Covid19 hri ka kai leh kai loh test a ni

Covid19 chuan China rama Wahan City atangin kan khua pawh a rawn lut ve ta!

 


Engtin nge kan khuaah Covid19 hri alo thlen?

A rawn luh dan hi Aizawla kan khaw mi awm rawn hawte atangin a ni.

Engvangin nge Test ka ngaih?

A hri kai Contact zingah kan tel ve a. Kan tel dan hi a hri kai zinga pakhatin RUM PUM a rawn lei vang a ni. Hri an kai a ni tih hmuhchhuah tuk atangin kan khuaah Total Lockdown kalpui nghal a ni. Positive Contact kan nih thu niminpiah khan kan hria a, Positive Contact dangte ang bawkin min Home Quarantine. A hmaa Total Lockdown anih avangin chumi chu HQ hunchhungah an chhiar tel. Vawiin hi Total Lockdown, ni 7-na a ni.

Test tura Inpuahchahna

Nizan (19.07.2021)-ah Damdawiina in-test tura min kalpuitu tur VLTF-in an ruat a, min hruai hun tur nen. 09.30 a.m hmaa Damdawiin thlen tur a ni. TRUENAT-in test tur ka ni.

6 a.m-ah ka tho a. Ka inbualna tur tui ka lumtir a, a so ve leh ka inbual.

Ka inbual zawhah ka insiam. 8 a.m velah tukthuan ka ei.

A tirah chuan VLTF lam atangin min hruaitu tur ruat a ni. Mahse, min hruaitu tur ka phone a. Thil awmzia ka sawi a. Keimaha ka kal theih loh avangin VLTF ruahman thatna angin 09.25 a.m-ah kan Motor-in kan kal.

Damdawiin kan thleng

Damdawiin kan thlen chuan ka test ruala test turte an lo thleng kim tawh hlawm a. Kan hmaa test-ten an zawh tawh avangin keini Batch chuan kan test zui nghal.

A pahnihna ka ni. Ka hnungah chhungkaw pakhat an awm.

Ka test ve ta!

Inchhungah Doctor leh Test buaipuituho chu an awm. Pawnah ka awm a. Inchhung nena indaidanna chu plastic rehkuak niin ka hria. Kaw pahnih a awm.

Ka sample latu tur chuan awng atangin Beng hawlhna ang hi a rawn keng chhuak a, ka hnar dinglam chu a rawn hawlh a. A nazawnga hnar kua kan kheuh ang hi a ni lo. Ka sawifiah thiam lo! A na lo. Mahse, ka mittui a tla! Minute khat vel ka hnar kuaah chuan a dah a, chumi hnuah a lachhuak ta a. A hreawm ka ti lem lo na a, a lakchhuah chuan a thawveng hawk thei!

A hnuah chuan ka ka min an tir a, ka dang a hawlh leh. Hei hi hnar a hawlh chhung aiin a rei lo zawkin ka hria!

Chumi zawh chuan, ka test chu ka zo ta a ni.

Kan tihtur kan tih zawh chuan kan haw leh nghal.

Engtikah nge Test Result a chhuah ang?

TRUENAT-a test hi Champhaiah kan Sample an lakte an phur phei ang a, anlo Exam dawn a ni. Vawiin hian mi 46 Sample Test a ni. Vawiinah chuan Result a hriat hman dawn loh.

Update: 20.07.2021-a Result chhuakah ka Negative.

Post a Comment

0 Comments