Vawiin chu helam ka'n hawi teh ang. Nichin khan Gmail hmanga thlalak thawn dan min rawn zawt an awm a. Midang pawhin in hriat loh takin ka'n ziak ang e:
Sawihawnna:
A hmasain Gmail hi lo hmelhriat phawt teh ang: Paul Buchheit-a'n April 1, 2004-a a siamchhuah a ni. Kum 2018 khan Gmail hian hmangtu Vaibelchhe 1.5 chuang a nei. Tunah hian Google chuan a thlawna hman theihin a chhawpchhuak mek a ni.
A hmasa berin Gmail Application emaw, i browser (Chrome, Opera, Safari, Uc Browser, adt.,)-in Gmail i hawng ang. I login sa anih loh chuan Username leh Password i chhut luh a ngai ang.
I luh hnu chuan a hnuai ami ang hian alo lang ang. Feia ka kawhtirna Compose tihah i hmet ang.
A hnuaia lang ang hian a rawn lang ang.
A taksa chhunga thil pawimawhte sawi ila:
1. From: Hei hi a thawntu tur E-mail Address a ni. Nangmah emaw E-mail i thawnsak E-mail Address a ni.
A lema kan hmuh ang hian Phone pakhat aṭanga Gmail Account pakhat aia tam i Log-in anih chuan i duhna ber Account-a i Log-in theihna a awm ang. (From tih inziahna zawnah v anga awm khi)
2. To: Hei hi ka va thawn tur E-mail Address a ni.
Cc: Carbon Copy tihna a ni. A lang lo na a, To piahah khan v ang hmeha a dang BCC tih lo lantel theihna a awm. Kan E-mail chu midangin lo hmu ve se kan tih chuan hetah hian an E-mail Address kan ziak ang a, amaha auto fill-a an E-mail Address a rawn lan loh chuan manual-a chhut luh tur a ni a, semi colon hmanga daidan tur a ni. BCC chu Black Carbon Copy tihna a ni. CC nena a danglamna chu CC-ah chuan kan E-mail lo dawng ve tura kan tihte list a hmuh theih a, BCC-ah chuan a hmuh theih loh thung.
3. Subject: Kan va thawn tur E-mail thupui a ni.
4. Compose Email: Ka va thawn tur thu kha a chhutna tur a ni. Lehkhathawn kan intawn ṭhin anga ziah mai tur a ni.
5. 
Feia ka kawhtirah hian duhthlan tur pahnih Attatch File leh Insert from Drive tih a awm.
6. A chung chiah thlalaka feia ka kawhtirna bula > ang hi i E-mail thawn tur chu i peihfel hunah i hmet ang. Tichuan, a inthawn mai dawn a ni.
Kan E-mail thawn hi a chang chuan Inbox-a thleng nghal te, thleng nghal loa Spam-a lut hmasate a awm ṭhin.
Compose tih inziahna phei, a dinglam sira dot pathum intlar thlaah hian i hmeh chuan thil dang lolang a awm a.
Thil hrang hrang awmte chu:
1. Schedule send: Kan E-mail chu amaha a lo inthawn thei turin kan siam thei. I Schedule hnuah i mu emaw, i leng emaw, Television i en emaw, Games i khel emaw, Nula i rim daih thei emaw, adt., tihna anih chu!
2. Add from Contacts: E-mail i thawn tur-ah khan a thlan theih. To ami tur a ni.
3. Confidential Mode: Hei hi Security atan a ṭha hle. Message kha en theih nan Password ngaiin kan siam thei a ni.
Password siam theih dan chi hnih Standard leh SMS Passcode a awm. Mahse, he Password (Passcode) hi Google-in a dawngtu tur chu a thawn dawn a, ilo buai a ngai lo.
4. Save Draft: Hei hi kan E-mail chu thawn mai lo a kan draft (tihchhinna) a ni.
5. Settings: I Google Account Settings a ni.
6. Help and Feedback: Ṭanpui i ngaiha Gmail aṭanga ṭanpuina dawnna leh a ṭha nge ṭha lo/ hman a nuam nge nuam lo, adt., Google hnena i sawina tur a ni.
Tlipna:
E-mail hi a thlawna mipui hman theih tura chhawpchhuaktu an awm a. Chung zingah chuan Yahoo te, Rediffmail te, Gmail te hi a lar zual an ni.
0 Comments