Hun hi tangka a ni tih chu mi pangngai chuan kan beng leh mit awmna kan hre ang tlukin kan hria. Chutih rual chuan a hmandan kan thiam lo hle. Kan hmalam hun tur kan hrelawk lo nachungin 'remruatna chu Mihring chan a ni a, a tihhlawhtlin lam chu Pathian chan' a ni tih kan hrereng chung hian, kan inbuatsaih lawk lo fo thin.
Nia, a dik khawp mai! Hun hi hman thiam a har reng a ni. A hmang thiam inti te pawh hian an duh angin an hmangzai thiam lo fo thin! Khawvel ram changkang apiangah a michengten hun hmanzai dan an thiam. Keini ram thangmek India ramah pawh kan hmang daihzai thiam chho tan mek a, a lawmawm hle. Hei hian nasa takin kan ram Economics a titha a, Mizoram pawh a kum a telin ka changkang chho ta tial tial a nih hi! Mahse, hetih rual hian hun hman daihzai thiamlo leh mi thatchhia an lo pung ve tial tial bawk. Hun hman daihzai thiam zinga tel nge i duh a, hun hman daihzai thiam lo leh mi thatchhia, mi te iak ruala iak ve pha lo zingah i tel i inngaihtuah a hun ta hle mai!
A hnuaia ka han ziahtlar te khu i hunawl remchangah han ti chhin teh, i nun pawhin a hlimphah ang a, i hunawl luangral mai mai tur kha i hmang daihzai tihna ni ang:
a. Tihtur i neih loh lai tak a nih chuan, i hun kaltawha i thiltih, a chhia a tha han ziakchhuak teh. Kha kha i dahtha a nih chuan, nakin zelah itan thil tha leh tangkai a la ni thei a ni.
b. I hmuh theih maia tanpui ngai fahran an awm. Engmah tihlaklawh leh tih hmabak hranpa i nei lo. Chumi hunah chuan tanpui ngaite chu han tanpui teh. I tanpui kha a lawm chauh a ni lovang a, nangmah pawhin i hlimphah sawt ang.
c. Lehkhabu chhiar rawh. Lehkhabu chhiar rawh ka han tih hian, ngaihtuahna hruaikawi thei Lehkhabu ka sawi lo. Bible te leh mi ropuia kan ngaihte ziak leh an chanchinte chhiar la, chu mi te nundan tha anga nun chu tum rawh. I hlawkpui ka beisei.
d. I ngaihtuahna vakvela thil lolangte kha han ziak teh. Article chhiar hlawhtak a ni thei a sin.
0 comments:
Post a Comment