Thildang han sawi leh ta ila. Hmingtea Sailo hian infiamna lamah hian a than hi thut deuh vangnge, theih alawi hi a neitlem hle a. Mahse, Badminton hi nuam a tiin, a naupang deuhlai pawhin a ma tawkin a khel ve nasa theikhawp mai. Hanhlan Community Hall-ah te pawh a thiante nen an lo vaw ve zak zak thin tawh a ni.
Tin, Infiamna han ti mai ila, Inelna a ni ber ang chu, Debate leh Quiz tih ang vel, Oral-a tihtur chi hi a tui khawp mai a. Ama tawkah pawh Lawmman a lo la ve nual tawh a ni. Chung zingah chuan Govt. Hrangbana College, Aizawl, Chanmari, Silver Jubillee lawmna peng pakhat, Inter College Quiz Competition -ah a mimalin lawmman a lo la tawh a ni. Tin, Entertainment lamah pawh LPS Vision- in Huapzo Program an huaihawt laia khan an College-a an kaltumin a awm ve hlauh mai a, Participants turin kohchhuah a han ni kher bawk a, tichuan engengemaw lawmman a la ve teuh a ni. Hemi avang hian a lawm, amah ngamtlak tute leh a chhungkhat lainaten 'Chhangthawp heh' an tih!
Thildang, amah hi khawdangah hian Class- X zirdawn atangin a awmhrang tan a. Aizawl North High School, Bawngkawn Chhimveng a mi neitu Pi Zachhungi leh Pu Lalbiakthiama te chuan Miss Zothansangi(Sangtei), D/o K. Lalkhuma kaltlangin a thlawn veka an chawma an enkawl turin an sawm a. Tichuan, Class- X seat Full vektawh, Pu K.Zaluta of Govt. Mizo HSS Principal-in seat min siamsak hnuah chuan min rawn sawmtute hnenah chuan Class-X chu a zirchhuak ve ta a ni. Heta tang hian Vengchhung Chanchinbu heng- FINNA leh Chhimveng Kohhran Chanchinbu(ENTU) -ah te Article a thawh ve thin a. Mahse, kan sawitak ang khan mipui tamzawk chhiar theih tura a thuziak hmasa ber chu The Aizawl Post-a chhuak, AIDS lampang hawi kha a ni.
