Facebook- a Zynga Games te hi

Engtik hunah pawh loneitu maktaduai tel tak zet chu an lo lamah an fehchhuak a; tin, misual rualte chu mi thah tur zawngin an kalchhuak a; chutihlaiin - poker player-te pawhin pawisa man tumin an shuffle nasa mai bawk. Hengte hi tunlai internet khawvel Facebook-a mi maktaduai telte thil tih thin a ni. Thenkhat chuan Thingpui dawr an lo hawng ve mek bawk a. Dik tak chuan mahni thil chauh buaipui lovin mi dangte nen an intanpui tawn thin a ni.

Zynga hi Mark- a American Bulldog, kum 13- a upa a ni a. A hming hi Logo atan leh a Game hming atan he Company hian a hmang zui ta a ni. Kum 2008 khan a thi.

Facebook-a game lar ber berte chu FarmVille leh Mafia Wars te hi a ni a, he'ng siamtu hi San Francisco-a Zynga company an ni. Zynga dintu (founder) chu Mark Pincus a ni. Pincus hian a company hming hi a English bulldog thi ta hmingchawia a phuah a ni.

Facebook leh MySpace vela khelh tur games te hi an lar em em nachhan chu hei hi a ni — mawlmang tak, mite'n an ngainat tur, mahse awlsam taka kalsan mai theih an nih tho si vang hi a ni, an ti.

Facebook hi mi maktaduai 400 velin an hmang mek a, he social networking site-ah hian i tel ve a nih chuan thian engemaw zatin he'ng game khel tur hian an rawn sawm (invite) ve ngei tawh ang che (ninawm tiin i lo ignore ve fo tawh mai thei a, nia maw le tiin i lo accept tawh mai thei bawk). A engapawh chu ni se, mi tam takin an nin em em laiin, mi maktaduai tam tak erawh chuan heng - FishVille, Vampires, Café World, YoVille leh Zynga Poker te hi nitin, darkar tin an khel tluk tluk a ni.

Media tracking company Developer Analytics-in an chhut danin — FarmVille hi mi maktaduai 75 chuangin thla tin an khel a, Zynga games hrim hrim kheltu hi nitin mi maktaduai 65 chuang an ni bawk. Mark Pincus chuan, "2007 khan internet kan kalpui dan hi a dik lo riauvin ka hria a, internet-ah games hian pahnihna emaw pathumna emaw tal a luah ka lo rin laiin a ni tlat lo," a ti a. Chutiang taka Internet-a hmun pawimawh chang pha tur chuan Pincus hian a Zynga company hmang hian heng game te hi a siamchhuak ta a ni.

Gaming expert Scott Steinberg chuan, "Pincus-a ngaihdan hi a dik chiah, ani zarah hian Pac-man leh Super Mario Bros. te vanglai 'golden era' ah khan kan kir leh ta a ni," a ti.

Petville te, Yoville te leh Games tam tak a awm a. A hnuaia lem te hi han en la, engte nge ni a, i khelh thinte a ni em, lo en ta che?