Facebook- ah ka EX angin tumah ka ziak lo!

Inrinni hi a hmangtu hmandan a zirin a hman nawmin a hman nawm loh theih a. Chutih rualin a hmangtuin a hman chhunga a thiltawn a zirin a hmang nuamin a hmang nuam lo thei bawk.

Kei pawh ka hmang nuam tehchiam lem lo. SMS ka dawn pakhat a dengkhawng viau a. Chu chuan vawiin ni ka hman pawh a tinuam vak lo!

Chumai pawh ni lovin, Facebook- ah tumah ka EX anga ka ziah ka hriat miah loh kha ziak thanin ka lo thang leh nghal! Ka thinrim nileng deuh thaw a ni!

Ka nu nghawng zai thuina chu vawiin khan Civil Hospital- ah phelh a ni a. Ka nitei fanu 'Nute' tia a aia uten an koh, u Biakhmingthangi chu a nawmsam loh avangin Private Clinic- ah Seling atangin inentir turin an Car in an lokal thung.

Vawiin chu khua a lum over lem lova. Current erawh kan nei lo nileng thung. Veng dangah chuan Current awm loh tur thu hi Information Mike atangin an au thin a. Ka awmna vengah erawh chuan tun thlengin an la au lo! Tlailam dar 3: 30 PM vel khan Current chu kan nei ve ta hram!

Vawiin ni hi thenkhat chuan hlim takin an hmang tih ka hria! Thenkhat chu duhberte kiangah an awm ngei ang! Hetih lai hian thenkhat chu rilru thlaphang leh mangangin an in dawmkun ngei ang tih ka ring! Mahse, Pathian hian thil engkim hi hunbi neiin a ruatin a siam vek si a!

Ka thuvawn pakhat chu- 'Thudik chu a tawpah hailan a ni nge nge thin' tih hi a ni a. Facebook- ah tuemaw chu ka EX anga ziak angin puh ka ni. mahse, Pathian hming chhalin ka sawi ngam a, tumah ka la Ex ngai lo tlat mai pek! In relationship- ah chuan hmangaihtu ka neih lai chuan ka awm ve thin ngei mai, mahse tunah chuan ka Single ve tlats!

Mihring ka nihchhung hian vau te hi ka la tawk zel dawn niin a lang a. SMS thlum tak ka thawnchhuahte pawh dengkhang taka chhanlet a ni fo dawn niin alang. Chuvang chuan he ka hringnun ka chhiar lai mek hi chhiarthiam har ka ti khawp mai!

Engpawhnise, ka Blog lo visit thintute he Weekend hlimtaka hmang turin ka duhsakna ka hlan a che u.

Nilaithawhtanni (Dt. 4th October)- a Ka Diary

Tunlai chu Municipal inthlan boruakin Zawlkhawpui a chiah hneh viau laiin, MNF ho chu an Sawrkar laia an hmingchhiat tehlul nen, Mizo mipuite hian kan lo ngaisang ru riau pawh a ni hmiang, rin ai takin thlantlin an hlawh lawi a! INC + ZNP ho chuan Majority an la thung. O Heil, Congress..

Pathian zarah ka hriselna a tha a. Ka hnathawhna lamah hlawh ka la thei lo reng thung a. Vawiin ah June - August hlawh ka la chauh va! September - October ka la la lo thung!

Ka Online lo reng a, chuvang chuan ka khua a har ve thei khawp mai! Mahse, ka Phone kaltlangin SMS hmangin Status ka Update thei thung a. Mi Message ka dawng thei bawk a, a tihzia angreng viau mai!

Tunhma- a ka tel thinna Chanchinbu pakhatah chuan ka hming chu thaibo a ni ta a, mahse ka lawm thi mai! Kha leh chen an chanchinbu- ah min lo tarlang tawh a, inhlawhna te min siamsak thin a, ka theihnghilh ngai lovang! Ka Article tlawm takte min tihchhuah sak thin a, a lawmawm takzet! Kha chanchinbu vanga Mizoram dung leh vanga ka lar tak zia te, min hretu an tam tak ziate hi ka sawi fo lo thei lo!

BCA ka zir lai atang tawhin Article chhu in ka inhlawh thin a. Khang hunlaite kha a ngaihawm ta hle mai! Editor Birthday kan lawm te kha a va ngaihawm tak em! Mahse, hun hi chu a liamzel chu a ni si! Englekhawle, mihring nihchhung chuan mahni ke- a din hi mihring pangngai chuan tum tur a ni.

Hun harsa leh buaina karah te, beidawnna ruamah te pawh Pathianin min kalsan ngai lova, tun dinhmun hi ka thleng thei a, a lawmawm hle mai. Pathian hi a va tha tehlul em!

Tunah tak hian ka nu chu a nghawnga Bawk awm an zai a. An zaina erawh an la phelh lo va. Mahse, ngaihtuah awm a ni lo thung. Tunah tak hian ka awmna- ah hian mi 3 kan awm. Kan unau zinga a te ber Nutei sawitel ila.

Deember 2010 khian Higher Games chu neihtan a ni dawn a, a chakawm ta hle mai! Nikuma HSS Games kan neih kha a ngaihawm khawp mai! Kumin chu a nawm dan tur a dang riau mai! Mahse, a chhan chu ka sawi dawn lo..

Ka Blog te Facebook- ah min lo like sak a, misual.com lamah Sidebarah min dahsak a, min lo chhiarsak thintute zawng zawng hnenah lawmthu ka sawi takzet a ni e. Week- end hman nuam vek phawt u le!

Ka ngaih em em, min ngai ve lotu leh ka sms pawh dawn chak lo hmingin- zanin leh zan danga ka rawn lan loh chang pawha tui taka muturin- muttui, mangtha phawt mai le!