Internet Explorer 9 Platform Preview 4.0 tlangzarh

Microsoft chuan Internet Explorer 9 Platform Preview 4.0 an tlangzarh leh ta! He version thar hian IE9 User Agent String te, CSS3 lampang kaihhnawih tamtak te, HTML5 te leh, DOM support te a kengtel. The Platform Preview hi Internet Explorer 9 platform hringchhuaktu tur a ni a. A chhan chu, a nihphung tamtak a la famkim tawk lova, thenkhat chu tihdanglam a la ni leh bawk ang. Nihphung engemawzat chu belh a ni leh bawk ngei ang. A hnuaiah hian a nihphung kimchang ka han tarlang e.

CSS3

Selectors (entire module and ::selection)

Namespaces (all except attribute selectors)

Backgrounds & Borders (border-radius)

Color (rgba(), opacity)

DOM Core Namespaces

DOM Range

DOM L2 Events

Event registration and dispatch APIs (addEventListener, removeEventListener, createEvent, dispatchEvent)

Event capture, bubble and target phases

New event objects (Event, UIEvent, MouseEvent, etc.)

DOM L3 Events

CustomEvent, KeyboardEvent, DragEvent interfaces

HTML5 Selection

XHTML Documents

SVG

Ka tawnmang

Nizan ka tawnmang chu a va mak ve tehlul em! Nidang leh zandangah pawh ka tawn ngai lohthil a nih bakah, a tak phei chuan khatiang khawp a nuam ang kha ka la tawng ngailo! Ka tawn pawh ka ring tawh nek lo, kei ve tehlul hian!

Mami Varte hlasak, 'Nizan ka tawnmang chu e, Duhten tangah beiin, hmangaih biahthu minlo hlan a. Mahse, zingtian khua varin, thamral leh si..', tih ang deuh kha a ni awm e tuna ka rawn ziah tur hi!

Nia, ka tawnmang chu a pui khawp mai! A chiri nuaih mai bawk a. A chang leh Mizoram Governor Pu M.M. Lakhera te ka hmu thul. US Defence Secretary hnenah te min lo inhmelhriat tir vel bawk a! Khawi khawiah emaw Hotel nuam deuhvahte hian Excursion anga zinin kan lo thleng bawk a! Chutiang karah chuan ka nuamtih em em, ka theihnghilh theihloh tur thil hi a lo inzep tel ve mauh mai!

A pa damlai khan a fanu hmeltha ka tih em avangin zah pawh dawn lovin a thlalak en ka dil a. Mahse, a mah a awmloh lai a nih avangin ka en ta lova. Ka kal leh chuan ama phalna ngeiin ka ensak a, a phalna ngeiin pakhat ka laksak nghe nghe.

Chumi kum chu 9/11 vel hunlai kha a ni a. Zah pawh sawi theilovin, ka vawikhat hmuh na- a hmeltha ka tih em avanga ka vei zui tak reng, biahthu Di pawh thingtlang lama kan uar Lehkhathawn hmangin ka hlan ve ngat tawh hi an inah zankhat chu ka zu leng ve rawih mai a! Chumi tum chuan a lo awm nghe nghe a. Hmun te a phiat sarh sarh a, a nui sen sen a, a hmel a tha thlawt a ni! Thingpuite min lumsak a, chutih lai chuan amah pawh a la tleirawl hle.

Aizawl atanga ka hawchhoh chang hian X-Mass dawn a nih thin avangin an Inah ka kal deuh ziah thin a. Vawikhat pawh an chhunga hmundanga an lo zin avangin X-Mass Card ka hawn te chu an kawngkharah ka dah ringawt nghe nghe. E, taka, a chhiartur hian vawi engemawzat Tinkle Digest te ka thawn tawh nghe nghe.

An In Phone No kha 9/11 vel atang khan ka la theihnghilh ngai lo. 03831- 2..... a ni. (Ka tarlan loh hian an mimal zalenna ka tichhe lo zawk ang!). A chang chuan ka han Phone ve thin a. Kan inbe tam em em hran lo. I tawn tawh a nih chuan i beisei i hmuh leh dawnloh na kha biak chakawm viau mahse, i be chak lutuk lo thei. Tin, an lo be chak lo viau thei bawk che.

Zirna lamah hian a pa boral avang khan a hnufum phah deuhva. Reitak chhung chu a nu nen Thingpui Dawr an siam a, an dawr chu Bethel Kawnah khian a awm nghe nghe. Chutah chuan ka kal chang hian ka chawl ve fo thin a. Kan inhmuh chhunah pawh ka chezia leh tawngkain sawi mah ila, engmah lawmna tur ka nei hran ngai lemlo. A nu pawhin a fanu ka duhzia a hrechiang khawp ang! A u chuan a hria!

A u hian pasal a nei daih tawh a. Fa pawh pakhat an nei tawh nghe nghe. Vengsang lamah a pasal te nen chuan an awm thin.

Hun engemawchen ka hmuh loh hnuah kan han inhmu hi chu tah te hi a chhuak zawk thin nia! 'Z, ka ngai lutuk che asin', han tih a, va kuah ngawih ngawih mai te hi ka duh thin. Mahse, a rem mawlh si lo!

Nula leh Tlangval dang- inhmangaih let ve ve ni ila chuan tuna a ziaktu tan hian heng thu hi ziah a ngai lemlo vang! Khuavel hian par a chhuang dawn si a! Kan inhmuh chang pawhin, nawmchenna thianghlim hmangin nuam kan chen thei dawn si a! Mumang lamah chauh chupawh tunah rih chuan ka la dawng thei tawk si a ni!

9/11 vela a thlalak ka neih kha Bike bula a ding (?) lai thla a ni a. Tunah hian ka nei tawh lo. A hmel leh pianhmangte chu ka mitthla- ah kum engemawzat hmu tawhlo mah ila, nizana ka mumang ah khan fiah takin ka hmu a, tun thleng hian a la fiah zel a nih hi!

Nia, ka sawikual duah tawh lo ang a, kan thupui ah i lut dawn teh ang:

Ka tawnmangah chuan a nu hian Bluetooth Ear Phone hmang hian chu ka sawi tleitiri, (phai lama Nurse zir, rawn zo tep tawh, a awmna Hostel te an khirh em avanga amah (a nu) chauhvin a phone theih, chupawh zan lamah chiah phone theih) chu a be mawlh mawlh a. A sawi pakhat ka hriatchian em em chu, 'Khawiah nge i awm tak ang?' tih hi a ni. Ka hmuh leh hriat laia ka ngaihdan chuan awmna tur hranpa an ngaihtuah mek niawm tak a ni.

Kei ta pek chuan, 'Ka nu, ka lo be ve?' ka va ti. A ni chu a lo teu hlar mai a! A lo phal awkawng lo mai! A fanu hming hi ka hriat chu Z.. a ni a, mahse a nu hi chuan ka tawnmangah chuan, 'Chutiang hming nei fanu ka nei lo', a lo ti mauh mai bawk si! Huiha! Mumangah pawh ka buai lutuk!!

Ka mumangah vek chuan ka mangang, ka ngaih em em biak chak bawk si chu ka lo tap ta a. Ka tapchhuak a, ka inhnit hlawp hlawp a! Mahse, a hnu deuhva la man zui zel ka inbeisei avangin ka muzui leh a. Ka mang chhunzawm reng bawk a!

Ka mumang chuan a thiante nen kan inhmu a. An ni pawh chuan, an inhmuh ngai hlawmloh avangin a awmna chin an hriatloh thu te, a hming a thlak tawh nia an hriat thute min hrilh a. An sawi dan hmang chuan, 'Lily Hnahlan' ti in a hming a thlak niawm tak a ni!

Ka tawnmangah chuan engtik lai nge tih ka hre thei ta lo. Engtinnge kan intawn pawh ka hrechhuak zo tawh lo. Ka sawi tleitiri ngei mai chu ka hmu thut mai a! Kan lo inhmangaihin kan inngai em em a. Kan inkuah a. Ka chuks ta a.

A ni pawh chuan min kuah a, min chuks let ve a. A nuam khawp mai.

Ka hmangaih em em, ka ngaih em em, ka duh em em, ka lo tah ve nachhan nifo tawh he tleitiri nen hian nizan ka tawnmangah chuan kan lo inchuks vel a nih chu!

A satliah mai pawh a ni lova. Ka type mek lai pawh hian a Rau chuan min la manin ka hria! Ka duhtawh lutuk te khan a thawte pawh a chham ang tih ka hlau hnuhnawh! (he he).

Mahse maw, chutia hlim taka kan inchuks a, kan hmui hmanga hmangaihna par kan tlan dun lai chuan Chanchinbu sem naupang pakhat hian kan kawngkhar a lo kik vak vak a. Ka harh ta ringawt a. Ka thova, Chanchinbu sem naupang chu ka melh rang nasa hle. Thla 4 (Aug-Nov) vel zet min rawn tihbuai tawhloh nan November thla thleng Chanchinbu man ka pe nghal nghe nghe! (Het sala!!)

(Ka mi sawi khi vawikhat mah a chungchang ka la ziak ngai lova. Dam tea ka awm a, Lehkhabu ka ziah theih hun a awm chuan a Changtunu hming atan ka la hmang ngei ang! Tunah hian phai lamah Nursing College- ah a kal niawm tak a ni. Champhai Bethel vengah khian an awm a. A pa hian a boral san tawh a, a nu hovin, a naute- mipa pakhat leh hmeichhe pakhat nen an la khawsa ho. A u hmeichhia hian pasal a nei tawh. A nu pawh hmeltha tak a ni.)

9:00 Chawhma 01-Aug-10

Exam ka zo ta!

Dt. 2nd Aug, 2010 (Thawh\ani) khan MCA 2nd leh 3rd Semester Exam, Sikkim Manipal University hnuaia ka neih chu tluang takin ka zo fel ta.

Pathian zarah ka Passed ngei pawh ka ring a. Tin, ka Exam chhung hian mahni- a Inluah ka nih avangin harsa eng eng emaw thil tenau- tui tlakchham ang chi te ka nei a. Mahse, Pathian zarah tunah chuan tui pawh vawi za inbual nawnna tur khawpa tam ka Pipe haw ta.

Tin, \hianthar te ka chhar a, ka lawm hle. Chhungkaw chharthar pakhat ka nei bawk. Chumi te chu Aizawl North College Office chhak chiaha Compound chhunga Assam Type, a bang Tile (?) nei tute khi an ni. An bathlarah lehkha ka zir \hin a. Min ning hmel min hmuh ngai lova. |ha takin min dawngsawng a. Ka lawm tak meuh a ni.

Chung chu Exam ka zawh manah ka han thailang ve zuaih a ni e.

Nilaini - Dt. 4th August, 2010

Vawiin hi Nilaini a ni a. Khaw awmdan a chiangkuan loh avangin ka hnar Sinus chu arawn chhuak leh a, a hreawm reuh khawp mai.

Vawiin chu khua a lum a, a uap bawk. Lu ti na chiin a lum a ni. Hetih lai hian ka thawhna School- ah chuan Thisen pek runpui neih a ni a. Kei erawh chu Kg 40 chauh ka nih avangin ka pe thei ta lo! mahse, Cameraman- ah ka \ang a, ka Sinus chung chungin ka phi buai khawp mai!

Tukin zing khan kan khua- a u K. Hmangaihzama nupui chu Typhoid avangin Zokhawtharah a boral. Ka Sinus avangin ka haw hma. Chuan, Arsa ka lei a, Mautuai nen. Vawiin tlai chu ei leh ngheng mai teh ang!

Naktuk khi i hriat angin Nilaithawhtanni a ni. Thenkhat chuan Ningani an ti bawk. Tunlai chu Hlawh ka la mumal thei lova, a hreawm khawp mai.

Traffic Jam

Vawiin tlailam dar 2: 30 vel khan Aizawl Ramhlun Venglai, PWD peng atanga Step- a chhuka, a kawngpui zu pawh hmasa ber kawngpuiah chuan a hnuaia chiang vak lova ka rawn tarlan Motor hian 10 Minutes lai kan haw tur chu ruahsur laiin min dangbet a. Balu a phurh a Unload a ni.

A unload na hi kawr bul deuh lawk a ni a. In sa mek te an ni nghe nghe. (An hming chu ka hria a, ka tarlang lo zawk mai teh ang.) An motor hman hi Number pawh la neilo a ni lehnghal! Traffic lamah han Report in, han man se chuan an chak lo ngawt ang mawle.

A in neitupa ber lah khan Polite kha a han tum lemlo khawp a. Motor kha a lo Signal lauh lauh mai a! E, a tihdan chu(h), ka va han ziak dawn che em, ka ti ta hial a, tihian ka han thai ta a ni e.

Khami 10 minutes min dan avang khan ka hmalam a ka hun hma tur tamtak ka hloh phah a, tin, a laka lungawi lohna neilo tur leh ngei lo tur kha chutiang letling daih chuan min siam ta hlauh!

Tin, mak ve deuh mai pakhat chu, a hmatawng berah kan ding a. Kan hnungchiahah hian Motor dang (Taxi niin ka hria!) a ding a. Horn thing zet mai kha zu hmet ri reng nia mawle! A mawl dan kha Satel kawr ai pawhin a chhah ka ring daih zawk! Mawlhmuara tiin a hming ka vuah hmiah! A motor horn rik dan chu 'Tret'.....'Tret'......'Tret'.... tih a ni nghe nghe. A zaklo a niang e. a hama mi te pawh kan hmanhmawh tehlul nen, kan hmetri chhen lova, kan hnunga mi zawk khan Pathian lokal hman a hlau a niang- chuti chuan Awmze neilo bengchheng zu siam a!

Ka ngaihtuahna luangliamin vawiina ka thil tawnte ka han phawrh ve a ni e. Ka thusawiah hian ka chiang a, ka dik tih pawh ka sawi ngawm e. Ka lawm e.

Open Letter to Chief Minister Pu Lalthanhawla

Ka pu,

Open Letter hmanga i hnena lehkha ka han thehluh hi khawngaih taka min lo bengkhawn sak a, hma min laksak turin ka ngen takmeuh a che.

Contract based Lecturer, SCERT hnuaia Vocational Stream zirtirtu tura tunkum April atanga Appointment pek thar tak, an thawh hunchhung tur pawh (An appoinment Letter- ah chuan an thawh hunchhung tur hi 'untill the govt make final decision' tih a ni ta in ka hria!) sawichian loh, thlakhata Rs. 12500 hlawh tura lakte khan vawiin ni thleng hian an hlawh an la lalova. Hei hian nasa takin harsatna zirtirtute a thlen a ni.

April- July thla hlawh hi chhete mah an la la lova. Hei avang hian School lam sum leh pai khawihchet a ngaihphah fo thin. Beiseina sang tak nen an nghak rei ta hle mai!

Tunah hian thla a thar chauh a ni bawk a, thlali hlawh an la lakloh hi pek nithei sela chuan anmahni leh anmahni puibawm tura an michhawrte tan malsawmna nasa tak a ni ngei ang le!

Hlawh nei tura rawih nisi, hlawh pek leh mumal theihloh chu a ruaitu mawh a ni dawn lawm ni?

He ka harsatna han ziahlan hi min ngaihpawimawh sak a, min lo bawhzuisak nghal ka beisei. A hlawhthlinna an chang reng si a!

Rinawmin,

Jonathan Lianhmingthanga Sailo,

Section - I, Lily Veng, Chaltlang, Aizawl

Ka nau chiah Sangtea

Ka nau chiah Sangtea Sailo (ka chhang chiah mipa Denis Vanlalhmingsanga Sailo) thlalak ka lo share ve a che u

Vawiin ni hi

Vawiin chu zing lamah a that tehchiam loh nen, chhunlamah a lum hle mai! Chutih rual erawh chuan ni a sa lemlo thung a. Khua chuan han that chian a tumin a lang hran lo!

Thawhlehni hi a mak ngawt nia, karin hian a tharin awm thin mahse, a hma- a mi a ang ngai lova, a hnua lo la awm tur nen pawh a inang dawn chuang lo. Hemi ni hi mi tamtak tan chuan hlima lawmna ni a ni ngei ang. Chutih rual chuan mi tamtak tan tahna ni a ni bawk awm e. Mi tamtak chuan lei hringnun kalsana chatuan hmun lam pana anmahni ngai tute an chhuahsanna ni a ni ang. Tin, thenkhat tana khawvel eng hmuh tanna ni a ni bawk ngei ang le.

Nia, vawiin ni, Thawhlehni ti a Mizo ten kan koh, Vai hovin Mangalwar an tih, English hovin Tuesday an tih hi Isua ringtute chhiar dan chuan chawlhkar khata a ni hnihna a ni a. Isua ringtu rau rau zingah Seventh Day / Sabbath ho tan erawh a ni thumna a ni thung. Hemi zan lampang hi Mizoram Presbeterian Kohhran Hmeichhe ho chuan inkhawm hun a tan an hmang thin bawk.

He ni hi mi tamtak tan chuan ni chhinchhiahtlak a ni thei ang. A chhan chu, nakinah Thawhlehni dang lo inherchhuak mahse, a hma-a Thawhlehni a lo nih tawh dawn avangin a hnulama lo awm tharte lakah chuan hluiin lang mahse, khami ni chhinchhiah tlak a nihna kha a hrereng dawn a ni.

Thenkhat chuan he mi ni hian nupui pasal an neiin, thenkhat an intitlan a ni thei e. Thenkhat erawh an inngaihzawnna kawngzawh mek an titawp a ni thei, Thenkhat an zawhtan mek laiin!

Kar khata ni sarih (7) awmah hian pawimawh bik a awm lemlo va. Mahse, a hmangtu leh a hmandan a zir khan a pawimawh thei thung riau si a ni. Thenkhat chuan khawvel hriata a tha zawnga an hming an phochhuahna ni a nih laiin, a then tan chuan a chhe zawnga an hming an tarlanna ni a ni ve thei thung. Chuvang chuan he mi ni leh ni dang zelahte pawh i nun i fimkhur a ngai a ni.

I nun i fimkhur chuan Vawiin ni (Thawhlehni) ang hi hun dangah pawh lo thleng leh se, i tan hman a nuam sarh mai ang. Entirnan, ni thenkhat- Thawhtanni angah Ruk lo ru ta la, man che se, mi hriatah phochhuakin timualpho ta che se la. Chu Thawhtanni chu i damchhungin i hrereng tawh ang. Thawhtanni alo thlen apiangin i rhiltih khan a vawlet ziah bawk ang che. Rhiltha tiin, Inkangah mi chhanchhuak ta ni thung la. Midang lakah i hming puanzar ni lemlo mahse, mi nunna i chhanhim avang khan Thawhtanni lo thlen chang apiangin i hlim deuh ziah ang.

I hun leh nun i vawn uluk chuan, i tana thalo chu u kalsan theih na chance a awm zel. I kalpelh chuan a siamtha tura damchhunga beih a ngai tawh thin. Chuvang chuan vawiin khan engnge i tih a, engnge i thawh? Midangte tan i tangkai nge, tangkai lo?  Mi pawi i sawi nge sawilo? Mi te tana hlawkna nge i zawn, nangma hlawkna? tihte i inngaih fo dawn nia. A chhan chu, vawiina i tihkha naktukah a siamthat theih tawh si lohva!

Vawiin hi i tan a hlu a, hun kaltawhten i tan hlutna chin nei mahse, i damchhunga i hun pawimawh bet chu Vawiin- ni a i hun zawng zawng kha a ni. Niin a tlakpui tawh chuan thil a fello vek thin.

Aw..Vawiin, i va lo duhawmin i va lo tangkai tak em! i tih theihnan i chhia leh tha hriatna hmangin Thawhlehni a lo thlen a paingin mi dangte tana thiltha pakhat tal tih tum thin ang che. Ka lawm e.

Thubelh:

A lum lutuk a, ka type hleithei der lo. Ka thlan zawih zawih thei. Vawiin chu kawipawh Chanmari- ah Arsa ka lei a, chumi zawha ka haw a, eirawng bawl pahin hethu hi ka han thai thuak a ni e.

Caroline..Aw..Hmel\ha..Caroline

A hmel hi han en la, engnge ang i tih? A hmel hi \ha i ti ve em? A hmel hi keichuan \ha ka ti reuh lutuk.

Ka hmuh hmasak ber ni chu Dt. 29th July, 2010 kha niin ka hria. Kan Exam hova. Exam Hall- ah chuan ka thlen hmasak avangin ka lut hmsa a. Ka \hutfel hnu chuan helai thlalak- a mi ngei mai hi a inhmeh em em kawr mawi tak ha chung chuan Exam Hall- ah a rawn pen lut zan zan mai a!

Ka va enthuak a, ka mit ka lasawn a, ka ennawn leh ngat. A ni pawh chuan minlo en ve reng mai pek a! Ka zak deuh va, ka hawisawn leh thuai a.

Chumi hnu rei lote ah chuan ka va en leh a, min rawn en chiah lo na a, ka en tih chu a hre thovang! Chuan, Exam hun a lo ni a, kan chhang malh malh a. A khat tawkin ka va en leh \hin. Khatia ka en vak vak avang khan nuam pawh a lo tichiahlo maithei a ni! (He he!)

Chuan, ka chhang zo va, ka chhuak a. Reilote hnuah a ni pawhin a chhang zo va, a lo chhuak ve. Chuan, tu emaw hi Phone a tum a, a phone chu a khawih mawlh mawlh a. Zahtheihloh chhuahin ka va pan a, ka va bia a:

'A har em? I thiam em?', ka va ti a.

A ni chuan nuihsak pahin, 'A, a har ve tho mai', a lo ti ve mai a.

Han biakzui chak viau mah ila, ka thisen kha a hniam tlat mai pek a..Chuan, ka han thlek leh \hin a. A zam ve deuh niin alang. Lehlam a hawi a, 'Min lo hruai tawh rawh', atih ka hre thei. Tichuan, 'Hmm', ti rilru chungin ka hawsan ta a.

A hnuah Exam kan nei leh a. Hemi \um pawh hian ka hmu ngei mai. mahse, han biak ka tum vak lem lo va, tin, khatia han enliam mai kha ka tan chuan a \hatna chin a awm a. A chhan chu, Sava thlawklai a lo nih tawhloh chuan hmana min vautute anga vautu ka tawn leh ka hlau pek a! Chuan, ka ngawi rih a.

Mak deuh mai chu, tun \um ka Exam dawn hian, Exam Hall luh dawn hnaih a\ang hian ka Mobile Battery hi a down tlat zel. Chuan, kan pahniha thla kan lakte pawh hi ka Calssmate \hin Lalnuntluanga (Tluanga) Mobile hmanga kan lak dun a nih hi!

Hemi thlalak kan lakdun theihna chhan hi Tluanga vang a ni pakhat a. A lo hriat hnu a nih avangin, keiin ka ngam loh tak kha a ni kha chuan a ngam a, a va beru sar sar a. Chuan an pahnihin thla an la hmsa te te a, chumi hnuah kan dawh ve ta a ni. A hmalawk hian keilah chu ka chesual pek a: Kuhva hring ka ei a, ka eina chu han chhak ka tum, ka chhak sual deuh, ka koki a eng ta ruai mai a. Mahse, thlalak thiam tak Tluanga'n a han lak takah chuan mualpho lovin kan rawn lang alawm hei..

A hming chu Caroline- i tih leh MBA zir a ni tihte, Sava thlawklai a ni tihte chiah ka hria. A thlalak ka nei tawh a, ka tumrual leh ph

Tu huatthu mah ka sawilo turah ka ngai bawk e.

Thubelh: A hmui leh mit hi a duhawm khawp mai. Thildang chu ka sawi lovang!

Tunlaia ka ngaihtuahna \henkhatte

a. Zirtirtu leh Zirlai inkar:

Zirlaite hian an Zirtirtute an zah vakloh hian an Zirtirtute hian an laka thununna han lekkawh hi a him vak lova. A chhan chu Educational Rights hnuaiah Zirlai tana chanvo nasa taka siamsak a nih vang a ni. A chang chuan an Zirtirtute min hmuhsit em avanga hrem chakawm ngaih ngawih te, hrem phu hlaih hliahte an awm fo \hin. Mahse, chung chu kei chuan ka hrem ngam ngai lo. A chhan chu, dan hma- ah min chhuahchhal ta sela, a Zirtritu tan khan dan han \anchhan tur mumal avang riau a ni!

Tunhma chuan Educational Rights te la awm hek lo, Zirlai khan an ZIrtirtute kha  an hmusit emaw, an deuhsawh thiang lo hrim hrim a. An ti el thianglo bawk. Chuvang chuan naupangte pawhin Zirtirtute kha an hlau va, a thiam pawh an thiam thei vaiu \hin reng a ni.

Tunah erawh chuan he Educational Rights kan hman tak avang hian naupangte hi a thil hrerual, heng- Higher Secondary a\ang hian an rawn pawr ta viau mai a. Hei hi a buaithlak ka ti khawp mai. Nakin lawka kan la buaina tur chu he Educational Rights hi a ni. A chhan chu, Zirtirtute tana ham\hatna palhat mah a awm lova, Zirlai chu a thiamlohna- ah pawh thiamchan theihnan vohbik an ni tlat mai. Hei hi a pawi khawp mai.

Tuna ka naupangte ah ngei ngei pawh hmaichhana min dinchilh a, 'ka rights a ni' ti ngam an awm a. Ka thinrim si, ka tlawm la bawk si, mahse, engtinmah ka ti lem lo. Khatiang ang kha a awm theih tlat- tunlai naupang hi zingah hian! Mahni Rights hre hlur, midang Rights zahsak chuang silo an tam lutuk.

Mizoram ah chuan tuna kan Educational Rights hman hi a la \ha lo khawp mai. Kan jhawtlang nun hian ala phak tlat lo. Kan dikna humhim ve kan duhna lamah hian kan in hmu sakhi mai ang tih pawh a hlawuhawm ta a nih hi. Chuvang chuan nangni chhiartu duhtak te u, in fate kha anmahni Zirtirtute zahthiam tur leh an thu awih turin han fuih thar teh u. Zirtirtu sual chi chu awm theih a nia, mahse, Zirtirtu tamzawk hi mahni naupangte tana inpe zo, anmahni tana inhlan engemawzat kan awm tihte hi lo hrilh teh u'n. Zirlai chuan Zirtirtu phalloh chu a kawi angilin a zawm mai tur a ni tihte thleng hian!

b. Bike tlanchak:

Chanmari-Chaltlang Riad ah hia Spead Breaker hi 10 mtrs vel danah dah zeuh zeuh se, Chaltlang-Bawngkawn inkarah chutiang bawk, Bawngkawn- Chanmari ah chutiang bawkin, tun ai hian chetsual hi a tirah a pung mai thei a, a tlem sawtin ka ring. Bike- a chak taka tlan \hinte hi muangchanga tlante ai chuan an thi hmazawk fo, chawh tak an ni.

c. Tlanchhuak mang si lova Bike leh Motor tihrik chiam:

Ka in bul velah hian hetiang ri hi ka hre ziah. Zinagh ni se, muttui laiin min kaitho va, zanah emaw engemaw huanh pawh a lo rik tawh chuan ka sawi anga an tih \hin avangin eng tihmah a tuitawh leu! Chuvang chuan ka nin zia leh titawhlo se ka duhzia ka han ziak a ni e.

d. Fengchhingi:

Zirlaite Uniform a chh$n thu ka s>l fo va, mahse mimir pawh hian a chhing chu an lo ngaina a ni ang e. Bazarah Inriinni- ah han kal teh- pawngsual duh niawm tak 10 vel chu i hmu ziah ang tih ka tiam a che. Hei hian kan \halaite moral a tilang chiangin ka hria. Duhawm duh, kanmawi duh, hmel\hat duh nihna. Sum leh pai atchilhna, nawmchenna.. Huiha! Chuvang chuan i fate nundan kha ilo chik ve mai mai dawn nia..

e. Rawtuai/ Mautuai:

Chanchinbu hrang hrangah Mautuai/ Rawtuai lem an rawn tlang a, an ui thu leh Mau rem an hlauhthu an rawn ziak ngei a. Mahse, a eiduh zinga mi vek an ni thung khang mi te kha. Chuvang chuan, Mautuai/ rawtuai hi a tui a, i khawrh zel ang u.

3:20 Chawhnu 03-Aug-10