Mayawati Supreme Court nen innghirngho leh ta
New Delhi: Supreme Court chuan Mayawati Sawrkar hnenah Lucknow-a Tanin hlui hmuna In sak a nihdan chungchangah insawifiah turin thu a pe.
Mayawati
Justices P Sathasivam leh A R Dave te thutna Supreme Court Bench chuan Uttar Pradesh Sawrkar insawifiahna - 'mipui vantlang tana tha tura tih a nih leh a hungna siamthat a nihthu an sawi chu a pawmsak lo.
"Thlalak tamtakah insak mek te a lang a. Engvanginnge hetianga khawpa nasa Cement leh Balu leh thildangte hmanga a hung na turah hman a ngaih?", tiin he Bench hotu Justice Sathasivam chuan Mayawati Sawrkar a zawtlet.
"A hungna anga insawi hi kan pawm dawn lo. Tuna a dinhmun diktak hi insawi fiah tur a ni", tiin he Bench hian a sawi.
195 acre zeta zauva phalna la hmasa lova In sak an tumna hi Apex Court chuan titawp turin a lo hriattir tawh nghe nghe. Hei hi a chhan bulpui ber chu Supreme Court emaw, Sawrkar laipui phalna la hmasa lo chuan helai hmun, Tanin hlui hmunah hian eng Building mah sak phal a ni lo a ni.
0 comments:
Post a Comment