Khuanu remruat dan hi a va mak ngai em! Tha ti taka a siam theuh theuh mihringte hi kan hmelthatdan a in anglo hlawm ngawt mai. Thenkhat an hmelthata an lar em em laiin thenkhat an hmelchhiat avangin an lar ve thung a. Thenkhatin hmelthat ve chakin an phe ruai a, mahni hmelte hial an thlak bawk a. Thenkhatin hmelthat nuam an lo ti lemlo va, a..hmel chhiat leh that chungchangah hian sawi tur tamtak a awmin a lang. Leilung hi luah anawmna pakhat chu na chhunga cheng mihring theuh theuh hmeltha kan inti tawn thin hi a ni. Hmeichhia chuan mipa hmeltha deuh leh hmaitlang tha deuh hlek an duh chawk a, mipa pawhin hmeichhe hmeltha leh fel, piannalh, taima, mi care(ngaihtuah) thiam, nu hnap mai an duh chawk bawk.
Diktak chuan kan hmangaih em em te hi hmeltha kan tih avanga kan neihte an ni chawk! Hmelthatna hian hringnunah hian thu a sawi nasa em a, hringfate thinlung hi a luahkhat hneh khawp mai! Mi tamtak an hmelchhiat em vang pawh nilovin, hmeltha an intih loh vangin khaweng hmu tha ngamlo tam tak an awm chawk a.Heng mite hian hmelthate chan chan ve chakin an zi an zi thin. Ni e, Pathianina asiam dan a ni miau si a, han tih ngaihna vak pawh a awm chuang lo a ni. Dik tak chuan hmelthate hi an vannei a, an tan khawvela dam ve a nuam hrim hrim a, an vannei khawp mai. Mizote pawh hi kan lo hmeltha khawp mai nia.
Tunlaia thangthar, tleirawl ho phei hi chu an pian a nalh mai bakah an hmeltha bawk a, Mizo nih hi an tinuam veng vengin a hriat. 1988 vel hnu chhova piang, tuna thang duh leh chhelo tak tak, kan tleirawlte leh kan rawltharte han thlir hian Mizote hi kan lo hmelchhelo a nih hi. khawvela taksa pangngai neia piang ve, hmelhemna leh piansualna nei hauhlo rau rau zingah mi zawng zawng hian hmeltha hi hmelchhia ai chuan kan ngaina-in kan duhsak zawk daih ang. Hei hi thilmak vak pawh a ni law, khawvel pianken ve hrim hrim a ni miau a! hmelthate hian khawvela awm ve hi an tinuam a, nun an tihhlim mai bakah an tikahlhkim a ni. Khawvel dengchhuak tham khawpa hmeltha chu Mizote zingah hian la awm chiah mah suh ila, nakin lawkah chuan kan ram a rawn changkangchho ve zel ang a, khawvel mithmuha Mizote min tarlangtu tur hmeltha kan la nei ve ngeiin a rinawm. Tunah rih hi chuan India ram pawh sawiloh, hmarchhak State zingah kan lang chho mek a, a tihzia hle. Tuna ang zela khawvel a kalchhoh chuan Mizote hian Miss India nihna te pawh kan la khum ve mahna!
Tunhnai lawkah phei chuan Super Model, Miss, etc., tih velte thlan kan uar chho ta a. Hei hian hmeltha pawh a tihtam phah ngawt ang. Mizote hian mi chawimawi kan ching a, a tha hle. Kan hmeichhe hmelthate pawh hi tun aia nasa zawk hian chawimawi ching ta ila atha ngawt ang mawle. Hmelthat kan intihhmuh a, hmeltha thlang leh zawngin kan hmanhlel ,a mahse kan hmelthate kan chawimawi danah hma kan sawn deuh chu a ngai a ni.
Engpawhnise, kan phak tawk anga hmeltha kan chawimawidan hi a tha khawp mai. Khawilo kalna hmunah mit han len vel ila, Mizote hi kan hmelchhiatloh zia kan hre thei ang. College Campus hrang hrangate, puipunna hmun hrang hrangah te, Inkhawmna hmunah te, School leh Field-a thil tihkhawmna-ah te hmeltha chu Mizote zingah pawh kan kat ve nuk mai. Hetih rual erawh chuan kan thlirna mit a inan loh avang chauhva kan insual lohna- hmelthate hian an hlutzia an hre kherlo mai thei.
He thu ziaktu tan hian diktak chuan hmelthate hi an hlu a, dam nuam a tihna chhan pakhat pawh a ni. Hmeltha tih hi mihring nih lai chuan a neih theih a. Hei hi mi tamtak chuan Lerh vang ah an ngaifo thin. Hmeltha han hmuh meuh chuan thinlung hi a lawm ve viau thin a sin.Mahse, khawvel pianken ve hrim hrim a nih avangin insawisel a, inrelphar ngawt chi pawh a ni lo. Diktak chuan hmelthat kan duh theuh va, hmeltha kan ngaina theuh va, hmeltha kan ngaisang theuh a ni lawm ni? Engpawhnise, Mizo hmeichhiate u, in hmelchhe lo ve, mahse in mipate hi hnam dangte lakah erawh chuan min dahhniam suh ang che u. Mizo hnam nunphung chawi nung thei tur chu nangni, Mizo hmeichhe hmelṭhate hi in ni.
0 Comments