Pathian Biak Ina Inkhawm tura kan kala, kan luh fel hnu, kan thutfel hnua kan chindan tlangpui tha lo leh ngaimawhawm ka tih tuntum chu ka han ziak teh ang:
a. Khup tihchet hlut hlut:
Hriselna a inchen lova, lo tiche reng thin, mahse tunmahin tunhma atang tawha an la hrilhhriat loh vanga ti che lova awm thei reng, mahse tihchet reng tur emaw ti hi kan tam riau mai. Biak In chhungah chauh ni lo, midangte nena insi cheta kan thutho chang hian hei hi kan thutpuite tan ninawm a tling thei tih hriat a thakhawp mai. Kei chuan ka han ning mai mai khawp a, an bulah ka thurei thei thin lo. keimah ang bawka hetiang tihching ning ru in lo awm ve thei a, chuvang chuan intan ka han ziahsak che u nipah teh se.
b. Chet vak vak, hawi kual vak vak:
Kei chu ka hawikual vak ngai lo. Ka hawi pawhin ka hmuhtumte awmna lam ka hawi zuaih a, ka va thlek vak vak ngai lo. A zahthlak ka tihzawng tak a ni. Biak Inah hian thenkhat chu an mawngkhing khatin an thu a, an ke an khupa an hlang a, an ban dinglamin thuthleng hnung an kuah phei a, chuti chuan an hawi kual hruk hruk thin. Mawi lo tak a ni.
c. Thaw-uih:
Inkhawmna- ah hian Hla sak ho hian thawuih bula din leh thut hreawm zia chu a chiang khawp mai. Kan hnunga mi thu a thaw a uih viau chuan hnar hupin Inkhawm chhung a awm tluangzak theih nia! Tun lo haw lo se, Inkhawmna- ah hian ei leh hmawmsawm tih a mawi lo viau nachungin kam tihrimtuina ang chi hi tlemte han hmawm zeuh zeuh ni theise, a tha ngawt ang. Bula mite Care- na nei lek lova ahni awma awm miah miah mai hi zawng a Mizo zia lo em mai! 'Rannung thi uih hmuami/hmuama' an ti ve mai ang che!
Khing khi ka ngaimawhna a rei tawh a, ziah mai a tha- a ka hriat avangin ka rawn ziak leh thuai mai. Chhiartuten in lo hlawkpui ka beisei a, i zawm theih a awm chuan zawmve la, midangte tana mi tangkai i nithei mai dawn zu nia! I zawm duh chuang lo a nih erawh chuan i hnungah midangin kan nuih tet tet dawn che nia.
0 Comments