Larry Page-a leh a thawhpui Sergey Brian-a te chuan Google an hmuhchhuah azarah khawvela Internet hmang thinte tan malsawmna nasa tak an rawn thlen a.
Page-a leh a thianpa Brian-a te hian Stanford-ah Computer Science an Graduage a. Mahse, an zirna mai bakah chuan thil thatak mai, khawvelin tun thlenga kan hman lar leh hman nasat 'search engine' hi an buaipui nghal a. Chutih hunlai chu 1995 daih tawh kha a ni, inkawprem awm tak pawh nilo mahse, an pahniha an han awmdun hi chuan an rilru a inmil phian zel bawk si a. An pahnih hian Google bung pawimawhtak an lo nih phah ta a ni.An ngaihdan a inanloh chang atam ve theih em avangin khawinge tha zawk ang tih ngaihtuahin vawi tamtak thutlukna an siam a. An ngaihdan thuhmun erawh chu, 'Information Technology' hmang hian khawvelah hian 'serach engine' chak tak a siam theih ang' tihhi a ni.
'BackRub' tia vuah Search engine siam tur chuan Page-a leh Brian-a te chu 1996 khan an thawkdun ta a. An process hman chu mipuiten an duh chi a lo nih vang leh khawsak leh khawthlir a awlsam phah viau avangin an lar ta hle mai a. Mahse, thil pakhat tlakchham an nei a, chu chu pawisa a ni. Mahse, vanneihthlak takin Sun Company-a mi Andy Beichtolsheim-a chuan inremna leh thawhdunna thuthlung alo ziahpui ta hlauh mai a.Beichtolsheim-a chuan Google la awmlo napui chu Cheque-ah chuan '$100,000 to Google Inc.' ti-in a ziak a, chu chu Google lo awmtan dan chu a ni.
An Company, Google chuan thawktu 200 chuang zet an neih hnu chuan an CEO hna chu Dr. Erick Schimidt-a hnenah an hlen ta a.mahse, hemi hnu pawh hian Page-a leh Brian-a te hi an la tangkai chho viau zel a ni.
Google IPO, 2004 September hnu-ah chuan Page-a leh Brian-a te chu Multi- Billionaire an lo ni ta. Forbes Magazine chuan khawvela mi hausa ber ber zingah 55 na-ah Page-a phei chu an dah nghe nghe. An pahnih hian Ph.D degree lak tum mahse, tun thleng hian la la lovin Stanford Campus-ah research an la bei mek zel a ni. An hnathawhrah hi a ropuiin kan chhawr tangkai tawh khawp mai.
0 Comments