A. KA NGHILH NGAI LO’NG CHE (LV)
I. Ka hmangaih leh duhber Lv,
Ka lei lawmna par mawiber;
Ka va han ngai che em!
I tello chuan awmkhua a har ngei mai,
Lungrukah min veilo mahla,
Keichuan ka hmangaihin-
Ka theihnghilh ngai lo’ng che!
= Nang chauh hi a ni,
Ka lei lawmna parmawi,
I zunah par ang ka vul ve si lo!
Theihchang se, hmangaiha
Inthlahlela lendun-
Ka va nuam em e aw,
Ka hmangaih Lv,
Ka duhber che a ni!!
II. An sawi hmangaihna hi,
Hriatthiam har ka va ti em!
Ka va han duh tak che
Em! I tello chuan ka tleizo mawlhlo,
Min hmangaih theilo mah la e,
Ka hmangaih leh ka duh
Aisam kimna i ni reng!
III. An sawi lei Rosum zawng,
I tan ka neizo si lo.
Lei Rosum hausakna,
I lawmna tur tham neilo mah ila,
Min hmangaih ve theih hlauh chuan maw,
A riang kei ka tan hian,
Lunglawm a kim ngei ang!
Phuahni: Dt. 5th March, 2006
B. LV
1. Vanhnuai aleng Hringfa zingah,
Kei aia riang an awm nem maw?
An sawi hmangaihna parmawi vangin,
A ring nun ka chang mai ta si!
Kei aia riang an awm nem maw?
An sawi hmangaihna parmawi vangin,
A ring nun ka chang mai ta si!
Chorus: Ka hawi vel a, Chungleng Sirva,
An leng dial dial- Thangvanah khian,
Thlazarin hmangaihna par mawi chu,
Hram chungin an ‘inhlan’ e.
An leng dial dial- Thangvanah khian,
Thlazarin hmangaihna par mawi chu,
Hram chungin an ‘inhlan’ e.
2. Keizawng ka riang hluan em e aw,
Tu dang aiin ka riang bik em?
Hmangaihna vanga han chul mai chu(h)!
Tuarzo hian ka mawi mawlh si lo!
Tu dang aiin ka riang bik em?
Hmangaihna vanga han chul mai chu(h)!
Tuarzo hian ka mawi mawlh si lo!
3. Min hnemtu han tawng mai ila(h)!
A va nuam dawn em- Ka tan hian!
Ka hrilthiam ve mawlh dawn si lo, Kei
Chantur ka han dawng chang hian.
A va nuam dawn em- Ka tan hian!
Ka hrilthiam ve mawlh dawn si lo, Kei
Chantur ka han dawng chang hian.
4. Ka hmangaih che a ni Lv,
I tan tlinglo mah ilangin,
Ka hmangaih ngawih ngawih che avang hian,
Tlawm leh zah pawh ka dawnzo silo!
I tan tlinglo mah ilangin,
Ka hmangaih ngawih ngawih che avang hian,
Tlawm leh zah pawh ka dawnzo silo!
Phuahni: 25th February, 2006
Phuahchhan: Khi hla khi a phuahtu hian a hmangaih leh a duhber chu hmangaihna veka chhanlet a nihloh avangin hmangaihna avangin a nei zo lova, a rethei hle a ni. A han hawi velte hian Sava te chu hram chunga hmangaihna inhlanin an thlawk siau siau a.
Mahse, chhanletloh hmangaihna avang hreawm taka nun hmang mektu hian zahpawh dawn zolovin a hmangaihzia chu vantlang hma-ah hla thu hmangin a rawn puangchhuak ta a ni.
