Hringnun:
Destiny Hope Cyrus, Miley Cyrus tia kan hriatlar zawk hi America Lemchan thiam, Zaithiam (zaimawi ?) leh Hla phauhthiam niin, November 23, 1992 khan Nashville khua, Tennessee State-ah a lo piang a. A lo lartan na chu Miley Stewart/Hannah Montana anga Disney series, Hannah Montana- a a chan kha a ni.
Vanessa-i nen
Miley Cyrus hian Heritage Middle School ah lehkha a zir a. Mahse, a mimala Zirtirtu a nei a. country singer Billy Ray Cyrus leh Leticia Cyrus-i te fanu pakhat a ni. Miley hian U hmeichhia pakhat Brandi tia koh leh, U mipa pahnih, Trace leh Christopher Cody te bakah, nau mipa pakhat Braison- a leh nau hmeichhe pakhat Noah Lindsey Cyrus, lemchan thiam ve tho a nei bawk.
Destiny Hope hian a hming a pu zo hle a. A tette a tang rengin nileng lenga nui sen sen reng mai a ni. An koh duatna hming "Miley" tih hi "Nui" tihna a ni. Rannung a ngaina hle a. Ui te, Zawhte te, Ar te leh Sakawr thlengin a nei teuh nghe nghe.
Miley hi Mitchell Musso te, Emily Osment te , Vanessa Hudgens te leh Ashley Tisdale te thiantha tak a ni.
Hmasawnna:
Miley hian kum 9 mi a nihin Television lamah a hming a rawn chher tan a. A inhnimphumna hmasa ber chu a pa TV series "Doc"- ah Guest Starring anga a lan kha a ni. He mi hnu kum 2003 khan, Tim Burton-a "Big Fish" ah a tel a. Music Video "If Heartaches Have Wings" ah pawh a tel ve nghe nghe. Kum 12 a nih chuan Miley-i chu Hannah Montana a chang turin thlan a ni a. A chhan chu, thahrui a ngah vang leh a nitin nun hman thin dan chuan he Film siamtute lung hi a dum zawh em vang a ni. Mitin mai chuan a nun engtik lai pawh chu nuam ti taka hmang reng mai niin an hmu a. Midang Hilary Duff leh dawhsan a Shania Twain chetdante thleng pawha a tih ve theih vek avang chuan miin an ngaina hle. Hemi hnu hian "High School Musical 2" ah pawh a chang ve leh bawk.
October 24, 2006 khan Walt Disney Records chuan Hannah Montana Sountrack, Miley-in Hannah Montana Film a chan laia a hlasak paruk lai telna chu a tichhuak a. June 26, 2007 a lo thlen meuh chuan, Miley chuan Album inkawp "Hannah Montana 2: Meet Miley Cyrus" tia vuah chu a tichhuak ve leh ta. A Disk hmasa zawk chu Hannah Montana Sound Track awmna a ni. A pakhat zawkah erawh chuan ama pual hls dah a ni thung. He Disk pakhat zawk, Hannah Montana tel lohna ah hian Miley zaina hla 10 a awm a. Chung zinga 8 chu amah Miley phuah a ni nghe nghe.
Thildang:
April 2008 khan Cyrus hian a ma Solo Album hmasa ber Breakout chu a tlangzarh a, sum pawh a lalut hnem viau. Tin, hemi hnu hian a aw chu "Penny" aw atan Bolt Animated Film, 2008 a tihchhuahah a thawh bawk a. Cyrus hian Golden Globe Award for Best Original Song for her performance of Bolt's theme song, "I Thought I Lost You" ah chuan a hmu nghe nghe.
Kan sawi hmaih hauh loh tur chu Miley Cyrus's godmother hi kan hriatlar em em, hranghlui zaithiam (zaimawi ?) Dolly Parton-i a ni. Miley hi Christian ni in, Southern Baptist church-ah Baptisma a chang nghe nghe. Hemi hnu hian Hollywood lamah kum 2005 khan a inhnimlut ve ta.
A hlawhtlinpui em em Hannah Montana chu a tawpna tur leh a vawi 4 na atan January 18, 2010 khan tan a ni a. Haiti lirnghing rapythlak tak a thlen hnu lawkah khan kha lirnghing tuartute tanpuina atan khan Charity Single "We Are the World: 25 for Haiti" leh "Everybody Hurts" te a tichhuak a. A Album pathumna "Can't Be Tamed" chu June 21, 2010 khan tlangzarh a ni. "Can't Be Tamed" hian Billboard Hot 100 ah 8- na a hauh nghe nghe.
Tleirawl Ngaihzawng:
Kum 2007 tawp lamah khan Cyrus-i hi a kum hnih chhung Bialpa Nick Jonas-a, Jonas Brothers a mi nen an inthen a. He annih chhung hian hlim hle mahse, a tawp lamah chuan an innghirngho nasa hle niin Seventeen Magazine a hrilh.
Hlawhtlinna lamtluang:
Kum 2008 khan Cyrus hian Dollar maktaduaih 25 a hlawhchhuak a. Forbes magazine chuan "Celebrity 100" list ah 35 na- ah a dah nghe nghe.
Kum 2009 tawp lamah chuan Billboard magazine chuan Cyrus-i chu best-selling female artist ah 4- na dinhmunah an dah a. Best-selling singer overall ah 5-na an nihtir bawk. Forbes chuan Celebrity 100 ah 29- na ah dahin, Dollar maktaduai 25 a hlawhchhuak niin an sawi.
Hnuhma:
Discography:
* Hannah Montana 2/Meet Miley Cyrus (2007)
* Breakout (2008)
* Can't Be Tamed (2010)
Tours:
* Best of Both Worlds Tour (2007–08)
* Wonder World Tour (2009)
Filmography:
Year Film Role Notes
2003 Big Fish Young Ruthie Minor Role
2007 High School Musical 2 Girl at pool Cameo appearance
2008 Hannah Montana & Miley Cyrus:
Best of Both Worlds Concert Herself Concert film; 3D
Bolt Penny Voice role
2009 Hannah Montana: The Movie Miley Stewart Main Role; Film debut
2010 The Last Song Veronica "Ronnie" Miller Main role; Based on novel
Sex and the City 2 Herself Cameo appearance
2011 LOL: Laughing Out Loud Lola Filming/Main role;
Re-make of French film
TV:
Year Film Role Notes
2001–03 Doc Kylie Recurring role
2006–present Hannah Montana Miley Stewart Main role
2006 The Suite Life
of Zack & Cody Miley Stewart "That's So Suite Life of Hannah Montana"
(Season 2, Episode 20)
2007 The Replacements Celebrity Starr Voice role, "Frog Prince" (Season 2, Episode 5)
The Emperor's New School Yata Recurring role, voice
2008 Studio DC: Almost Live Herself First show
2009 The Suite Life on Deck Miley Stewart "Double-Crossed" (Season 1, Episode 21)
Thu lakna hnarte:
a. Wikipedia Website
b. Miley Cyrus Website
Adapted By: Jonathan Lianhmingthanga Sailo
Website News Editor,
ZawlaiDi
5:56 PM 9/7/2010
0 Comments