Teachers' Day Outing

Vawiin Dt. 5th Sep thla Inluah man tur ka chhungten min thawn lamin Mission Vengthlanga ka Cousin te In ah ka kal a. Mission Veng thleng City Bus-in ka kal (chuang) a. Sikulpuikawn ka thlen chuan Aizawl khaw timawitu leh cheimawitu pakhat, sawisel hlawhtak ADA in an thiahtak Fly- Over kha a awm tawh lova. A awmlaia thla vawikhat tal ka lo la hman lo kha ka inchhir ngawih ngawih nia! A lai taka a dotu ban an phunna hmunah chuan khawhar hmel zetin Traffic Duty Post a lo awm bam a. Ka lung a chhe lek lek hial! Chuan, Mission Veng atangin ke hlirin Pu C. Rokhuma Colony velah ka tei ta zak zak mai! Ka Cousin te In hi ka la kal lohna nia ka hriat avang leh an awmna tak hi ka hriatchian loh avangin ka zawng hah hrep a. Kan in- phone chamchi a, mahse, a tawpa tawpah chuan ka thleng thei ta hram.

Samsona leh a putea

Ka Cousin hi Dawngtei a ni a. A pasal chu Lalchunglura, MPS a ni. Fa pahnih, pakhat- mipa (a upa zawk) Samson tia an koh leh a dang- hmeichhia (a naupang zawk) Deborah Sangthanchami an nei a. Bairabi atangin Aizawlah an rawn Transfer a ni.

Deborah-i muhil lai

Ka Cousin U Dawngtei hi a nulat lai pawha a bulah min awmtir thintu, a nau anga min en a, min duat em em thintu a nih avangin ka ngaina em em a. Lalmuankimin, 'Ka Hmangaih che; tih hla a sak chang phei kha chuan a Hla duh thin anih avangin ka hrechhuak fo.

Ka Cousin te In

Vawiin- a ka kalvel na- ah hian Synod Multipurpose Training Centre (SMTC) Compound chhungah ka Cousin te awmna zawh tumin Gate a inhawn avangin ka han lutchho va! Ui liantawk pakhat hi a lo awm a. Min hmuh ve leh chuan a 'bauh' nghal tuar(h) tuar(h) a. Ka hlau takzet a ni.

Ka au chiam a. 'In Ui hi'.. vawi thum vel ka ti a. Ui lah chuan min bauh nasa hle. Khami Centre bul velah khan In a awm thlauh a. An awm hlawm tih hriat takin kawngka a inkalh lo. Mahse, tumah an lo dakchhuak lova, 'tik' pawh an rawn ti lo! He Centre Signboard thla hi ka rawn la nghe nghe e, hei:

Vawiin- a ka kal chhuahna- ah hian Mission Vengthlangah chuan Naute thi a lo awm a. Mipui an thahnem hle. Kawn phei zawng zawng an khat phei vek a, kaltlang inthlahrunawm tak a ni.

Vawiin ka kalchhuak chuan heng hi ka hriatbelh a:

a. Mission Vengthlang Biak In awmna

b. Minister Lalsawta In awmna

c. DGP Pu Lalngheta Sailo In awmna

d. Mission Vengthlang hi an tleirawl te an HMELTHA.

(Ha Ha...!!!, ka han fiamthu pah deuh a ni e... Vawiin hi kan Day a nia.. Ka han Outing ve lawks a ni e. Vawiin- a ka tleirawl hmuh chu chhelo deuh asin!)

Step- ah ka chhukthla- a. Tleirawl piannnalh tawk, fengchhing tawk, mithmul arh mawi tak, samsei, Hlabu keng ngei mai kha! Ka ding a, ka lo en tawp!

Ka ding a, ka lo en tawp! A lai ve deuhvin ka hria! Chuan, min rawn kalpel a, ka Mobile Phone Camera ka lekchhuak ngam thlawt lo a nih chu! Min kalpel a, ka thaw halh a. Zu in thin han ni ila, tlemin han 'hai' chhalh ila chuan ka 'ngam' ngei ang mawle (tute emaw tihdanin!!) Chuan, hnunglam en let miah lovin ka kalsan daih! Ka rilru a na, khatianga hmeltha an awm kha....