Felfeli Sailo

 

2022 Kum tir lama kan Selam zin chuan phal taka Zawhte min petu tur ka hmu hlauh a! Zawhte chu 10th January, 2022-ah ka la a. Kan haw ta a ni.

In kan thlen chuan a hming tur ka sa a. Ka sak dawnin ka ngaihtuah nasa hle. A taka ka hmuh hleitheih loh, mumang lamah pawh ka hmuh hleitheih loh aiawhin Mary Lalnunfeli Sailo ka phuah. Bawihtei/ Felfel tiin ka ko thin.

Felfeli Sailo hi Vaikhawtlangah nikum khan ka zin pui a. Motor a rui lo. Kar khat ka champui.

Nikum tawp lam khan a rai emaw kan ti a; mahse, a chhiat niin kan hria. Tunah hian No pakhat, lakhran la rual lo deuh a nei mek (No 3 a hring a, 2 chu a thi).

A fa neih hmasak berin 3 a nei a, 2 an thi. A damchhun hi Tereuhtei Sailo tiin a hming ka phuah.

Ka lakchhan ber chu Dawr min nghahpuitu atan a ni. Ka lakchhan ngeiin hmun danga teihawi lovin nilengin Dawr min nghahpui thin.

Ka ei leh in ang chu a duh deuh vek. A bik takin Arsa leh Sangha hi a ngaina hle. Alu kan te, Antam te, Maian te, Pasawntlung kan te a eiduh. Phuiham tui te, Antam tui te a duh bawk.

A changin ka mutpui thin. Awm tura ka duh anga ka dah hian a awm ve mai zel.