 |
| A hmelhem dan |
Kum hlui lamah tu tih hriat loh lirtheiin min sutchhiatsak avangin kan thianho damlai lungphun (Waiting shed), Tualcheng penga awm chu repair tumin kan awm reng a. Budget-te pawh kan insiam na a, inhrang chang tawh; nupui fanau enkawla eizawnna hrang hrang nei kan nih hlawm tawh avangin kan puitlin thei lawk lova. Hman deuh khan Granite kan belna lampang chu a chim leh a. A chungchang ngaihtuah turin Emergency Committee chu 07.06.2026; 04 p.m-ah kan nei a. Chuta kan rorelah chuan 15th June, 2026 (Thawhtanni)-a hnatlang koh nise tiin kan rel a. Khuala awmte leh khuaa awm tho, hman ve lo turte chu Budget kan insiam a.
 |
| Repair hnu |
Hnatlan ni tur a lo inherchhuah chuan 09.30 a.m pelhah hnatlanna tur hmun lam panin kan liam ta a. Khuaa awmte zingah kan thianpa pakhat a hnatlang thei lo tih loh chu midang kan hnatlang vek a ni. Chaw kan fun theuhva, Changel hnah chungah chaw kan ei. Kan tui lakna thinah tui a awm mumal loh avangin hla deuh zawk ami tui kan chawi a. A hlimawmin a nuam hle! Mahse, ni a sa a ni! Hemi ni hian Obadia chuan a Car a rawn thawhchhuahpui a ni.
Waiting Shed Budget kan insiam atanga pete:
1. Sangkhaia : 500 + A hming ziahna tur
2. Makhama: 1000
3. Akawnga: 1000
4. Khaisiana: 1000
5. Zorammuana: 500
6. Pahuata: 1000
7. Ele-a: 500
8. C Lalrinfeli: 500
9. Rca: 500 + Motor
10. Chhingdaia: 1000
11. Zamnoa: 1000
Hemi nia kan Expenditure-te:
1. Brick @ 80 No x 17 = 856
2. Balu @ 6 Tinx 70 = 420
3. Cement @ 2 Bag x 620 = 1240
4. Plaster Balu @ 4 Tin x 120= 480
5. Vawksa @ 4 Kg x 400 = 1600
---
Total: 5,100
Tuna pawisa neih lai: 3400
A bulah Thing tiakte phun a ni.
 |
| Chhunchaw kan ei |
Tichuan, kan hna chu 03.50 p.m velah kan zo fel a. A la hma deuh avangin Rcate thlamah kan chawl a. Tawkfang kan chawlh hnu chuan mahni in lama haw turin khawchhung kan pan ta a ni.
Hnatlang tura thawkchhuak te, sum thawhtu te, Motor thawhtu te chungah thianho hmingin lawmthu ka sawi a ni.
 |
| Hnatlangte |
