 |
| Hnahlan HSS Tuala Opening Ceremony hman lai |
Tualcheng Pastor Bial KTP-ah hian Tualcheng, Pamchung, Selam leh Lungphunlian Branch KTP-te an awm a, Hnahlan Pastor Bial KTP-ah hian Hnahlan, Hnahlan Vengthlang, N Diltlang, Khuangphah leh Vaikhawtlang Branch KTP-te an awm.
He Joint Meet-ah hian mikhual 160 chuang an lokal a, nizan atang khan tan a ni. Vawiinah Outdoor Programme hman a ni.
Tel tura inbuatsaihna:
Engemawchen KTP Activities vela ka tel loh hnuah tun hmaa Pastor bial khata kan awmpui thin Lungphunlian leh Tualchengte chuan Pastor bial danga min awmsan avangin anmahni nena thiltihho a khat tawh dawn si a, chuvang chuan tel ve ngei ka duh avangin kan Branch Secretary, ka thianpa ni bawk Tluangtea ka hrilh a. Ani chuan min rawn sawm dawn a ni.
Tukthuan eikham chuan Selama kan hmelhriat pakhat hi Car-in kan inah a lokal a. Ani chuan Tluangtea min sawm tura a rawn kal va tawk turin Car-in min hruai a, an in thlen hmain kan tawk. Tichuan, kan pahnihin ruah tla siap siap hnuaiah Outdoor kan hmanna tur Field lampan chuan kan kal. Pavillion kan thlen chuan alo la inhawng lo a, ani chu chahbi lain chahbi kawltute inah a kal. Rei vak lo a thang hnuah alo thleng a, Pavillion chhungah kan lut a.
Rei vak lo hnuah Branch pahnih OB-te leh Pastor pahnihte an Committee zawk. Khuain min bumro tak siah chuan Item kan neih tur chu an titlem a. Volleyball leh Football-ah Item kan nei dawn a ni.
Volleyball benna hmun tur chu Field sang an tih avangin Field sang kan pan. Field sang kan thlen chuan a thlanga Hnahlan Higher Secondary School Tual chu tih a ni leh ta zawk. Chutah chuan kan chhuk thla.
 |
| Tluangtea nen |
Session khatna:
Thutnate an remfel hnuah Hnahlan Pastor Bial KTP Treasurer chuan a kaihruai a, Tualcheng Pastor Bial Pastor (Rev. C. Lalruatkima)-a'n Joint Meet chu a hawng.
Volleyball chu Pastor Bial KTP pahnih OB-ten an beng. An hmuhnawmin nuihna tur a tam khawp mai. Anni zawhah hian Pastor Bial pahniha hmeichhiaten an beng ve leh. Tin, rei lote beng an awm bawk.
Volleyball ben zawhah Refreshment eia inho a ni [Sawhchhiar (Arsa tel) ei a ni a, Thingpui inho a ni].
Session hnihna:
Playground-ah hman a ni. Pastor Bial KTP pahniha OB-te chuan khelmual diak takah an khel. An che velin nuih a tiza hle.
Kharna:
Hruaitu, Hnahlan Pastor Bial KTP Teasurer chuan tawngtaina hun a hman zawhah kan Outdoor Programme hmang chu kan tin ta a ni.
Haw lam:
Ka Cousin, u Mabiaka chuan a Car-in kan inah min thlah.
Thubelh:
1. Khawchin sawilawktu lam chuan DAWT an sawi fur mai. An sawi dan chuan chawhnu lama sur tur a ni. Mahse, zingkar leh chawhma lamah khua a chhia a, chawhnu lamah khua a tha.
2. Item tam zawk neih a duhawm hle. Member zawng zawng tel theihna ang chi Item awmse chuan a telhoin an sawi ve fo tur a ni. (Programme-ah chuan awmtho mahse khuain min bumro tak avangin tih a nita lo).
3. Hetiang hi zawngchhang tlak ka ti.
0 Comments