an ngaihsak tehchiam lemlo.
Official takin, Paul Kellerman hi Secret Service member anga chhinchhiah a ni lova. Tin, Federal Government hnathawk ang pawha chhinchhiah a ni lo.
Peter Stormare
Character chan: John Abruzzi
Pianni: August 27th, 1953
Kum: 56
Playwright, theatre director, musician leh lemchan thiam Peter Stormare hian resume langsar lo tak a nei a. Peter Ingvar Rolf Storm hi 27th August 1953 khan Arbr', G'vleborgs l'n, Sweden ah a lo piang.
Peter Stormare hian Royal Dramatic Theatre atangin lemchanna huang a rawndai a. Tah chuan kum 11 zet, Associate Artistic Director, Tokyo Global theatre ah a nih hma chuan a awm ta reng. Heta tang hian Shakespeare- a kutchhuak a chante chu a larpui ta hle.
Peter hi kum thum chauh New York ah a luh hmain a hnathawhna ngaihah a awm a. America Peter a thiltih chu a rawn khum a. Academy- a a hming 'Stormare' - a a han thlak meuh chuan talent neitha tak a nihzia a rawn tilang chho tan ta a.
'Blonde from Fargo' tih Band pakhatah chuan tel ve in a ma pual liau liauvin record label 'StormVox' a siam. Peter Stormare hian fanu pakhat, Kelly chu a nupui hmasa Karen Sillas lakah a nei. Tunah hian Toshimi Stormare nen inneiin, Gustaf Skarsgard,Stellan Skarsgard- a fapa Godfather a ni bawk.
Tu character nge a chan?
John Abruzzi
John Abruzzi (Peter Stomare)- a duhloh zawng tih chu ke zungtang hlohna a nihzia Michael- a hian a hrechiang hle awm e. John Abruzzi hi mi tawrawt tak pakhat a ni a. A thiltih laiah chawl lova eng tianga thui pawh kal peih mi a ni. Otto Fibonnaci chuan Abruzzia'n mi pahnih a that lai a hriatpui a. Abruzzi man theih nan a zung pawimawh a nih avangin Abruzzi hian Fibonacci chu a mamawh hle. Chu chu Michael- a hian a tithei tih a hria. Chicago mob boss nithin Abruzzi hi Celebrity lungintang a ni. Mi zawng zawngin an hria.
'Mi hian an hre vek che em ni?' tiin John Abruzzi chu Michael- a hian a zawt nghe nghe. John hian PI (Prison Industry) chu a enkawl a. Abruzzi- a hian Fibonacci awmna chu Michael- a zawhchhuah a tum a, a ke zungtang a tansak nghe nghe. Mahse, a sawi duh tlatloh avangin a tihdan dang a ngaihtuah ta a.
Abruzzi leh T- Bag te chu inthaintha an ni ngailo. Mahse, Abruzzi- a mi ten vanduai thil thua T- Baga cousin James- a leh James- a fa te an thah palh avangin an inngeih phah ta phian a. A hnu deuh chuan tlanchhuah an tumdan te pawh an inhrilh hre ta nghe nghe a. T- Baga chuan a that dawn emaw a ti ta hial!!
Mahse, a hote thiltihsual avang chuan a insiam tha hle a. T- Baga chuan a thih phah ta lo.Chutih lai chuan T- Baga chuan Abrussi hrawkah chuan chemte in a zai a. Mahse, a damchhuak leh hlauh!!
Vanneihthlak takin, Abruzzi chuan Fox River- a lo kur a, a hliamte a dam deuh hnu chuan an tlanchhuah tum na thu chu a rawn pawmpui ta a. A hma ai pawhin a zaidawh ta nghe nghe.Abruzzi chu midangte nen an tlanchhuak ho ta nghe nghe.
T-Bag- a ban chu hreite in Abruzzi hian a cheh sak a, a hnu deuhvah phei chuan a ban a bulh phah tak kha!!
Robert Knepper
Character chan: Theodore Bagwell
Pianni: July 8th, 1959
Kum: 50
Robert Lyle Knepper hi Fremont, Ohio ah, 8th July 1959 khan alo piang a. A pa ran Doctor- a thawhna hmun Maumee, Ohio- ah a seilian. Kum 2003- a a nu Pat Deck boral hnu chuan lemchan lama inhnamhnawih a chak ta hle a.
Maumee High School atanga kum 1977- a a Passed hnu chuan lemchan lamah a lut chho ta a. Northwestern ah University a zawm a, mahse, a pass hmain a chhuak leh si. Helaia a kal hnu hian New York City ah a kal a, lemchan chu a luhchilh ta a ni.
Knepper hian lemchan lamah hian That's Life hmangin 1986 khan a hming a rawn chher tan a. Hemi hnu hian T-Bag angin Prison Break ah hian a rawn chang chho ta a. Knepper hi Tori Herald nen innei in, fapa pakhat Benjamin Peter Knepper an nei.
"Hitman" Film a chan mek a. Hetah hian Russian misual angin a lang dawn a ni.
Tu Character nge a chan?
Theodore Bagwell
Cell pakhata T-Bag (Robert Knepper)- a nena awmdun i thlang hauh lovang. Tin, a mah ep zawng pawhin i awm duh hauh lovang. FOX River tanin- ah hian a ni aia misual leh tawrawt dang an awmlo a nih pawhin a pahnihna chu a ni hauh lovang!!
A tet te atang tawha thilsual tih ching, rannung sawisak hmang a ni. Kum 10 mi a nihin an zirtirtu In hal a tum lai man a ni a, nungchang siamthatna hmunah an dah nghe nghe. Hetah hian pawl pakhat thil tithei zet mai the Alliance for Purity chu a zawm nghe nghe.
A lo thanlen hnu chuan a pawikhawih a lian telh telh a, mi dang tan a hnawksak telh telh bawk. Thi lek leka mi hliam te chu a pawikhawih langsar pawl a ni a. Hemi avang hian Alabama- a Donaldson tanina ah a rei thei ang ber tang tura tih a ni. Heta tang hian a pawl zawm hotu ber a ni ta nghe nghe. Heta a hun a ahmn zawh hian a lo chhuak a, America misual huangtau ber leh an zawn nasat ber pawl a ni.
Mi hruaikawi leh pawngsual vangte, Sikul naupang paruk thah avang te in a tawpah chuan man a ni ta a ni.
Alliance of Purity te kianga awm tawh lovin, Donaldson atang chuan T-Bag chu Fox River ah hian thawnluh a ni ta. The Alliance of Purity hi Fox River- a pawl turu ber a ni ta hial a ni.
T- Bag hian tlangval naupang deuhte chu a mamawhna phuhruk turin a ko lui thin a. Thenkhat chuan a nunrawn em avangin an tih thei hle. Mahni thua a kawppui atana inpe hmasa ber chu Jason a ni a, a ni hi helna a chhuah khan a thi nghe nghe. A hnu chuan T-Bag chu Seth Hoffner a.k.a Cherry (Blaine Hogan) an pe ta a.
Seth chuan Michael- a hnenah a thiltawn chu hrilh thin mahse, a inawhhlum hma chu engahmah a ngaihsak duhlo nghe nghe.
Michael- a a lo luh ve chuan T-Bag chuan a pawla mi ni turin a lo duh hle a. Mahse, a sawmna a lo hnial takah chuan a mihuatte zingah a tel ta a ni. Helna a awm khan Maytag kha a thi ta si a. Michael- an a that nia ringin phuba lak a tum ta reng a ni.
T- Bag chuan vanduai thil thuin an leiverh khau chu a hmu ta hlauh mai a. An tel tir ve loh chuan sawichhuahah a vau nghe nghe.
T- Bag chuan Abruzzi chu a ngeih tehchiam lova. An tlanchhuahna ah pawh a thah mai a hlauh avangin amah leh amah a inthlung a. Mahse, Abruzzi- a chuan a banah hreite in a cheh sak ta tho.
A tanpui te chuan an tlansan a. Ramhnuaiah a ma lum luma lum turin an kalsan ta.
Robert Wisdom
Character chan: Luchero
Pianni: September 14th, 1953
Kum: 56
Robert Wisdom hi 14th September 1953 khan a lo piang a. Jamaica khua leh tui thlah a ni.
Robert hi Washington DC ah a seilian a. Economics leh History atanga Degree Columbia University, New York a lak hnu chuan Wisdom hlawhtlinna rawn hmuin, Julianne Moore, Drew Barrymore leh Ben Stiller te nen a rawn chang chho tan a. Show hit tak mai "The Wire" ah te a rawn inlan chho ta bawk. Peter Stormare leh Paul Adelstein ang bawkin Robert Wisdom rimawi lamah a tui hle. Cuba rimawi bungrua te pawh a rimawi bungraw tum zingah a tel nghe nghe.
Robin Tunney
Character chan: Veronica Donovan
Pianni: June 19th, 1972
Kum: 37
Irish American, mitmu hring nghalh mai hian kum18 leka upa a nih khan Law and Order, Class of '96 leh Life Goes On ah te a hmel a lolan ve tawh a. Illinois khua leh tui, Robin Tunney (12th June 1972 a piang) hi Irish car salesman fanu a ni. St. Ignatius College Preparatory School ah a lut hlimhlawt a. Chuta tang chuanChicago Academy for the Arts ah lut lehin, Lara Flynn Boyle nen intawngin lemchan an zir dun thin. LA ah a graduate hnu chuan a kir leh a. Robin Tunney hi director Bob Gosse nen kum 1997 khan an innei. Kum 2002 khan an inthen. A thiantha ber chu Indie rocker, Liz Phair a ni.
Tu Character nge a chan?
Veronica Donovan
Veronica Donovan leh Lincoln Burrows te hi Chalk leh Cheese ang maia danglam an ni. Mahse, an lo thanglian dun a, an nunkhuain a zir em avangin hmangaihna khurah an lo tla lut ta hial a. High School chhuak chauh pawh ni mahse, Veronica- i hian University of Illinois, Urbana-Champaign ah kal chungin a la date hram hram zel a. He University atang hian B.A. political science Degree a la nghe nghe. Doctorate Degree in Law pawh Baylor Law School atangin a la. Real Estate Lawyer ni mhase, Michael atan hian a dinsak ta tho.
Criminal Law lamah a mikhual ang reng hle a. Chuvang chuan Project Justice ah ngenna a thlen a, mahse hnawl a ni. Chutichung chuan, Nick Savrinn chuan tanpui a inpeih thu a sawi. A puihna avang chuan Terence Steadman chu Blackfoot, Montana- ah a awm tih a hriat phah.
Veronica leh Nick chu an hnathawh avangin thihna in a hmuak fova. Mahse, an pumpelh thei hram zel a. Lincoln- a diklohna chu haichhuah an tum a, a dik a nih chuan a hremna dawn ata lakchhuak a, tih zalen an tum ruh hle.
Veronica- i chuan tumah rinloh tha in a hre ta hial a. A hnu phei chuan Nick chu Abruzzi an enthla- a, amah khuahkhirh tura a tih anga a khuahkhirh hnu chuan a beidawng hle. A tawpah phei chuan Nick- a chuan a nun rawn loh zia entir nan Veronica- i chu chhuahin, Blackfoot- a kal vat turin a hrilh ta nghe nghe.
Sarah Wayne Callies
Character chan: Dr. Sara Tancredi
Pianni: June 1st, 1977
Kum: 32
Sarah Wayne Callies hi 1st June 1977 khan La Grange, Illinois ah a lo piang a. Kum khat a tlin chuan a nu leh pa Valerie Wayne leh David Callies, University of Hawaii a professor te nen Honolulu ah an pem. Sarah- i pa hian dan a zirtir a, a nu hian English a zirtir bawk.
Lemchan lamah hian a tui hle a. Kum 1995 ah Callie- i hian Dartmouth College atangin Feminist Studies ah Degree a la a. Senior Fellowship in Indigenous Studies kum 1999 ah a ni bawk. Master in Fine Arts chu Denver's National Theater Conservatory kum 2002 khan a la bawk.
L'Oreal cosmetics tihlar nan an Model- ah atang tawh bawk.
Callie hian a lemchan lamtluang chu Queens Supreme Film hmangin a rawn zawh chho a. New York City ah a insawn a. Sarah hi a College kal laia a bialpa Josh Winterhalt nen 21st June 2002 khan an innei. August 2007 khan an fa hmasa ber chu a pian rin a ni.
Tu Character nge a chan?
Dr. Sara Tancredi
Fing, fel, duhawm leh hmeltha, Dr. Sara Tancredi hi mihring zingah amah ang an vang viau ngei ang! Mahse, i han bihchian meuh chuan chutiang em em chu a lo nibik hauh lo mai.
A naupan lai atangin a pa in a kalbosan a. Michael- a hnenah pawh a kum 29 na Birthday a lawm ni chuan Pangpar a rawn thawn thu a hrilh. A pa hi Illinois Governor "Frontier Justice" Frank Tancredi a ni a. Mahse, Michaela'n a pa angah a ngaih leh ngaihloh a zawh chuan a pa anga a ngaih loh thu in a chhang.
Sara hi fanu mal a ni a. Sara Tancredi hian Damdawi lamah thiamna sang tak a zirchhuak a. Mahse, chu a thiamna chu a hman khawloh avangin Morphine a addict a, hei hian a nun chu a khawih chhe nasa hle.
Kum 3 hmalam khan a ma mithmuh lai ngeiin, Morphine a ruih lai nibawk, a bialpa awm lai nibawkin Motorin anuapang hia a rawn su thlu tawp mai a. A Id an hmuh chuan enkawl turin an ngen a. Mahse, a damdawi ruih avang chuan a enkawl duh ta lo. A hnuah a inchhir hle a, a ruihhlo ngaih pawh bansan a tum ta a..
Damdawi a tih tawh ngailoh hnu chuan Fox River ah Captain Bellick- a chu a tawng a. A ni hian hna a kawhhmuh a, a hna kawhhmuh thawk tur chuan a hnu chuan a inpe ve ta a ni.
Dr. Sara Tancredi hi Fox River- a Doctor tlemte zinga pakhat a ni a. nHelaia a awmlai hian pawngsual a tawk tep nghe nghe. Michael- a khan a rawn chhanchhuak ta hlauh mai a nih kha!!
Sara hian Michael- a hi a hmangaih em em a. A tan engkim a huam zia a tilang chiang hle. Michael- a tan infirmary kawngkhar a hawn sak a. Amah avang liau liauvin an tlanchhuah theih phah bawk a ni.
Stacy Keach
Character: Henry Pope
Date of Birth: June 2nd, 1941
Age: 68
Henry Pope
Henry Pope (Stacy Keach) hi Tanin enkawltu dang tamtakte a ang lo hle. Hremna pek aiin insiamthatna lam ngai pawimawh zawk a ni. Tangte tan vawi tamtak thil tha a tihsak tawh thin a.
Pope hian Prison Industry (PI), kut hnathawh vel an lo thiam theih nan a siam bawk a. An inneih kum 40 na champha phak a a nupui a present a tan Taj Mahal anga inlem sak a duh a. Michael- a chu a ruai ta nghe nghe, a sa tur hian.
Pope hian hetai a hnuai hna a thawh avang hian a ring hlel ngai lova. Chu chu Michael- a pawh hian a hmang tangkai khawp mai.
Hman kumah Toledo- ah Pope hi a awm a. Sawn pakhat Will Clayton a nei. A fapa chu kum 18 a nih chuan a thi ta a. A thih chhan pawh amah a ni nghe nghe. Agents Kellerman leh Hale te chuan Michael- a sawnchhuah an duh avangin amah Blackmail nan hman an tum nghe nghe.
Wade Williams
Character chan: Brad Bellick
PIanni: December 24th, 1961
Kum: 48
Brad Bellick
Captain Bellick (Wade Williams)- a hi i ngainat theih miahloh a nih kha. Lungin (Tanin) zawng zawng hian Bellick- a an nei vek. A thuneihna a duh a, Michael- a ngainatlohzia pawh a tir atangin a tilang nghal.Bellick- a leh Michael- a te inkara inhuatna hian zuallam a pan deuh deuhva. Michael- a chu Warden- in a check ve a phalloh takah phei chuan Michale- a tana Correctional Officer (C.O) nih a chak ta zek zek a..High School a pass chhuah hnu kum hnih hnu lekah chuan C.O a Exam a, tichuan a rawn pass ta nghe nghe a. Hetia a dinhmun te a han san chhohva, Captain hial a han nih tak phei chuan a rawva zual hle. Cell chhunga intihbuaina te, mi tihhlumtur tihhlumna hmanrua lakluhte, nitin tangte hna thlakthleng kualvel te thleng chuan a kuthnuaiah awm tan ta a. Warden leh Bellick-a ten tang an hmuhdan leh thlirdan chu a in persan hle a. Henry Pope- a (Warden) chuan nun khawlo takte chu kawngdik an zawh theihnan tan lakpui a duh a.Chutihrual chuan Bellick-a erawh chuan misual hremna tuar turah a ngai hmiah thung. Chutih rual chuan Warden hian Bellick- a chu a chawlh hnua a mah thlaktu a tan a duh viau a. Captain Bellick- a hi ruihhlo ngai- rawn thachhuak leh a ni a. Dr. Sara Tancredi nen an inhmuh hmasak ber chuan Fox River- ah hna a kawhhmuh a. Zanriah eipui turin a sawm a. Mahse, Sara- i chuan alo hnial fithla thak mai! A nu nen an la cheng dun a. A theih anga zingin a nu a tlawh ve thin. Tin, Stripper Club pawh a tlawh zing hle. Bellick- a hi C.O sual tawpkhawk leh lepchiah zinga pakhat a ni. Abruzzi- a chu PI anga awm a, pawisa leh thamna lalut thin turin a dah a. Abruzzi- a a tlakchhiat hnu chuan Gus Fiorello- a a ruat leh ta a. Bellick- a chuan dawt a sawi a, mi a bum a, thil a ru bawk a. Mahse, manchhuaha ni ngailo.Bellick- a hi Charles Westmoreland- a zawhte khawi- Marylin tia khoh thattu nia ngaih a ni. Season 1 tawpah khan Bellick- a chu Westmorelanda'n a bei a. Phuar hlawmin khurah a thlak a ni. Darkar engemawchen a tang nghe. Chuvang chuan a chhuah hunah engtiang chiahin nge tlanchhuah tumna chu kalpui a nih tih leh, tlanchhuah tum tute laka a kutthak han hnawih vel a chak khawp mai.
Wentworth Miller
Character: Michael Scofield
Date of Birth: June 2nd, 1972
Age: 37
Wentworth Earl Miller III- a, he Film- a Michael Scofield ti a kan hriatlar hi ft 6' 1/2" a sang a ni a. A pa lam atang chuan African, Jamaican, English, and German thlah a ni a. Russian, French, Dutch, Syrian leh Lebanese thlah- a nu lamah a ni thung. A pa Wentworth Earl Miller II- a hi dan hremi, Yale atanga Graduate a ni a. A nu Roxann hi Special Education Teacher niin, Yale atanga pass chhuak ve tho a ni. Wentworth - a hian unaunu pahnih a nei a- Gillian and Leigh te. Zawhte leh Uite, Thlai thenkhatte an ngeihlo hle.
Chipping Norton, Oxfordshire, England, UK- ah a piang a. Kum khat mi a nihin United States- a Brooklyn, New York ah an insawn a.
Brooklyn- ah hian rawn thanglianin, Midwood High School- ah te a kalchhunzawm a. Pennsylvania- ah a pa bulah a zir chhunzawm a. 1990 khan Quaker Valley Senior High School atangin a Graduate a ni. Hemi chhung hian Judo te, track club ah te leh zai lamahte a inhmang nasa hle.
Princeton ah English Literature zir turin a kal leh a. Hetah hian a-capella group, The Princeton Tigertones an tih chu a zawm a. Princeton atanga 1995- a rawn pass chuan, Wentworth Assistant pakhat angin thil siamchhuahna Company pakhatah a thawk a. Borders Bookstore- ah a inhlawh pah bawk.
Naupang ang maia lemchan hi nuam a ti a. Mahse, lehkha a la zir avangin a duh angin lemchan lamah a inhmang theilo. A hnu reilo teah phei chuan a thilchak zawng tak chuan a pawt hneh ta hle mai a. Buffy the Vampire Slayer, 1997- a tihchhuahah hmang chuan lemchan khawvelah a rawn in hnimphum tan ve ta a ni.
Coleman Silk anga "The Human Stain" (2003)- a a channa chu a Film puitling chan hmasakna ber a ni a. Hetah hian Mizo te laka mikhual lo tak- Anthony Hopkins leh Tom Cruise- a nupui hlui Nicole Kidman te pawh an chang nghe nghe. Wentworth Miller atan hian he Film hian nasa takin pawimawhna a nei a. A chhan chu, a naupan laia Princetona a chunga thilthleng ang deuh chiah hnam inhmuhsitna lampang hawi Film a ni.
Mariah Carey Music Video pahnih- It's Like That leh We Belong Together, Brett Ratner- a Direct- ah te a lang ve nghe nghe a. Brett Ratner leh Wentworth te hi Superman/Clark Kent Film "Superman Returns" a aw an tihchhin vellaiin an inhria a ni.
Wentworth- a hi Prison Break Series hian 2005 Golden Globe Nomination for "Best actor in a drama series" a hmuhtir a ni.
Engang nge a Film chan a Character chu?
Michael Scofield
Michael Scofield A-Wing a mi pakhat a ni ve a. Silai nena mi rawk thubuai a neih hma hian Chicago branch of United Savings bank ama sawi dan ang takin "a ni lo zawngin", a khawih chingpen tih mailoh chu pawikhawih thubuai a neilo.
Scofield- a hi Morton East High School ah a kal a. Magna Cum Laude atanga graduate in, B.S., civil engineering and M.S., civil engineering Degree te Loyola University of Chicago atangin a la. An man lai hian structural engineer angin Middleton, Maxwell and Schaum Company, Chicago, Illinois- ah a thawk a.
Lincoln Burrows ( Dominic Purcell )- a unaupa, a nau zawk a ni a. Vice-President's unaupa thattu a puh avanga man a ni. A hriat hmain a pa in a kalsan a. Mi te chuan 'zu heh, thatchhe bawk si' niin an sawi thin. Hemi avang hian Michael- a hian a nu hnam hming a la a. Lincoln- a erawh chuan a pa hnam hming a la thung.
Thin Cancer avangin Michael- a nu hian kum 11 a nih laiin a boral a. Hetia a boral hnu hian Lincoln- a leh a fapa (Lincoln- a fapa) Lincoln Junior (LJ) Burrows (Marshall Allman) te chiah chu an awm ta. Engpawhnise, Veronica Donovan (Robin Tunney) chu a tan a tha hle mai a. A sawi angin Nula Donovan- i hi a dan hremi a ni nghe nghe.
William Fichtner
Character chan: Alexander Mahone
Pianni: November 27th, 1956
Kum: 53
William Edward Fichtner hi 27th November 1956 khan East Meadow, New York ah piangin, Buffalo, New York ah a lo seilian a. 6' 1 a nih chuan, William unau pali zinga a mipa awmchhun a ni. An unau zinga nuapang ber Pam- i chu National Multiple Sclerosis Society ah a thawk a. Western New York Program Director a ni. A unaunu pakhat chu United States Air Force ah Major a ni. A dang pakhat chu high school art teacher a ni.
Fa pahnih, a nupui hlui Betsy Aidem, 1996- a thentak nen pakhat, a dang tuna a neihlai mek, Kymberly Kalil, 25th July 1998- a a neih nen.
William hi Maryvale High School, Cheektowaga, New York atangin kum 1974 khan a Graduate a. Kum 1978 chuan State University of New York, Brockport atangin Bachelor of Arts degree in criminal justice a zo. Da leh hrai kenkawhna lamah a ramtang a. William hian Police Officer ni tura thiamna ngaite pawh a tlin vek a ni.
SUNY atanga a Graduate hnu chuan William chuan American Academy of Dramatic Arts, New York ah a luhchilh a. Kum 1987 khana Role chan hmasak ber- Josh Snyder anga a channa As The World Turns chu a chang. He Film hi naupang pawngsual chungchang vel tarlanna a ni.
Ken Rosenberg- a aw angin a ma aw (Voice) chu Grand Theft Auto: Vice City leh Grand Theft Auto: San Andreas PC Games ah te a thawh a. Film puitling leh hmingchher tak tak Fichtner hian a chang tawh a. Chungte chu- Crash, Armageddon, Black Hawk Down te a ni. Tin, milar Demi Moore, Robert De Niro te George Clooney pawh a lo chanpui tawh bawk.
Prison Break hma lawk hian , William Fichtner hian Sheriff Tom Underlay angin Invasion ah kum 2006 khan a chang a, mahse an cancell leh ta. Prison Break ah hian Agent Alexander Mahone angin Fox River tanin atanga tlanchhuak 8 te man turin a chang a ni.
Tu Character nge a chan?
Alexander Mahone
FBI nen kum 14 chhung an thawh ho na chu mi 8 tlanbo manchhuah na chuan a tawk viau. Mahse, Scofield- a ah erawh chuan a beidawng hle. Alexander Mahone hi Michael- a thuruk, a taksa- a aziah (tattoo) hrethiam hmasa ber a ni a. Dik tak chuan vawihnih lai a mah man theihna a hmu tawh nachungin, Scofield- a hi a tlanchhuak leh thei hlauh thin a ni.
Hei chauh lo pawh hi a tan harsatna lian tak pakhat a awm a. "Oscar Shales" chuan Mahone tan harsatna lian thiam tak tak a thlen a. Amah avangin damdawi chikhat- Midazolam an tih, a Pen chhunga a dahthat chu a ei nasa hle. Midazolam hian mi a tiharh sawng sawng thei a, tin rilru a tihhahdam sawng sawng thei bawk.
Michael Scofield a hian engvangin nge Oscar Shales- a hming hian Mahone- a tan ngaihthatna a siam nasat em em tih a rawn puangchhuak ta. Mahone- a chuan a that a, a huan hnung lamah a phum nghe nghe. Hei hian Mahone chu a nupui Pam leh a fapa kum 5- a upa Cameron te nun chu a venthawn tir hle.
Mahone hian Fox River atanga tlanchhuak mi 8 zinga 4, Abruzzi, Apolskis, Franklin leh Patoshik te a manchhuak a. Chungzingah chuan Franlin chiah thah loh a ni. Michael Scofield- a um hlawhchham hnu chuan Panama, South America- ah a um zui a ni.
(Copyright Reserved By Hmingtea Sailo)
0 Comments