A khuhhawnna:
PAN CARD kan tih, a lampum Permanent Account Number hi Income Tax Department-ten an siam a ni. PAN Card-ah hian digit 10, thumal (Alphabet) leh Number inkawpin Code a awm a; hei hi PAN Card neitu nihna kimchang tarlanna a ni.
PAN Card hi a siam theih dan chi thum a awm a. Chungte chu mahni leh midang tupawh, a tithiamten Phone No leh Aadhaar Card in-link hmanga E-FILLING aṭanga an siam te, Common Service Center (CSC)-in UTI/NSDL hmanga an siam leh mimalin Online-a form a fill up a, Document-ho daka an thawn te a ni. E-filling aṭanga siam chungchang hi mipuiten Awarness kan neih a pawimawh avangin ka sawi dawn a ni.
Eng nge E-filling chu?
Sawrkar hian mipuite tan PAN CARD kan insiam theihna turin Open Portal a siam a. Chu chu E-filling a ni. Hemi aṭanga PAN CARD siam tur chuan Phone No leh a neitu tur Aadhaar Card inthlunzawm a ngai. E-fiiling aṭanga siam chu PDF-in a chhuak a, chu chu print a; a duhin laminate emaw Smartcard emawa print tur a ni.
Aadhaar based anih avangin Aadhaar Card-a a hming leh a Date of Birth kha a chhawm nghal. (Aadhaar Card a dik loh chuan PAN CARD pawh a dik lo nghal dawn tihna a ni.)
Eng nge E-filling a ṭhat lohna?
1. Ilo siam ta a. I hman duhnaah khan a hman theih nghal loh maithei. Hun engemawchen i nghah a ngai maithei.
2. E-filling-ah chuan PAN CARD neitu tur PA/NU hming a awm lova, a Signature a awm lo bawk.
3. Aadhaar based anih avangin Aadhaar-ah a hming kha S.KHIANGAWIA tih ni tase, E-filling aṭanga PAN CARD i siamah khan S.KHIANGAWIA tih a rawn ni dawn. PAN CARD-ah . (DOT) a awm theih loh avangin siam ṭhat a ngai.
4. Siam ṭha tur chuan kawng a thui. Hming-a Initial dawtah . (dot) awm hi Group A Officer Id leh lehkhaa a hming sign te, Gazzete Notification te., adt..a ngai a. Hei hian Pawisa leh hun a duh. I rinaiin pawisa i inseng tam ang.
5. Siam ṭha theia insawi engemawzat an awm ang a, siam tha thei awm mahse, a nawlpui chuan an siam ṭha thei lovang. ‘A la chhuak lo, A chhuak thei lo’ an ti ang a. A tihman i seng thlawn fo ang.
6. A reng reng thuah Initial leh . (dot) awm lo pawh nise i PA/NU hming leh i Signature a awm loh avang khan hman i tumna hmun ṭhenkhatah a hman theih dawn loh a, correction i siam a ngai. Correction i siam hunah documentary proof vek a ngaih tawh avangin i PA/NU hming dah tur te, i Address dah tur tein documentary proof a ngai. I Aadhaar Address, i Aadhaar-a i DOB a dik loh a, document dang hman tur i neih loh chuan i buai a ni mai.
7. Mizoramah hian PAN CARD surrender/ withdraw-na tur a awm lo. A lo berah Silchar kal a ngai. Chutah pawh in tithei kher lo ang. Bawngkawn, Brigade Field bulah sawn Income Tax Department-in Office an neiin ka hria. PAN CARD chungchang an zawhfiah theih ka ring.
8. Aadhaar nena PAN CARD a in-link tawh avangin a thar hlak a siam theih loh.
Engtin nge buaina i pumpelh ang?
E-filling aṭanga PAN CARD i siam tawh chuan correction i tih a ngai. A nih loh chuan i PAN CARD kha i Surrender/Withdraw a ngai. Chuti anih loh chuan thu a tawp e lumam tih ang kha a ni mai!
Engvangin nge a siam dan chi danga siam hi a ṭhat bik?
A siamtuten an siam dik loh sak che anih loh chuan a hmanna awm chiah chuan a hman theih vek. (Digital Mode hi Aadhaar Based anih avangin E-filling atanga PAN CARD SIAM nen a inanna chen a awm a, hei pawh buaina a awm thei.)
Thubelh:
PAN CARD pawimawhna la hre lo in awm takin tlem han sawi ila: A tel loin Bank aṭangin ₹50000 chin chunglam i la lutin i lachhuak thei lovang. Mimal/Firm/Society/Trust.,adt. Income Tax Return an file dawnin PAN Card neih ngei ngei a ngai. Bank aṭangin ₹200000 chin chunglam Loan i la thei lo bawk ang. Credit/Debit Card dilna atan PAN Card neih ngei ngei a ngai. Foreign-a hnathawk tur tan neih ngei a ngai. Tunlaiah chuan Bank Account hawng tur tan PAN CARD neih a ngai deuh zel tawh.
Aadhaar Card leh PAN CARD link loh, PAN CARD hman theih loh nei an awm. An link tir loh chuan PAN CARD nei mahse hman theih loh a ni. A thi a ni lo. Danin PAN CARD pakhat aia tam neih a phal loh avangin a thar siam tir an awm ṭhin. Mahse, sawrkar lamin a hriatchhuah hunah ₹10000 chawi theihna a ni.
Heng: Smartcard-a chhuak tur Aadhaar Card siam te, ka sawi tak E-filling aṭanga PAN CARD siam (ePAN) Smartcard a siam te; Correction chi hrang hrang tih (PAN CARD neitu hming dik lo te, PAN CARD neitu pianni, thla leh kum te; PAN CARD neitu Address te, PAN CARD neitu Phone No) te, Association/ Society PAN CARD (YMA, MHIP, MUP, Kohhran., adt) siam te; Aadhaar Card leh PAN CARD link te, PAN CARD Number hre lo zawn te; Kum tling lo PAN CARD siam te englai pawhin kan ti thei e. PAN CARD hi ral aṭangin a siam theih. Phone No leh Aadhaar Card in-link a ngai lo.
Tlangkawmna:
Rang taka chhuak a, man tlawm bawk si hi a sawhkhawk tur ngaihtuah lovin mipuiin kan pan nasa. Tunah hian mi tamtak an buai mek a ni. PAN CARD thar hlak siam a chi si loh a, siam ṭha turin siamtha thei awm zeuh zeuh mahse a siam ṭhattir hleitheih bawk si loh! Chuvangin, thla khat chhung vela dak atanga i Address-a rawn thleng tur Smartcard; a rawn thlen hmaa a aiawha hman tur PDF, kar khat chhung vela chhuak tur chi (Physical Mode) chiah hian PAN CARD siam tir nachang hriat a ṭha. Digital Mode pawh hi Aadhaar Based anih avangin i Aadhaar Card a dik lo emaw i Aadhaar Card-ah hming lamtawi (Initial) leh a dawtah chhunhan (dot) a awm chuan E-filling-a harsatna i tawh theih zawng zawng deuhthaw khi i tawk thei tho a ni tih hria ang che.
0 Comments