Vaikhawtlangah Krismas leh Kum thar

    Pathian khawngaihna a zarah kum 2021 Krismas leh 2022 Kum thar chu Vaikhawtlangah ka hmang.

Vaikhawtlang

   Rei vak lo chamin Vaikhawtlangah hian ka zin tawh thin a. Ka pian a hnuah vawikhatmah Krismas leh Kum thar hmangin ka la zin lo thung. Hemi anih avang hian kum 2021 Krismas leh 2022 Kum thar hman tumin 9th Dec, 2021 (Nilaithawhtanni) khan Bawihpuia Sumo-in Vaikhawtlang chu 10 p.m hnuah ka thleng phei a. 4th January, 2022 (Thawhlehni) zingah ka haw.

    Keinin 'Batling Par' kan tih hi 'Aksesing Pak' an ti a. A tam lai a ni a, ka ei nasa.

    Ka cham chhung hian thiltih lian tham ka nei lo na a, hengte hi ka chhim thung:

1. Football Tournament: Hetah hian Vaivet khua, Khuangphah khua atang leh Kawlbem khua atangin Inkhel tur an rawn kal. Vaikhawtlang GSA Team chuan Vaikhawtlang High School Team chu hnehin Pakhatna an ni. Hei hi a tanni leh a tawpni ka en. Ni thum chhung an khel.

2. Gift Exchange: Dt.  23rd Dec, 2021 (Nilaithawhtanni) Zanah Vaikhawtlang Branch KTP-ten Gift Exchange an hman ka chhim. Hemi tum hi a hlimawm khawp mai. Branch hruaituhoin 'A pe' tih hla, Ngurthangvela sak an lampui a; he huna telten kan hlimpui vek awm e.

Urlawk Zan: Ka sawi tawh angin Vaikhawtlanga Krismas ka vawikhat hmanna tur a ni bawk a, a hriareng nan Ar hem hmin sa ngei ei ka duh! Nilenga lei tur ka hmuh loh hnuah zantir lamah ka duh ang tak chu ka lei a. Ka thianpa nen kan ni a, Kan vawikhat hemna a ni. Kan hem nasa a ni ang; mi chuan an hem tuihnai sar a, keini chuan kan hem ut! Tichuan, tui ti vak lo chungin Arsa hem hmin chu kan ei a, Urlawk Zan chu kan hmang ve a ni.

Kan Ar hem chu

3. Krismas Ni: Chawhma ka inkhawm. Zai boruak a tha thei hle. Chawhma Inkhawm ban hian Kohhran Committee-ten KTP-te Fellowship-na hun an siam sak. Ruai ka theh lo.

25.12.2021

4. Biak In hawn: Dt. 29th Dec, 2021 (Nilaini) 12 Noon-ah Vaikhawtlang Presbyterian Kohhran Biak In hawn a ni. Ka thleninpa, ka pu (ka nu u) ni bawk nen Biak In hawnnaah hian kan kal. He hunah hian Vaikhawtlang Kohhran Zaipawlpui, Vaikhawtlang Kohhran Zaipawl leh Hnahlan Pastor Bial Zaipawlte an zai. A hawn lawmna ruai ka theh.

Vaikhawtlang Presbyterian Biak In

    Vaikhawtlang Presbyterian Kohhranah hian Upa 4 leh Tual Upa 3 an awm mek a; Kohhran member hi 380 vel niin, Dan zawh kim 203 an awm mek.

29.12.2021

Kum hlui thlah zan: Ka tuteho nen Papawr kan kang.

5. Kum thar Ni: Chawhma ka inkhawm. Ruai ka theh lo.

6. IKK (A sen) Krismas thleninah Krismas lawmna an nawn tawp zanah ka inkhawm.

    Vaikhawtlang hi kum dangah chuan Krismas leh Kum thar vel lai hi mi intibuai tam hun an ti thin a. Mahse, kumin chuan hetiang boruak ka hre miah lo. Ka haw dawn zan thleng khan IKK (A var) chu an la lengkhawm.

A khaw dinhmun: Thlasik boruak a vawt hle. Zawngtah awmlai a ni. A hranpaa tui chawi ngai lovin anmahni Inah tui haw hunah tui an dawng tawh. Tin, Mobile Network lamah Airtel leh Jio SIM a hman theih.

Tlangkawmna leh lawmthu sawina: Hetiang dinhmuna ka din tak avangin khawi iloah kal duh ta ila, hruaitu nei lova ka kal theih loh avangin ka thianten min rawn hruai thin a. An chungah lawmthu ka sawi a ni. Anni awm lose chuan Krismas leh Kum thar hlim leh nuamti takin ka hmang hauh lovang.