By Ngurthansangi Pa
Lehkhabu hming : Zodinpuii
Ziaktu : Lalchhantluanga
Buatsaihtu : Vanramchhuangi
Chhuah kum : Vawithum chhuahna : 2012
A man : Rs. 150
Phek zat : 283 + 9
Chhutu : Efatha Press, Chaltlang Dawrkawn
A thawnthu kalhmang tlangpui:
A changtuber Joel Remsanga te hi Shillonga awm an ni a. Aizawla a nite fa enkawl turin a niten an chahchhoh a ni. Bus-in Aizawl a pan a. A panna kawngah he Lehkhabu hmawrbawktu a changtunu ber Catherine Zodinpuii (Pine Mount School-a kal; a nu dam lo Damdawi Ina a awm vanga chumi kan tura haw mek) nen thu tlangin; Aizawl an thlen hnuah pawh a buaipui tak zel thuin he Lehkhabu hi a bul a intan a.
Joel-a, Catherine Zodinpuii'n Remsang tia a koh hian Nupui Hual Lucy Zodinpuii a nei mek a. Chutihlai chuan Catherine-i hi a tum loh takin a buaipui a ngai ta a. karkhat dawn tehmeuh a Nupui hual hrechhuak miah lovin Catherine-i a buaipui.
Catherine Zodinpuii chu a pa'n a thihsan tawh a. Hetia Remsanga nen an inhriathnu lawk hian a nu pawh a thi ve ta mai a. Amah enkawl tur chuan Remsanga chu a intiam nghe nghe. Lehkha zir chhunzawm se an tih avangin Catherine-i pawh Shillong lamah Remsanga nen an let leh a.
Shillong-ah chuan Lucy Zodinpuii: A lehkhabu hming putchhan ber nen pawh an inhmu leh reng thei tawh a. Remsanga thinlungah Catherine-i chuan hmun a chang ta meuh lo. Mahse, hetia ka han tih hian an inngaizawng tih dawtin a ziaktu hian a ziak lova, an inngaina tawn em em a ni.
Lucy-i chu Catherine-i'n a hmuh chuan a thik ta a. Mizoram lamah a chhohsan a, ruihtheih thil khawihin a tawpah phei chuan Chanchinbu-ah a hming a lang ta hial nghe nghe.
Lucy-i nen an inkar a nghehchhoh tial tial laiin Lucy-i chu a thi ta thut mai a. 'Thihna awmzia hre lo' nia insawi kha thihna awmzia hre tura siam alo ni ta a, a bu hian a rawn chhawmnung chho ta char char a ni.
Hetia Lucy-i a thih hnu hian Joel Lalremsanga pawh Aizawl lamah a chuangchhuak leh ta a. A changtupa hian Aizawl Nula mithmul nei alawi an awm loh thu a sawi.Chanchinbu hiala a hming a lan takah chuan Catherine-i chu zawnchhuah a duh ta a, a zawngchhuak ta a ni.
A nu leh pa te phalna lain Shillong lamah Catherine Zodinpuii chu a hruaithla a, an chhungkaw zingah a cheng zuita a ni.
Champhai lama a chhungten Catherine Zodinpuii chu Krismass hmanga amah Joel Lalremsanga nena chho turin an chah a. Joel-a erawh a hman remchan loh avangin Catherine-i chiah chu a chho dawn a. A chhohna tur Bus atanga rawn tlanlet lehin he thawnthua Joel-a ziah anga thu kal lai chu a tawp ta a ni. A tlipna erawh chu a hmeichhia: Catherine Zodinpuii ziah anga dah a nithung a, an innei ta a ni.
Selna:
A ngaihnawm reuh phian na a, a bul intan chhohdan vel: nupui hual nei chung si; kar khat lai mai theihnghilh thei a nihna khan ka chhiar a titui lo zo vek zu nia!
Tin, mimal Diary ang deuhva ziah niin a hriat leh thin. Ni (Days) a sawi dawnin Ni a ziaktel ngai lo. Entirnan: Ninga., Nilai etc.
Fakna:
Mipat-hmeichhiatna erawh hman a ni lo.
He Lehkhabuah hian Tlangval nafam chu Insual leh Intihbuai vawithum a awm nghe nghe. Ngaihnawm titaka i chhiartheih nan a thuhma an hawn aia chiang zawkin ka rawn hawnsak che u a ni e.
3 Comments