Ram Hmangaihna Au Aw!

-Ngurthansangi Pa

 

 

Ti leh thin ila, ram leh hnam; khawtlang humhalh kan ti teh fova. Mahse, a humhalh ngaihzia hretute ngei hian humhalh kan tum leh ikhaw si lo! Engtinmaw? A hnuaia mite hi han chhiarthla teh le:

a. Hnamdang kan hnar phal lo:
Hnamdang chuan thil: a man tlawmzawkin an lo zuar a nithei e; hna hniamzawk leh tlawmzawka ngaih an lo thawk hreh lo a ni thei, chungte a vanga a ram neitute inkar a chhiatphah ai chuan hnar ngam zawk hi kan tihtur diktak a ni. To zawka kan In luah an ngam a nih pawhin tlawmzawka luah min diltu ram leilung fa kha kan In kan luahtir tur a ni.

aw. ILP:
ILP nei lo Aizawlah hian an tam ngawtin ka ring. Thenkhat chu an hnathawh tur ang thawk lova hnadang daih thawk a, ram leilung fate min eihek char char an awm ka ring hmiah. Sawrkar hian Dan kengkawh tur a ruat na a, an ni hian an enfiah seng lo a nih ber hi! Heng vaichhia kan tih ho hian Thirchhia an zawng a, chumi avang chuan kan thalaiten thirtha a chhia anga hralhtur an zawng ruai a, an ruk phah thin ka ti a ni.

b. Kawmserh:
Social Networking lar tak Facebook-ah hnamdang thian kan nei teuh teuhva. Kan thlalak an duhthala tawpin an han comment zui a. A chang leh mi an be chiam chiam a. A ningtu chu keimahni tho kan ni. kan kawmserh ngam phawt chuan heng hi kan tawng lovang. Chutih a hnehin thenkhat chuan a ram neitu ngawih ngawihte kan la inthian duh lo vel a!

ch. Tawngkam:
Tunlai thiamna sang tak karah Piracy nasa tak hnuaiah hnamdang tawng ram leilung fate tawnga lehlin niin, tawngkam mawi lo leh chhe tak tak bakah; tawngkam la hman ngai lohte hmangin lemchan tihchhuah a ni ta char char a. Hei hian kan tawngkam hi ka pawngsual mek a, a hlawhtling mawlh mawlh a nih hi! Tunlaiah Rawlthar awmzia hre lo ram leilung fa hi an tam tawh hle awm e!

d. Hmingziah dan:
Nia, he thu hi W nge AW tih ka ziah Article chhiar tawh chuan in hretawh ngei ang. Mizo Tawnga awm miah lo hmanga ram leilung fa te zinga lo inchhiar ve ngam chuan mahni hming hi kan ziak lo tur a ni.

e. SMS:
SMS hi Shortcut kan uar hle mai. Hei hian kan tawngkam hi a chung chiaha kan sawi ang khian a run mek a ni. Kei chuan a theih chin chinah a hawrawp kim ngeiin SMS ka type thin. 'Ka hmangaih che' tih ka type dawnin, 'K hmagaih ce' ka ti ve ngai leu!

f. Hnamdang Culture:
Mizo chu thilthar lawm kan nihzia a langchiang hle. Hnamdangin an uar ang kha kan mamawh leh kan neihzawh vang pawh ni lovin kan buaipui em em a. Hmeichhiaten Kekawrtlawn tight tak tak Biak Inah an ha ngam tawh a. Mipa pawhin pawnfen kan feng lo chauh ta a nih hi. Tawnglamah lah kan chiri nuaih ta mai! Tuai tan tuai nih a zahthlak tawh lo te hian ngaihtuahna a titam hle mai!

I pianna ram lo hi ramdang i nei lo. I pianna hmun lo hi khawi hmunah mah hmun i nei dawn lo. I pianna ram hian a hmangaih che a, a humhalh hi i tihtur a ni. I hmangaih let dawn nge, hnamdangte hnenah i hlan zawk dawn?

'Mizo hnahthlak ka ni e' i tih chuan a chunga Points khi chhiarthla vek la, i zawmtheih loh tur khawpa harsa pakhat mah a awm lo ve. I tihtur chu i hria: I ram hmangaih la, humhalh rawh.