Times Of India ka ten!

Times Of India. 3rd October, 2010 Issue chuan India Team te chu hmeichhe pakhat, NAGA DRESS- a inthuamin a rawn hruailuh thu uar takina ziak a. Mi thahnem takin Mizo emaw an ti nghe nghe a. Mahse, 'Vai' (Pu Illusionaire- a Suggest angin) a ni a. Mizo hnam incheina- a rawn inchei a ni. Chuvang chuan ka ngaihdan a han ni lo mai mai khawp a. Tihian an Website Feedback- ah chuan ka ziak a:

To,

The Editor,

Times Of India,

India.

Subject: Issued of Indian team led by a woman dressed as Naga Dress.

Repsected Dear Editor,

I have the honour to inform you that Times of India, Dated 3rd October, 2010 issued that the India Team were led by a woman who dressed as The Naga Traditional Dress. But, I like to inform you that the dress which she wored was the traditional dress of the Mizos from The Mizoram State. I have the honour to inform you to correct those Issue as soon as possible.

I am very happy to inform the world about the traditional Dress of my Culture, not a Naga Dress!

I also suggest you that, you should published this letter with the Correction of the latter Issue in your Newspaper as soon as possible.

Thanking You,

Dated Aizawl, Jonathan Lianhmingthanga Sailo

The 4th October, 2010

Mizo ka ni a, ka hnam ziarang tilangthei kha NAGA ho incheina a ni ang maw? Teuh lo mai. Ka ziak zet a, ka ziah tel leh tak loh chu: 'If you don't correct the latter issued and not published my Letter, be ready to face the Supreme Court of India', a ni thuai!

Commonwealth Games 2010 tan a ni ta

03rd October 2010, 7: 00 PM khan New Delhi- a Jawaharlal Nehru Stadium- ah Prince Charles chuan a nu Queen Elizabeth aiawhin a hawng a. He hunah hian Smt. Pratibha Devasingh Patil leh Dr. Man Mohan Singh bakah, Sonia Gandhi te pah an awm. Prince Charles hi a nupui Camilla- i'n a tawiawm.

Opening Ceremnony hmanna hmun Jawaharlal Nehru Stadium Entrance

Sonia Gandhi, A pasal la dam se aw!

Commonwealth Games vawi 19- na a ni a. Asia khawmual puia a vawihnih thlenna tur a ni. Sawiselna karah India chuan a hmachhawp chu a hlenchho mek zel tih alang chiang khawp mai.

Jawaharlal Nehru Stadium chhung, mi 60, 000 len theihna chu!

Stadium- a India Team rawn lutte hi Silai kah a Olympic gold medalist, Abhinav Bindra chuan a rawn hruai nghe nghe.

Prince Charles leh a nupui

 He CWG hmang tur hian mi 4,000 chuang chu ram 71 atangin an lokal a ni.

Milem ziahchawp ang ka ti

CWG hawnna leh a chhehvelah chuan mi an nui sang hlawm a ni

A mawi ve khawp mai

First Event : 04.10.10

Swimming at Dr SPM Swimming Complex

I Facebook Account Hack sak i ni em?

I Facebook Account Hack sak i nih chuan hetiang hian a tihnun emaw, recover theih dan a awm. Chungte chu:

a. Facebook- ah khan i Password i theihnghilh a nih chuan Forgot Password emaw kha i thlang ang a. Tichuan, i E- mail emaw, i Mobile Phone emaw hmangin i Reset thei ang.

b. Password i Reset hunah, a theih hram chuan, heng a-z te, 0-9 te, ! to + te hi chawhpawlh ang che. A Crack a har viau a ni.

c. I thiante tupawh hnenah khan i e- mail hmanga Facebook- a lut thin i nih chuan, i e- mail tlangzarh suh. Tuna i E- mail kha thlak nghal bawk ang che. I thlak hnu- ah i Facebook Account thar leh hlui chu i zawmkhawm (Merging) leh dawn nia. Chumi hnuah chuan, i e- mail hlui hmanga i Account siamsa kha i de- Activate dawn nia.

Hemi i tih zawh hnuah hian Help- Centre ah khan kal la, Facebook thununtute hnenah khan kha Profile hlui zawk kha Delete i duh chuan Permananetly- a Delete turin i ngenna i thawn dawn nia. A nih loh pawhin kum tlinglo Account lem angte pawhin duh chuan i report ang a, an Delete thuai mai ang! 

d. I Password Recover theihna tura duhthlan tur awmah khan a theih hram chuan i Privacy thil tak meuh kha hmang ang che. Entirnan, i bialnu/bialpa neihtawh zinga i hmangaih ber? (hehe!)

a leh b hman ai khi chuan c khi hmang la, keichuan ka duhsak a che.

e. Social Networking Site heng- Orkut te, Facebook te angah hian, kan thiante tupawh lo nise, kan e- mail te, kan Mobile no te hi pek leh tihlanloh a him ber a. Thenkhat chuan Facebook- ah hian mahni mobile no te kan dah a, kan thianten hmuin min rawn bepawp ta se, mak kan ti leh lawi si a! Chuvang chuan mahni zalenna leh kan sahimna ngaihtuah ran chunga kan Profile kan siam a fuh ber.

f. Hmeichhe tamtak chuan thlalak dah kan uar a. Kan in- post vak vak a. Sexy deuh lai alo awm lo thei lova (a chang chuan!). Khangte kha lo leak- out thei, tih leak- out duh awm theih a ni. Mahse, Pathian hian ka thinlung hi a veng a niang e, ka ngaihtuahna- ah hian hetiang lam hi alang ngai lo. Ka hmuh chu tlang takin ka Message mai zel thin.

g. Mizo zingah hian Account Hacking lampang hi ala lar em em lova. Mahse, tuten emaw i Account an Hack sak ang che tih ka hlauh avangin leh, tunhnai lawkah pawh- ka thiannu pakhat Cindy Tlau Account chu Hack sak a nih avangin, hethu hi ka han ziak a ni. Tunah chuan Account thar a siam tawh a. Thlamuang taka a Facebook chhunzawm zel ka duhsak e.

Ka sawi bak khi zawhbelh duh i neih chuan ka e- mail ah min lo Contact mai turin ka ngen a che. Hethu chiartute zawng zawngin tunah khan in Password kha inthlak ka ngen a. Inthlak chuan a common lo thei ang ber khita b a ka ziah ang khi hmang ula, in Profile- a in Contact Information indah ang chi ho kha Privacy Settings ah lutin ti danglam nghal rawh u. Kei ngei pawh ka e- mail te, ka Mobile Phone No te inhmuh theih miah loh hi! (Lol!!)

Thlalakte pawh kha midang hmuh atan i it vak loh te pawh a awm thei, khangte pawh kha a tihdan a awm vek kha. Facebook hi hman a nuam a, a awlsam a, venhimna pawh a tha tawk tih hriattur a ni e.

Facebook hman chungchanga Nettiquete

a. Facebook hi Mizo hian kan hmang uar tawlh tawlh a. Mahse, kan la hmang thiam lo viau va. Harsatna tawk kan awm ta neuh neuh bawk. Engpawhnise, kan thlalak leh thil neih angte, kan mualpho theihna tur ang chi kha dahlan loh a him ber. Hmeichhe tan pawh taksa ruangam lantam theihna thalak kan dah tuarh chuan a mawiber lo thei a. Tin, kan intizahawm lo thei bawk tih hriattur a ni.

b. Facebook- a ka ngaimawh em em mai chu: 'In relationship with' tih awm thin hi a ni. Thin a khei zak thin. Duh leh Engaged te emaw, nupui pasal nei tak tak tawh tan chuan Married to dah pawh a pawi hauh lo. Mahse, mahni nihna lanchhuah pui ngam lova, mi kawp ten tun pawh awm theih a ni bawk. Dik ka tum bawk a, kei chu ka Single zan mai!

c. Thenkhat chuan thian a tana sawmna kan dawng a. An Profile te en hmasa lemlovin an Accept a. A hnu fe- ah an hriat lemlohvin an Remove a, an Block bawk thin. Kei chu min sawmtu an awm chuan ka Accept a, an Profile ka en a, ka duhloh chu ka Reject mai thin. Nakin hnu deuhva Remove leh tur ai chuan an nihna leh an thlalakte zirchian a, tunhun veka Remove nghal kha a fuh a, mi rilru kan tina tlem thei fe ang!

d. Thenkhat hi kan Online a, mi kan bia a. Kan duhtawka kan biak hnuah chhuak tura insawi si lo kha kan chhuak daih a, kan Offline leh daih thin. Hei hi a tha lo. Mi hun kan khawhral sak thlawn mai mai thin a ni.

e. Kan Online ve vung vung si a nih chuan Online ve dangin min biak chuan biak let (chhan) ve thin a mawi.

f. Mawi lo lutuk taka mi chungchang, thlalak leh Status Comment sak hi awlsam deuh a ni. Chuvang chuan, miin i chunga an tihtura i duh loh an chungah ti ve bik suh ang che.

Inrinni Treat... Hmelthra

Cindy Tlau

Zirlaite tana hlawhtlin ngei ngeina thuruk Sawm (10) te

a. I zirlaiin ngaihzawng nei suh (Zirlai i nih laiin):

Nei suh, a fuh ber! I zirlai aia i ngaihpawimawh ngat phei chuan i Fail chiang viau dawn a ni tih ka hrilh sa mai ang che. I fail kher lo pawhin, a Mark hmu hniam pawl, a mawngphahah i thu ang. I zirlaiah khan i rilru pe la, i hlawhtlin hunah, hna i hmuh a, i bialnu/bialpa i chawmtheih hunah chauh ngaihzawng i nei dawn nia.

b. Lengchhuakin, Vakchhuak nasa lutuk suh:

Ka nitin thil hmuh leh hriatte hian min tibuai thin a. Nang pawh i nih ve thin ka ring. Chuvang chuan a theih hram chuan, i zrlai la pengthei thil lakah i inhnim phum lohna turin, Inah awm tam rawh. Chu chuan thian neih kawngah a tibahlah deuh mai thei che a. Mahse, i hlawhtlin hunah thiantha chu ila nei mai ang.

c. Ruihtheihthil ti suh:

Kei chuan engkim hi ka ti thei a, Kuhva ka thial thei a. Sahdah te, Khaini te, Tuibur te ka hmuam thei a. Zial ka zu thei a, Zu ka inthei bawk a. Mahse, ka ti lo mai a ni. CHutiang chu i nih ve loh emaw, i ni a nih pawhin, Ruihtheih thil hi ti lo la a him. Temchhin loh hi a tha ber mai! I zirlaia i hlawhtlin hunah i duh leh Zialte chu i zuin, Kuhva te chu ila thial suah suah dawn nia.

d. Ngaihsam suh:

Vawiina tihtur naktuka tihah khek ngai reng reng suh ang che. I hmalamah engnge i tawn dawn i hrelawk si lo! Chuvang chuan, hun lo la awmtur atana i zirna kha beingawrh la, ngaihsam suh. 'Thiamtawha i inngaih hnu te kha' ennawn fo la, thiambel ta lua- ah inngai ngai suh ang che.

e. In zirtirtute zah la, ngaina rawh:

Mahni zirtirtute zah loh leh ngainat bawk loh chu hlawhtlin a har viau ang! Nitin School i kal a, in Zirtirtute i ngainat loh chuan in thilzir kha i thiamthei ngai lovang. Tin, i ngaihnep chuan chuti bawk! I zirlai tha taka i zir a, nangmah theihtawp chhuaha zirtirtu che thu kha i awih a, i pawm a, i zawm a, amah i zah bawk chuan i nun kha a hlim veng veng ang a, i thiam awl viau ang tih ka sawi ngam!

f. Tv/ Computer hma- ah thu tam suh:

I ngaihtuahna la peng thei heng Tv/ Computer hma- ah te hian thut loh hram tum ang che. A khaihhnawih thil a vanga thut tul chang a awma i thut tihloh chu thu ngai lo la, i tan rilru sawrbing a awlsam phah viau ang! Tin, i mitin a hahdam phah bawk ang.

g. Entawn duhna rilru tenawm nei suh:

I thiamchin kha thiamnal viau phawt mai la. Mitih entawna Passed nih zawng a ngaihnepthlak em mai! I rinawmna kha kha thil ho te avanga i hralh ai chuan, rinawm tak leh diktaka mahni thiamchin chhan a, Failed kha a huaisen thlak a, hlawhtlin pawh a awl daih zawk. Mi thiamna ringa Passed ai chuan mahni thiamna hmanga Passed ngei kha mitinin kan ngaihsan a ni.

h. Dik lo chu diklo, dik chu dikah pawm rawh:

Mi-in an ti, tih avang ngawtin eng thuah mah i thutlukna siam ngai suh la, a dikna nangman i fiah hma chuan i rilru kha sawhsawn suh ang che. Chuti lo chu i rilru a nghet lo tial tial ang a, nakinah chuan miin an thuhnuaiah an dah thuai ang che. Zirlai nih lai chuan thiante chhandan ang zulzuia chhan aiin mahni ngaihdana chhan kha hlawhtlin a awl zawk.

i. Mobile Phone lawm suh:

Mobile phone hian tunlai Mizoram Zirna nunphung hi a khawih danglam nasa in, a her bawih bawih a, tunah chuan kan zirna School Compound chhungah phal loh chung pawhin naupangten an rawn keng ta fo mai! Nang chuan i zirlai nihlai khan Mobile Phone nei lo la, i zirna lamah i tluanzawk ka ring tlat nia! Mobile phone chuan i zirna a khawihbuai ngei ngei dawn tih hi hrechiang tawp mai rawh. Dinhmun a zira neih ngei ngai Zirlai awm theih a ni. Chung mite pawh chuan a hun leh hmun hriat a, zirna tibahlah thei zawnga hmanloh ngei ngei tur a ni.

j. A tawpnan, Zirlai nih lai chuan Pathian hriatreng tur a ni. Nu leh pa te leh aia U te zahthiam bawk tur a ni. Zawmtura duan leh siam Dan zahthiam tur a ni a. A hun leh hmun hriattur a ni bawk. Tumruhna neih tur a ni a. Englai pawhin Beiseina Eng neih reng tur a ni. Hlawhchhamna te lo thleng thin mahse, hlawhtlinna kawng a inhawng reng tih hriatreng thin tur a ni.

Sawitur chu a tam. Mahse, hun dangah ka la sawi belh zawk dawn nia. Ka hun tawntawh tamtak behchhana he thu hi ziak ka ni a. Hlawhchham chang ka nei a, hlawhtlin chang ka nei bawk. Mahse, Survival of the Fittess (A ruhno no chhuakah!) tihna ramah hian, Diamond (Lunghlu) anga i chan/sak (hard) loh chuan i hlawhtling (Success) thei ngai lovang.

1st October, 2010 Zirtawpni (What I am going to Say?)

Vawiin chu ka thawhna School- ah Central YMA Kumpuan Sub- Committee te chuan Zonunmawi chungchang naupangte hnenah an rawn sawi a. Hetah hian Pu K. Rokhawla, Vety Doctor leh a sangawizawnpui 2 an lokal a. He hun ah hian Cl- XI leh Cl- XII te hnenah Central YMA lam atanga lokalte aiawhin Pu K. Rokhawla hian thu a sawi.

Students at School Courtyard while Principal giving Introduction

Vawiin ah vek hian Cl- XI Half- Yearly Examination 2010 Result puan a ni a. Cl- XII Screening Exam Result pawh puan nghal a ni. Ka thawhna Stream- Computer Software Applications erawh chu, vawikhat School hminga an Exam- na  anih dawn avangin 100% in Regular in an Exam dawn a. Stream dangah erawh chuan Regular leh Private tur an awm thung.

Students waiting Declaration of their Result

Thawhtanni lo awm tur- kar lehah khian Ramthar Veng Synod Social Front chuan hun an rawn hmang leh dawn bawk.

Nakum lamah khian kan School Golden Jubillee chu lawm tum a ni a. Tunah hian inpuahchahna a kalchho mek a. Souvenir te siamin, Fund- Rising lama hmalak te tum a ni bawk. Jubillee Monument pawh siam a ni ang.

He School atang hian mi thahnem tak an lo zirchhuak tawh a. I zirtawhna leh ilo kal ve tawhna te a ni emaw, i thawh tawhna te a lo nih hlauh chuan, khawngaih taka i zir/thawh kum leh hunchhung, Activities leh Bio- data, Article or Thlalak te min han thawn turin ka ngen a che. Tin, Facebook- ah GRHSS tih hmingin GROUP siam a ni a. I duh chuan tah khan ilo Join thei bawk e.

Chu chu vawiin- a ka Diary + Thubelh nimai teh se..

Ka Uite bo chu lam ang a lo let leh ta!

Pathian khawngaihna leh Malsawmna ka dawng a, ka tawngtaina chhanin a awm ta! Ka Uite chu a lo haw ta!

A lo haw hma 5 Minutes liamta ah khan....

Beidawngin kawngka pawh ka kalh hmak a.

A hnu 5 Minutes velah chuan.....

Pawnlamah chuan 'Ui ngik ri' niawm tak ka hria a. Ka tho vat a. Kawngka chu ka va hawng a.

Instinct-a ngei mai chu berh tawkin a rawn lut ta! Lalpa, ka va lawm em!

A tui a hal lutuk a. Tui a in nghal bawrh bawr a (a liahin a liak a)! A chaw ka siamsa te chu ka han eitir nghal bawk a.

Ka lawm lutuk chu ka mittui a tla hial a ni! A hmul balte chu ka hrukfai sak a. Ka pawm a.

A hnuah chuan a chhuk a, chhuata bawh a duh zawk a, tunah hian Dawhkan hnuaiah a bawk hle hle mai.

Lalpa, ka lawm e.

Min mangan puitute, min lo tawngtaisaktute zawng zawng hnenah lawmthu ka sawi mawlh mawlh e.

11:54 PM 9/30/2010